Рус Бел Eng 中文

Бабруйскі ўзорны ансамбль эстрадна-спартыўнага танца «Мара» вярнуўся з Чэхіі з узнагародамі міжнароднага музычнага фестывалю

З перамогі пачаў 2018 год бабруйскі ўзорны ансамбль эстрадна-спартыўнага танца «Мара». Яго ўдзельніцы вярнуліся з узнагародамі Міжнароднага дзіцячага і юнацкага агульнажанравага музычнага фестывалю ў Празе «Мелодыя зімовай Чэхіі», паведамляе Магілёўскі абласны метадычны цэнтр народнай творчасці і культурна-асветніцкай працы.

Тыдзень навагодніх вакацый у Чэхіі прынёс важную перамогу, якой не хапала ў скарбонцы бабруйскага тытулаванага калектыву. Так, 6-гадовая зорачка Дамініка Панцялеева з дэбютным сола «Дзіва» заваявала Гран-пры міжнароднага фестывалю.

Акрамя таго, паспяховае выступленне трыа з акрабатычным танцам «Friendgirls» аказалася найлепшым у катэгорыі «Дзеці 6-12 гадоў». Срэбра заваяваў ансамбль «Мара» ў намінацыі «Дзеці 6-12 гадоў». На рахунак каманды яшчэ дзве заслужаныя бронзы ў намінацыях «Мастацкая гімнастыка» і «Акрабатычны танец» запісалі Валерыя Цымбалава (11 гадоў) і Аляксандра Карабанава (9 гадоў).

У катэгорыі 13-16 гадоў ансамбль таксама заваяваў россып узнагарод. Золата фестывалю ў старэйшай узроставай катэгорыі ў таленавітай Карыны Лагойка (13 гадоў). Дэбютантка Дзіяна Северына (13 гадоў) удастоена срэбра ў зусім новай намінацыі «Мадэрн». Таксама не было роўных дуэту Дыяны Северыной і Карыны Лагойка.

Як прызналіся ва ўзорным ансамблі эстрадна-спартыўнага танца «Мара», галоўныя складнікі поспеху творчай каманды простыя: эксклюзіўныя касцюмы і аксесуары ручной працы дызайнера Наталлі Смалянок, зачаравальныя прычоскі Ліліі Валько, неардынарныя пастаноўкі ў цалкам розных стылях харэографа, трэнера і кіраўніка Рэнаты Каладзінскай, новыя ідэі і арыгінальны рэквізіт трэнера Сяргея Панцялеева. Атрымаць адну вялікую сумесную перамогу таксама дапамагло творчае натхненне, энергія, талент, жаданне працаваць у вучняў і педагогаў, падтрымка бацькоў.

Фота – Магілёўскі абласны метадычны цэнтр народнай творчасці і культурна-асветніцкай працы

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "культура":

13.12.2018 - 13:11 | Каля 100 удзельнікаў збярэ ў Магілёве абласны фестываль творчасці інвалідаў «Разам мы зможам больш»

Каля 100 удзельнікаў збярэ 14 снежня ў Магілёве абласны фестываль творчасці інвалідаў «Разам мы зможам больш». Форум пачнецца ў 10.00 у абласным метадычным цэнтры народнай творчасці і культурна-асветнай работы, паведамілі карэспандэнту сайта ва ўстанове культуры.

12.12.2018 - 09:26 | Галоўны Расійскі Дзед Мароз перадаў чароўны посах у Магілёўскую вобласць

Дзед Мароз з Клімавічаў Сяргей Булянкоў стаў пераможцам адной з асноўных конкурсных праграм ХІІ Усерасійскага з’езда Дзядоў Марозаў і Снягурак, які праходзіў 6-10 снежня ў расійскім Ханты-Мансійску.

12.12.2018 - 08:58 | Стартаваў прыём заявак на гарадскі конкурс тэатральнага мастацтва «У святле сафітаў Бабруйск!»

Стартаваў прыём заявак на II гарадскі конкурс тэатральнага мастацтва «У святле сафітаў Бабруйск!», прысвечаны 75-годдзю вызвалення горада на Бярэзіне ад нямецка-фашысцкіх захопнікаў. Пра гэта паведамілі ў гарвыканкаме.

11.12.2018 - 11:35 | У Магілёве абвешчаны конкурс на самае лепшае навагодняе і каляднае афармленне горада

Магілёўскі гарвыканкам абвясціў штогадовы конкурс на самае лепшае навагодняе і каляднае афармленне горада.

11.12.2018 - 09:27 | Рэгіянальныя калядныя адукацыйныя чытанні адбудуцца ў Бабруйску 12 снежня

Рэгіянальныя калядныя адукацыйныя чытанні «Моладзь: свабода і адказнасць» адбудуцца ў Бабруйску 12 снежня. Пра гэта паведамілі ў Бабруйскай епархіі.