Банкаўская сістэма Рэспублікі Беларусь з’яўляецца двухузроўневай і ўключае ў сябе Нацыянальны банк, іншыя банкі і нябанкаўскія крэдытна-фінансавыя арганізацыі.

Галоўнае ўпраўленне Нацыянальнага банка Рэспублікі Беларусь па Магілёўскай вобласці з’яўляецца структурным падраздзяленнем Нацыянальнага банка Рэспублікі Беларусь і дзейнічае выключна ў інтарэсах Рэспублікі Беларусь на рэгіянальным узроўні. Першачарговая задача Галоўнага ўпраўлення – рэалізацыя грашова-крэдытнай палітыкі Рэспублікі Беларусь у Магілёўскай вобласці і кантроль за яе выкананнем.

У адпаведнасці з пастаўленай задачай каардынуюцца пытанні крэдытавання ў межах рэалізацыі дзяржаўных праграм, ажыццяўляецца нагляд за дзейнасцю падраздзяленняў банкаў, выконваюцца функцыі па арганізацыі наяўнага грашовага звароту, развіцці рэгіянальнай сістэмы «Маніторынг арганізацый», павышэнні фінансавай пісьменнасці насельніцтва.

Галоўнае ўпраўленне аказвае паслугі па продажы памятных банкнот, памятных манет Нацыянальнага банка, куплі і продажы мерных зліткаў з каштоўных металаў, каштоўных камянёў ў выглядзе атэставаных брыльянтаў, прадастаўленні крэдытных справаздач карыстальнікам крэдытных гісторый.

Банкаўскія паслугі юрыдычным і фізічным асобам на тэрыторыі Магілёўскай вобласці аказваюць 323 адасобленыя і структурныя падраздзяленні 19 банкаў і 2 нябанкаўскія арганізацыі «ІНКАС.ЭКСПЕРТ» і «АРІП».