Рус Бел Eng 中文

Аляксандр Лукашэнка патрабуе неадкладна заняцца развіццём Бялыніцкага раёна

Прэзідэнт Беларусі Аляксандр Лукашэнка патрабуе неадкладна заняцца развіццём Бялыніцкага раёна. Адпаведную задачу кіраўнік дзяржавы паставіў сёння ў час наведвання раёна.

«Па Бялыніцкім раёне мы дамовіліся: да канца 2020 года ўсё павінна быць зроблена. Ніякай шалёнай дапамогі не будзе», - падкрэсліў Аляксандр Лукашэнка.

Кіраўнік дзяржавы канстатаваў, што сацыяльна-эканамічныя паказчыкі ў раёне ўпалі, за што вельмі строга раскрытыкаваў работу раённай і абласной улады, а таксама членаў урада, адказных за вобласць.

На думку Прэзідэнта, раёну неабходна арыентавацца на вопыт калгаса «Радзіма», дзе створана паспяховая вытворчасць дзякуючы інавацыйным падыходам да работы і гаспадарчаму стаўленню да справы. У сувязі з гэтым Аляксандр Лукашэнка папрасіў старшыню СВК Аляксандра Лапацентава, які ўжо больш як 35 гадоў узначальвае калгас, аказаць садзейнічанне старшыні райвыканкама ў развіцці раёна і арганізацыі прыбытковых вытворчасцей.

«У нечым мы дапаможам, але не разлічвайце, што сюды нехта нешта будзе ўвальваць: у нас дастаткова напрамкаў, дзе мы ўвальваць павінны і бачыць будучыню, перспектывы», - звярнуў увагу кіраўнік дзяржавы.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

15.11.2018 - 16:43 | Больш за 1,7 тыс. юнакоў Магілёўскай вобласці будуць прызваны на службу ў восеньскі прызыў

Мерапрыемства, прысвечанае адпраўцы прызыўнікоў на службу ва Узброеныя Сілы Рэспублікі Беларусь, іншыя войскі і воінскія фарміраванні краіны, адбылося сёння на плошчы Славы Магілёва, перадае карэспандэнт сайта.

14.11.2018 - 12:51 | Кааперацыя прамысловасці, бізнесу і навукі дазваляе атрымаць максімальны сінергетычны эфект ва ўсім ланцугу стварэння дабаўленага кошту – Руслан Страхар

Шырокае ўзаемадзеянне прамысловасці, малога бізнесу і навукі дазваляе атрымаць максімальны сінергетычны эфект ва ўсім ланцужку стварэння дабаўленага кошту. На гэта звярнуў увагу старшыня камітэта эканомікі Магілёўскага аблвыканкама Руслан Страхар, адкрываючы сёння міжрэгіянальны бізнес-форум «Кааперацыя вытворчасці, бізнесу і навукі: поспехі, праблемы, перспектывы».

13.11.2018 - 11:59 | Праграма святочных мерапрыемстваў да Дня работнікаў сельскай гаспадаркі і перапрацоўчай прамысловасці аграпрамысловага комплексу ў Магілёве

Ушанаванне найлепшых работнікаў сельскай гаспадаркі рэгіёна, пераможцаў уборачнай кампаніі 2018 года адбудзецца 17 лістапада ў Палацы культуры вобласці. Пра гэта карэспандэнту сайта паведамілі ў камітэце па сельскай гаспадарцы і харчаванні Магілёўскага аблвыканкама.

12.11.2018 - 12:14 | Прамую тэлефонную лінію правядзе 17 лістапада намеснік старшыні Магілёўскага аблвыканкама Руслан Пархамовіч

Прамую тэлефонную лінію правядзе 17 лістапада намеснік старшыні Магілёўскага аблвыканкама Руслан Віктаравіч Пархамовіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

12.11.2018 - 09:26 | Галоўная тэма АДІ ў лістападзе – уборка ўраджаю і работа аграпрамысловага комплексу Рэспублікі Беларусь

Адзіны дзень інфармавання, які пройдзе 15 лістапада ў гарадах і раёнах Магілёўскай вобласці, будзе прысвечаны ўборцы ўраджаю і рабоце аграпрамысловага комплексу Рэспублікі Беларусь. Пра гэта карэспандэнту сайта паведамілі ў галоўным упраўленні ідэалагічнай работы і па справах моладзі аблвыканкама.