V ФОРУМ РЭГІЁНАЎ БЕЛАРУСІ І РАСІІ

Магілёў. 11-12 кастрычніка 2018 года.

Рус Бел Eng 中文

Адкрыты чэмпіянат Беларусі па лёгкай атлетыцы ў памяшканні пройдзе ў Магілёве 16-17 лютага

Адкрыты чэмпіянат Беларусі па лёгкай атлетыцы у памяшканні на прызы газеты «Спартыўная панарама» пройдзе ў магілёўскім СК «Алімпіец» 16-17 лютага. Пра гэта карэспандэнту сайта паведамілі ў Беларускай федэрацыі лёгкай атлетыкі.

Паводле слоў суразмоўцаў, у спаборніцтвах прымуць удзел каманды з усіх абласцей краіны і горада Мінска, у склад якіх увойдуць наймацнейшыя спартсмены. Сярод іх – Вольга Мазуронак, Эльвіра Герман, Віялета Скварцова, Максім Недасекаў, Аляксандр Ліннік, Сяргей Літоўчык, Юлія Касцючкова, Ірына Жук, Ірына Васькоўская і інш. Пацвердзіла свой удзел у прэстыжным першынстве і найлепшая беларуская спрынтарка Аліна Талай. Яна выйдзе на старт дыстанцыі 60 метраў з бар’ерамі. «Спартсменка, якая вядзе падрыхтоўку да ўдзелу ў чэмпіянаце свету ў памяшканні, мае намер не толькі абнавіць свой найлепшы вынік сезона (7,88 сек.), але і перапісаць устаноўлены ёю ж нацыянальны рэкорд (7,85 сек.)», – удакладнілі суразмоўцы.

Дарэчы, лідараў сезона ў краіне будзе адрозніваць па нумары фіялетавага колеру. Пры гэтым прыналежнасць да каманды той ці іншай вобласці будзе пазначана адпаведным колерам прозвішча і нумара лёгкаатлета: Брэсцкая – белы, Віцебская – блакітны, Гомельская – зялёны, Гродзенская – чорны, Мінская – сіні, Магілёўская – жоўты, Мінск – чырвоны. Так, Прыдняпроўскі край у бегу на 200 м прадставяць Крысціна Ціманоўская – бясспрэчны лідар на гладкай спрынтарскай дарожцы сярод беларускіх лёгкаатлетак. Канкурыраваць з нашай бягунняй будзе Крысціна Радзіванюк з Мінска.

Барацьба паміж атлетамі будзе ісці ў 16 відах: бег на 60 м, 200 м, 400 м, 800 м, 1500 м, 3000 м, 60 м з бар’ерамі, 3000 м з перашкодамі, спартыўная хадзьба на 5 км і 10 км, скачкі ў вышыню, даўжыню і з шастом, трайны скачок, штурханне ядра, эстафета 4х400 м.

Дзякуючы генеральнаму партнёру Беларускай федэрацыі лёгкай атлетыкі – Беларускай нацыянальнай перастраховачнай арганізацыі – сфарміраваны прызавы фонд чэмпіянату ад БФЛА ў памеры $ 16 тыс. Сума размяркуецца наступным чынам: уладальнікам золата ўручаць Br400, серабра – Br250, а бронзы – Br150. Акрамя грашовай узнагароды, спартсменаў чакаюць медалі, сувенірныя кружкі і букеты-кампліменты. Па традыцыі будуць вызначаны найлепшыя спартсмены спаборніцтваў: па тры жанчыны і мужчыны атрымаюць дадатковы грашовы бонус у памеры Br1 тыс. кожны. Для трэнераў, якія падрыхтавалі пераможцаў і прызёраў, БФЛА таксама прадугледзела сувенірныя медалі і тэрмакубкі.

Адкрыты чэмпіянат Беларусі па лёгкай атлетыцы праводзіцца з мэтай папулярызацыі лёгкай атлетыкі ў Беларусі і павышэння спартыўнага майстэрства спартсменаў. Гэта мерапрыемства з’яўляецца афіцыйным адборам для ўдзелу ў чэмпіянаце свету ў памяшканнях у Бірмгеме (Вялікабрытанія) 1-3 сакавіка.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

15.08.2018 - 08:57 | Галоўная тэма АДІ ў жніўні: «Моладзь Беларусі: магчымасці для самарэалізацыі»

Адзіны дзень інфармавання, які пройдзе 16 жніўня ў гарадах і раёнах Магілёўскай вобласці, будзе прысвечаны маладзёжнай палітыцы ў краіне. Пра гэта карэспандэнту сайта паведамілі ў галоўным упраўленні ідэалагічнай работы і па справах моладзі аблвыканкама.

14.08.2018 - 08:08 | Урачыстыя лінейкі ў школах Магілёўскай вобласці правядуць 1 верасня

Урачыстыя лінейкі, прысвечаныя Дню ведаў і пачатку навучальнага года, у Магілёўскай вобласці прапануецца правесці ў суботу 1 верасня, паведаміў карэспандэнту сайта начальнік галоўнага ўпраўлення па адукацыі аблвыканкама Уладзімір Рыжкоў.

13.08.2018 - 09:54 | Прамую тэлефонную лінію правядзе 18 жніўня першы намеснік старшыні Магілёўскага аблвыканкама Алег Чыкіда

Прамую тэлефонную лінію правядзе 18 жніўня першы намеснік старшыні Магілёўскага аблвыканкама Алег Іванавіч Чыкіда. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

10.08.2018 - 12:48 | Першы на Магілёўшчыне экіпаж-трохтысячнік з’явіўся ў Магілёўскім раёне

Першы экіпаж-трохтысячнік з’явіўся ў Магілёўскай вобласці. Мяжу ў 3 тыс. т збожжа пераадолелі механізатары ЗАТ «Агракамбінат «Зара»» ў складзе старшага камбайнера Аляксея Макосава і яго памочніка Мікалая Мінчанкі. Гэты ж калектыў на днях першым у рэгіёне ўзяў бар’ер у 2 тыс. т.

09.08.2018 - 15:36 | Матэрыяльную дапамогу да навучальнага года атрымае больш за 17,6 тыс. школьнікаў са шматдзетных сем’яў

У Магілёўскай вобласці аднаразовую матэрыяльную дапамогу да новага навучальнага 2018/2019 года атрымае больш за 17,6 тыс. школьнікаў са шматдзетных сем’яў, паведаміла карэспандэнту сайта намеснік камітэта па працы, занятасці і сацыяльнай абароне аблвыканкама Вольга Хадускіна.