Рус Бел Eng 中文

Больш за 20 першасных прафсаюзных арганізацый Чавускага раёна прыняло ўдзел у аказанні дапамогі па падрыхтоўцы дзяцей да новага навучальнага года

Больш за 20 першасных прафсаюзных арганізацый Чавускага раёна сумесна з наймальнікамі прыняло актыўны ўдзел у аказанні дапамогі па падрыхтоўцы дзяцей да новага 2018-2019 навучальнага года. Пра гэта расказала старшыня раённай арганізацыі прафсаюза работнікаў адукацыі і навукі Святлана Магілевіч.

Дапамога аказвалася сем’ям, якія выхоўваюць школьнікаў, у ліпені-жніўні 2018 года ў рамках правядзення акцый «Прафсаюзы – дзецям», «У школу – з радасцю!».

Асаблівая ўвага была ўдзелена шматдзетным, малазабяспечаным і няпоўным сем’ям, адзінокім маці, а таксама сем’ям, якія знаходзяцца ў сацыяльна небяспечным становішчы або выхоўваюць дзяцей-інвалідаў. Так, закупляліся неабходныя канцылярскія тавары і школьныя прыналежнасці, вылучалася матэрыяльная дапамога.

«На падрыхтоўку дзяцей да 2018-2019 навучальнага года са сродкаў першасных прафсаюзных арганізацый устаноў адукацыі раёна аказана дапамога 23-м шматдзетным бацькам на суму больш за 18 базавых велічынь, сродкаў ад наймальнікаў – 17-ці сем’ям у памеры 40 базавых велічынь, – адзначыла Святлана Магілевіч. – Агульная сума затрачаных фінансавых сродкаў на аказанне дапамогі ў дадзеным напрамку склала 1440 рублёў».

Напрыклад, першасная прафсаюзная арганізацыя ДУА «Сярэдняя школа №2 г. Чавусы» выдзеліла больш за 18 базавых велічынь дзевяці сваім работнікам – адзінокім маці, шматдзетным сем’ям і сем’ям дзяцей-першакласнікаў. ДУА «Благавіцкая СШ» аказалі двум шматдзетным работнікам матэрыяльную дапамогу ў памеры больш за 10 базавых велічынь.

Прафсаюзныя арганізацыі і кіраўнікі ўстаноў адукацыі Чавускага раёна не засталіся безудзельнымі і аказалі сем’ям пасільнае садзеянне ў падрыхтоўцы дзяцей да новага 2018-2019 навучальнага года, – сказала субяседніца. – Правядзенне напярэдадні 1 верасня такіх дабрачынных акцый стала для прафсаюзаў раёна добрай традыцыяй, якая прыносіць адчувальныя вынікі».

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

14.02.2019 - 14:48 | У Магілёўскай вобласці за мінулыя суткі адбылося два пажары

У Магілёўскай вобласці за мінулыя суткі адбылося два пажары. Пра гэта паведамілі ў цэнтры бяспекі жыццядзейнасці і ўзаемадзеяння з грамадскасцю абласнога ўпраўлення МНС.

12.02.2019 - 13:56 | Прэзідэнт Беларусі Аляксандр Лукашэнка даў згоду на прызначэнне старшынёй Клічаўскага райвыканкама Віктара Рабкаўца

Прэзідэнт Беларусі Аляксандр Лукашэнка 12 лютага разгледзеў кадравыя пытанні.

12.02.2019 - 08:07 | Спартыўная тэма набірае папулярнасць: у Антонаўцы гуляюць у валейбол, у Касцюковічах – у хакей

Зноў адкрылася днямі спартыўная зала ў сацыяльным цэнтры аграгарадка Антонаўка Чавускага раёна. Адкрыццё адзначылася таварыскім валейбольным матчам паміж камандамі жыхароў Антонаўкі і суседняга аграгарадка Каменка. Падчас гульні не пуставалі і глядацкія месцы – 40 балельшчыкаў прыйшлі падтрымаць мясцовых валейбалістаў-аматараў.

07.02.2019 - 09:45 | Увесь люты на пляцоўцы палігона «Асіповіцкі» праводзяцца планавыя падрыўныя работы

Увесь люты ў рабочыя дні з 9.00 да 16.00 на падрыўной пляцоўцы палігона «Асіповіцкі» вайсковай часці 12147 праводзяцца планавыя падрыўныя працы.

07.02.2019 - 09:12 | Рамонтныя работы ў Асіповіцкай СШ №4 плануецца завяршыць да верасня 2019 года

Рамонтныя работы ў Асіповіцкай СШ №4 плануецца завяршыць да верасня 2019 года. Пра гэта паведамілі ў аддзеле адукацыі Асіповіцкага райвыканкама.