V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Аляксандр Лукашэнка падарыў аўтамабіль Geely Atlas калектыву бялыніцкага калгаса «Радзіма»

Кіраўнік дзяржавы Аляксандр Лукашэнка ўручыў сёння Падзяку Прэзідэнта працоўнаму калектыву СВК «Калгас «Радзіма» і падарыў яму аўтамабіль Geely Atlas.

Гэтых узнагарод працаўнікі калгаса ўдастоены за значны ўклад у развіццё сельскагаспадарчай галіны і дасягненне высокіх вытворчых паказчыкаў.

Кіраўнік дзяржавы расказаў, што падарунак калектыву падбіралі доўга. Калі прапанавалі ўручыць работнікам калгаса аўтамабіль, Прэзідэнт засумняваўся: старшыні ж кааператыва і так ёсць на чым ездзіць. «Сказалі, што вяселлі будуць вазіць на гэтым аўтамабілі і, калі нехта прыхварэе, у бальніцу, яшчэ куды-небудзь. Вось вам аўтамабіль, ездзіце на здароўе!» - павіншаваў калектыў з набыццём Аляксандр Лукашэнка.

Прэзідэнт адзначыў, што ў свеце няма працы больш самаадданай, чым праца аграрыяў. «Яна заўсёды была пад сілу толькі самым моцным людзям, якія шчыра любяць зямлю, вобразна кажучы - якія адчуваюць біццё яе сэрца», - сказаў ён.

Менавіта такія людзі працуюць на адным з лепшых прадпрыемстваў краіны - калгасе «Радзіма», перакананы кіраўнік дзяржавы. «Яго гісторыя даўно стала паказальнай для ўсяго аграпрамысловага комплексу. Бачачы вашы дасягненні, не верыцца, што калісьці гаспадарка была стратнай. Але, пераадолеўшы нялёгкія часы, вы ператварылі яе ў высокаразвітую вытворчасць, сучасную і паспяховую. І я вам за гэта шчыра дзякую», - заявіў Прэзідэнт.

Аляксандр Лукашэнка звярнуў увагу, што вопыт калгаса «Радзіма» па стварэнні простых, але эфектыўных ферм распаўсюдзяць не толькі на раён, але і на ўсю краіну.

Прэзідэнт дадаў, што добрасумленнай працай супрацоўнікі калгаса дабіваюцца ўражальных вынікаў: не проста вырабляюць прадукцыю, але і зарабляюць вялікія грошы на яе рэалізацыі.

«Асабліва прыемна адзначыць, што большая частка вашага калектыву - гэта маладыя спецыялісты. Гэта самы наглядны паказчык дабрабыту і перспектыўнасці прадпрыемства», - падкрэсліў кіраўнік дзяржавы. Ён упэўнены, што немалая заслуга ў гэтым старшыні СВК Аляксандра Лапацентава. Атрымаўшы адукацыю ў гарадах, маладыя людзі вяртаюцца ў родны аграгарадок. «Гэта сведчыць не толькі аб высокім узроўні ўмоў працы і быту вяскоўцаў. Хутчэй, гэта адлюстраванне сапраўднага патрыятызму, і выхоўваецца ён на асабістым прыкладзе бацькоў. У вашым выпадку на прыкладзе пакалення, які стварыў на гэтай зямлі прыгожы і ўтульны куток, куды заўсёды хочацца вярнуцца. Такі працоўны подзвіг натхняе на новыя здзяйсненні, паколькі нельга здрадзіць справе, пачатай бацькамі», - перакананы Прэзідэнт.

Ён падзякаваў работнікам СВК за прафесіяналізм і вернасць лепшым традыцыям земляробства, умацаванне аўтарытэту і прэстыжу прафесіі аграрыя. «Сваёй працай вы забяспечваеце не толькі ўстойлівае развіццё вашага прадпрыемства, але і харчовую бяспеку краіны», - рэзюмаваў беларускі лідар.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

19.09.2018 - 15:40 | На Чыгірынскім вадасховішчы абмяжуюць рыбалку з 20 верасня па 10 кастрычніка

У мэтах аховы рыбных рэсурсаў з 20 верасня па 10 кастрычніка на Чыгірынскім вадасховішчы Быхаўскага раёна будзе абмежавана аматарскае рыбалоўства, паведаміла спецыяліст па сувязях з грамадскасцю Дзяржаўнай інспекцыі аховы жывёльнага і расліннага свету пры Прэзідэнце В

19.09.2018 - 11:14 | Здымаць стрэс і рабіць цацкі са шкарпэтак навучаць на фестывалі ў Магілёўскай вобласці

Аграсядзіба «Шэрая шыйка» (Магілёўскі раён) 23 верасня стане цэнтрам правядзення рэспубліканскага фестывалю з удзелам пажылых людзей «Крэатыўны ўзрост» у Магілёўскай вобласці. Пра гэта паведамілі ў Беларускім грамадскім аб’яднанні «Адпачынак у вёсцы».

17.09.2018 - 11:44 | Смяротныя ДТЗ у Магілёўскай вобласці: чатыры чалавекі загінулі і восем пацярпела

Два дарожна-транспартныя здарэнні, у якіх загінулі людзі, адбыліся ў мінулую пятніцу і суботу ў Магілёўскай вобласці. Пра гэта паведаміла афіцыйны прадстаўнік УСК па Магілёўскай вобласці Аксана Салянюк.

14.09.2018 - 08:32 | Прафсаюзная акцыя «Мы – разам!» завершыць сваё шэсце па Магілёўскай вобласці ў Клічаве

Клічаў стане апошнім горадам Магілёўскай вобласці, дзе ў гэтым годзе пройдзе рэспубліканская народна-патрыятычная акцыя Федэрацыі прафсаюзаў «Мы – разам!».

14.09.2018 - 08:27 | У Магілёўскім раёне школьніка засыпала грунтам: падлетка прааперавалі

Магілёўскі міжраённы аддзел Следчага камітэта праводзіць праверку па факце абвальвання на дзіця спрэсаванага грунту пад апорай моста ў Магілёўскім раёне, паведаміла афіцыйны прадстаўнік УСК па Магілёўскай вобласці Аксана Салянюк.