V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Аграрыі Магілёўскай вобласці маюць намер вырасціць не менш за 1,3 млн. т збожжавых

Аграрыі Магілёўскай вобласці ў гэтым сезоне маюць намер вырасціць не менш за 1,3 млн. т збожжавых і зернебабовых культур. Пра гэта паведаміў старшыня камітэта па сельскай гаспадарцы і харчаванні аблвыканкама Валерый Сямёнаў.

Па яго словах, збожжавыя і зернебабовыя культуры будуць размешчаны на плошчы 365,3 тыс. га, або 100% да ўзроўню 2017 года (48% у структуры пасяўных плошчаў), у тым ліку азімыя збожжавыя – 189,2 тыс. га, яравыя збожжавыя і зернебабовыя – 176,1 тыс. га. «Аграрыі вобласці поўнасцю забяспечаны кандыцыйным насеннем збожжавых пад яравую сяўбу. Засталося толькі дакупіць імпартныя гатункі кукурузы, з якіх плануецца атрымаць элітнае насенне», – сказаў Валерый Сямёнаў.

Зараз у вобласці завяршаецца падрыхтоўка тэхнікі да яровой сяўбы. У гэтых работах у асноўным будзе задзейнічана магутная энерганасычаная тэхніка. З наяўных 797 трактароў (магутнасцю ад 250 л. с. і вышэй) на сёння спраўныя 728, ці 91%. Да 1 красавіка вобласць мае намер выйсці на планавую гатоўнасць ўсёй сельгастэхнікі, якая будзе прымаць удзел у вяснова-палявых работах. «Восенню мінулага года нашы аграрыі зрабілі добры задзел па ўзворванні зябліва пад яравую сяўбу збожжавых. Гэта сэканоміць час і расход паліва на пасяўной, дазволіць правесці яе ў аптымальныя агратэхнічныя тэрміны. Мы разлічваем, калі дазволіць надвор’е, пасеяць збожжавыя і зернебабовыя культуры ў максімальна кароткія тэрміны – на працягу 7-8 дзён», – сказаў старшыня камітэта.

З абласнога бюджэту на падрыхтоўку да вясенне-палявых работ было выдзелена Br8,3 млн. У асноўным яны былі накіраваны на рамонт тэхнікі і тэхнічнае абслугоўванне машынна-трактарнага парку, закупку мінеральных угнаенняў.

У рэгіёне працягваецца праца па забеспячэнні сельгасарганізацый мінеральнымі ўгнаеннямі, гаруча-змазачнымі матэрыяламі, вядзецца вываз на палі арганікі, уборка з палёў саломы.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "эканоміка і бізнес":

24.09.2018 - 15:10 | Праект па развіцці кластараў стартаваў у Беларусі

Праект «Укараненне кластарнай сістэмы ў Беларусі» стартаваў у Беларусі, паведамілі ў Бізнес-саюзе прадпрымальнікаў і наймальнікаў імя прафесара М.С. Куняўскага (БСПН).

21.09.2018 - 14:51 | Эксперты Сусветнага банка наведалі Магілёўскую ЦЭЦ-1

Эксперты Сусветнага банка ў рамках рабочага візіту ў Беларусь наведалі Магілёўскую ЦЭЦ-1 філіяла «Магілёўскія цеплавыя сеткі» РУП «Магілёўэнерга». Тут рэалізуецца адзін з найбуйнейшых сумесных інвестыцыйных праектаў па рэканструкцыі прадпрыемства. Пра гэта карэспандэнту сайта паведаміла намеснік начальніка ўпраўлення – начальнік ВТА Магілёўскага абласнога ўпраўлення па наглядзе за рацыянальным выкарыстаннем ЦЭР Святлана Заграбанец.

20.09.2018 - 12:21 | Факты незаконнай прадпрымальніцкай дзейнасці па аказанні паслуг таксі выяўлены ў Магілёве

Факты незаконнай прадпрымальніцкай дзейнасці па аказанні паслуг таксі выяўлены ў Магілёве, паведаміў старшы інспектар па асабліва важных справах другога аддзела ўпраўлення Дэпартамента фінансавых расследаванняў КДК Беларусі па Магілёўскай вобласці Сяргей Салаўёў.

20.09.2018 - 10:57 | Магілёўскія мытнікі адзначаюць прафесійнае свята

У магілёўскіх мытнікаў сёння прафесійнае свята, якое штогод адзначаецца ў Беларусі ўжо больш за 20 гадоў.

19.09.2018 - 08:31 | Прыём заявак на рэспубліканскі конкурс інавацыйных праектаў працягнуты да 1 кастрычніка

Прыём заявак на рэспубліканскі конкурс інавацыйных праектаў працягнуты да 1 кастрычніка, паведамілі ў прэс-службе Дзяржаўнага камітэта па навуцы і тэхналогіях.