Рус Бел Eng 中文

Ад аплаты камуналкі да стыпендыі школьнікам - як матывуюць работнікаў у бялыніцкім калгасе «Радзіма»

Бялыніцкі СВК «Калгас «Радзіма» распрацаваў сістэму мер для матывацыі сваіх работнікаў. Аб некаторых з іх сёння Прэзідэнту Беларусі Аляксандру Лукашэнку расказаў старшыня кааператыва Аляксандр Лапацентаў.

Сярэдняя зарплата ў калгасе ў 2017 годзе склала Br927, у гэтым годзе яна павысілася да Br973 і прадаўжае расці.

Работнікам даплачваюць 10 працэнтаў за вядзенне здаровага ладу жыцця. «Некалі смяяліся з гэтага, а сёння ў нас 85 працэнтаў работнікаў не кураць», - заўважыў Аляксандр Лапацентаў.

Акрамя таго, добрасумленным работнікам аплачваюць жыллёва-камунальныя паслугі першыя два гады, а 10 лепшых работнікаў СВК штогод атрымліваюць пуцёўкі ў санаторыі Беларусі або іншых краін.

Заахвочваюць у калгасе і дзяцей, якія паказваюць добрыя вынікі ў вучобе. Пры гэтым неабавязкова быць круглым выдатнікам: калі вучань стараецца і паводзіць сябе добра, ён таксама можа разлічваць на падтрымку. «Стыпендыі мы плацім ужо 25 гадоў і не пераставалі ні пры якіх сітуацыях. Стыпендыі розныя, але гэта вельмі дзейсны інструмент», - адзначыў старшыня калгаса.

Вялікая падтрымка аказваецца моладзі. Тым, хто мае вышэйшую адукацыю, выплачваюцца пад'ёмныя ў памеры трох сярэднямесячных зарплат, работнікам з сярэдняй спецыяльнай адукацыяй - у памеры дзвюх, з прафесійна-тэхнічнай - у памеры адной.

Маладым спецыялістам выдаецца пазыка ў памеры Br2,5 тыс. Калі яны адпрацуюць на прадпрыемстве пяць гадоў, то грошы вяртаць не трэба. Праўда, каб атрымаць такую падтрымку, трэба зарэкамендаваць сябе ў першы год работы.

Усяго ў СВК працуюць 292 чалавекі, з іх 84 працэнты - выпускнікі мясцовых школ. «92 чалавекі ў калгасе ва ўзросце да 35 гадоў. Яны карыстаюцца даволі сур'ёзнымі льготамі, мы ім даплачваем 10 працэнтаў да асноўнай зарплаты. Сярэдні ўзрост працуючых у нас - 44 гады», - звярнуў увагу кіраўнік.

Аляксандр Лапацентаў узначальвае калгас з 1981 года. Ён узнагароджаны ордэнам Працоўнага Чырвонага Сцяга, ордэнам Айчыны III ступені, з'яўляецца заслужаным работнікам сельскай гаспадаркі Беларусі.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

14.02.2019 - 14:48 | У Магілёўскай вобласці за мінулыя суткі адбылося два пажары

У Магілёўскай вобласці за мінулыя суткі адбылося два пажары. Пра гэта паведамілі ў цэнтры бяспекі жыццядзейнасці і ўзаемадзеяння з грамадскасцю абласнога ўпраўлення МНС.

12.02.2019 - 13:56 | Прэзідэнт Беларусі Аляксандр Лукашэнка даў згоду на прызначэнне старшынёй Клічаўскага райвыканкама Віктара Рабкаўца

Прэзідэнт Беларусі Аляксандр Лукашэнка 12 лютага разгледзеў кадравыя пытанні.

12.02.2019 - 08:07 | Спартыўная тэма набірае папулярнасць: у Антонаўцы гуляюць у валейбол, у Касцюковічах – у хакей

Зноў адкрылася днямі спартыўная зала ў сацыяльным цэнтры аграгарадка Антонаўка Чавускага раёна. Адкрыццё адзначылася таварыскім валейбольным матчам паміж камандамі жыхароў Антонаўкі і суседняга аграгарадка Каменка. Падчас гульні не пуставалі і глядацкія месцы – 40 балельшчыкаў прыйшлі падтрымаць мясцовых валейбалістаў-аматараў.

07.02.2019 - 09:45 | Увесь люты на пляцоўцы палігона «Асіповіцкі» праводзяцца планавыя падрыўныя работы

Увесь люты ў рабочыя дні з 9.00 да 16.00 на падрыўной пляцоўцы палігона «Асіповіцкі» вайсковай часці 12147 праводзяцца планавыя падрыўныя працы.

07.02.2019 - 09:12 | Рамонтныя работы ў Асіповіцкай СШ №4 плануецца завяршыць да верасня 2019 года

Рамонтныя работы ў Асіповіцкай СШ №4 плануецца завяршыць да верасня 2019 года. Пра гэта паведамілі ў аддзеле адукацыі Асіповіцкага райвыканкама.