Рус Бел Eng 中文

Больш за 30 відаў хатняга сыру прапануюць гасцям гастранамічнага фестывалю «Гаспадарчы сыр» у Слаўгарадзе

Сёмы гастранамічны фэст «Гаспадарчы сыр» пройдзе 26 мая ў Слаўгарадзе. Пра гэта паведамляе сайт мясцовага райвыканкама.

Акрамя традыцыйнага кірмашу-продажу хатніх сыроў з дэгустацыяй, майстар-класамі па іх падрыхтоўцы і розыгрышамі, на фестывалі разгорнецца цэлая агратурыстычная вёска. Гаспадары аграсядзіб Слаўгарадскага раёна будуць прэзентаваць магчымасці па прыёме турыстаў, прадставяць свае лакальныя турпрадукты, а таксама пачастуюць стравамі нацыянальнай кухні і старадаўнімі традыцыйнымі напоямі.

У праграме мерапрыемства запланаваны: анімацыйна-забаўляльная праграма з экскурсіямі, канцэртамі, гульнямі, конкурсамі і розыгрышамі, майстар-класы народных умельцаў. Жадаючыя змогуць адправіцца і ў спецыяльна падрыхтаваны тур у вёску Лясная. Тут госці наведаюць музей пад адкрытым небам бітвы пры Лясной, мемарыяльную капліцу і помнік, пабудаваныя ў гонар перамогі рускіх войскаў над шведамі у 1708 годзе, «Блакітную крыніцу», сырную краму.

Галоўны прыярытэт на свяце – мясцовы кулінарны брэнд – хатнія сыры. Для дэгустацыі і продажу будзе прапанавана больш за 30 відаў хатняга сыру на любы густ: цвёрдыя і мяккія, плаўленыя і тварожныя, сулугуні і брынза, сырніца і сырныя аладкі, салодкія і салёныя, з рознымі прыправамі і напаўняльнікамі.

Арганізатарамі фестывалю выступаюць Слаўгарадскі раённы выканаўчы камітэт і мясцовы фонд развіцця сельскіх тэрыторый «Адраджэнне-Агра».

У мерапрыемстве запрашаюць прыняць удзел прадпрымальнікаў. Заяўкі неабходна даслаць па факсе 8 (02246)79332, або на адрас: 213245, Слаўгарадскі раённы выканаўчы, вул. Кастрычніцкая, 3, г. Слаўгарад, Магілёўская вобласць.

ПРАГРАМА правядзення гастранамічнага фестывалю «Гаспадарчы сыр – 2018»

26 мая 2018 года

10.00 – 11.00 – Дзіцячая канцэртная праграма «Мы дарым добрае сэрца, пазітыў». Конкурс малюнкаў на асфальце.

(адкрытая пляцоўка РЦК і НТ)

10.00 – 16.00 – Выстава-продаж тэматычнай прадукцыі, вырабленай народнымі майстрамі і ўмельцамі з рэгіёнаў Магілёўскай вобласці.

(адкрытая пляцоўка РЦК і НТ)

10.00 – 16.00 – Работа пляцоўкі «Агратурыстычная вёска» (пачастункі, стравы беларускай кухні)

(пляцоўка па вул. Кастрычніцкая)

11.00 – Адкрыццё фестывалю. Канцэртная праграма з удзелам творчых калектываў Беларусі.

(адкрытая пляцоўка РЦК і НТ)

10.00 – 16.00 – Выстава-продаж прадукцыі майстроў-сыравараў Слаўгарадскага раёна і ААТ «Бабушкина крынка» – Кіруючая кампанія холдынгу «Магілёўская малочная кампанія «Бабушкина крынка»»

(адкрытая пляцоўка РЦК і НТ)

12.00 – 22.00 – Выстава-продаж харчовых і прамысловых тавараў.

(адкрытая пляцоўка РЦК і НТ)

12.00 – 18.00 – Аглядныя аўтобусныя экскурсіі па турыстычных аб’ектах раёна.

12.00 - 17.00 – Работа дзіцячых атракцыёнаў.

(дзіцячы парк, пляцоўка па вул. Кастрычніцкая)

13.00 Работа выставы «Духоуная спадчына роднай зямлі»

(каля Святапетрапаўлаўскага Храма – помніка в. Лясная. Слаўгарадскі раён)

15.00 – 17.00 – Фестываль фарбаў «Холі»

(адкрытая пляцоўка РЦК і НТ)

15.00 – 18.00 – Спартыўна-забаўляльная праграма на пляцоўцы «Ля зліцця рэк Проня і Сож» (гульні, тэматычныя эстафеты, катанне на байдарках)

(вяслярная база)

20.00 – 22.00 – Вячэрняя танцавальна-забаўляльная праграма

(адкрытая пляцоўка РЦК і НТ)

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "культура":

12.12.2018 - 09:26 | Галоўны Расійскі Дзед Мароз перадаў чароўны посах у Магілёўскую вобласць

Дзед Мароз з Клімавічаў Сяргей Булянкоў стаў пераможцам адной з асноўных конкурсных праграм ХІІ Усерасійскага з’езда Дзядоў Марозаў і Снягурак, які праходзіў 6-10 снежня ў расійскім Ханты-Мансійску.

12.12.2018 - 08:58 | Стартаваў прыём заявак на гарадскі конкурс тэатральнага мастацтва «У святле сафітаў Бабруйск!»

Стартаваў прыём заявак на II гарадскі конкурс тэатральнага мастацтва «У святле сафітаў Бабруйск!», прысвечаны 75-годдзю вызвалення горада на Бярэзіне ад нямецка-фашысцкіх захопнікаў. Пра гэта паведамілі ў гарвыканкаме.

11.12.2018 - 11:35 | У Магілёве абвешчаны конкурс на самае лепшае навагодняе і каляднае афармленне горада

Магілёўскі гарвыканкам абвясціў штогадовы конкурс на самае лепшае навагодняе і каляднае афармленне горада.

11.12.2018 - 09:27 | Рэгіянальныя калядныя адукацыйныя чытанні адбудуцца ў Бабруйску 12 снежня

Рэгіянальныя калядныя адукацыйныя чытанні «Моладзь: свабода і адказнасць» адбудуцца ў Бабруйску 12 снежня. Пра гэта паведамілі ў Бабруйскай епархіі.

04.12.2018 - 16:19 | Магілёўскі драматычны тэатр стаў ганаровым членам Міжнароднай лігі тэатраў «Шаўковы шлях»

Галоўны рэжысёр Магілёўскага абласнога драматычнага тэатра Саўлюс Варнас вярнуўся з Кітая, дзе прымаў удзел у 9-м Міжнародным кірмашы перфарматыўных мастацтваў у Гуанчжоу і 2-й штогадовай канферэнцыі Міжнароднай лігі тэатраў «Шаўковы шлях». Галоўным вынікам паездкі стала ўступленне нашага драмтэатра ў асацыяцыю «Шаўковы шлях», паведамілі карэспандэнту сайта ў адміністрацыі ўстановы культуры.