На сайте проводятся технические работы. Возможны перебои в работе сайта.

Приносим извинения за доставленные неудобства.

Рус Бел Eng 中文

Большасць узнагарод фестывалю нацыянальнай драматургіі імя В. І. Дуніна-Марцінкевіча атрымалі тэатры Магілёўшчыны

Рэспубліканскі фестываль нацыянальнай драматургіі імя В. І. Дуніна-Марцінкевіча завяршыўся ў Бабруйску. Па выніках яго конкурснай праграмы большасць узнагарод атрымалі тэатры Магілёўшчыны: абласны тэатр драмы і камедыі імя В. І. Дуніна-Марцінкевіча з пастаноўкай «Кропкі на часовай восі» (у тым ліку ў намінацыях «Найлепшая рэжысура» і «Найлепшы спектакль») і Магілёўскі абласны тэатр лялек з «Сіняй-сіняй» (яна ззяла ў асобнай конкурснай праграме «Эксперымент»). Мінчане аб сабе змаглі заявіць акцёрскай ігрой: Сяргей Жбанкоў з Нацыянальнага акадэмічнага драматычнага тэатра імя М. Горкага атрымаў узнагароду за найлепшую мужчынскую ролю (мюзікл «Пясняр»); Людміла Седаркевіч з Рэспубліканскага тэатра Беларускай драматургіі была прызнана найлепшай актрысай за галоўную ролю ў спектаклі «Медэя».

Мінулы тэатральны форум у асноўным атрымаў станоўчую ацэнку крытыкаў. Разам з тым, на думку дырэктара Рэспубліканскага тэатра беларускай драматургіі Уладзіміра Карачэўскага (ды і іншых аўтарытэтаў са свету мастацтва), яго праграму ў наступны раз варта сур’ёзна перагледзець. Сюды не павінны трапляць ўжо пабачаныя і «стомленыя» спектаклі (раней і на гэты раз іх ўключалі проста таму, што мог пакрыўдзіцца той ці іншы тэатр). Сур’ёзны якасны адбор – перш за ўсё. Ды і намінацыі, як выказаліся члены фестывальнага журы, ёсць сэнс скараціць. Каб не выходзіла «ўсім сёстрам па завушніцах».

«Фестывалем я застаўся задаволены, – рэзюмаваў знакаміты беларускі драматург і старшыня цяперашняга фестывальнага журы Аляксей Дудараў. – Некаторыя працы прымусілі задумацца. Не важна, у той бок, у які мяне вёў драматург, або ў іншы... Калі чалавек думае, ён становіцца сааўтарам тэатральнага твора. Менавіта гэта, а таксама ўменне выклікаць пачуццё спагады, абудзіць у гледача добрыя пачуцці – вось, на мой погляд, задача сучаснага тэатра».

Тэкст mogilevnews.by

 

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "культура":

18.02.2019 - 16:22 | Акцёры з Магілёва і Гомеля сыграюць спектакль «Брацікі» на сцэне абласнога драмтэатра

Камедыю «Брацікі» ў абноўленым складзе прадставяць 28 лютага на сцэне Магілёўскага абласнога драматычнага тэатра. Пра гэта паведамілі ва ўстанове культуры.

18.02.2019 - 12:00 | Сустрэча з рэжысёрам спектакля «Жоўты пясочак» Камілёй Хусаінавай адбудзецца 20 лютага ў Магілёве

У Магілёве 20 лютага адбудзецца незвычайная лекцыя з рэжысёрам спектакля «Жоўты пясочак» Камілёй Хусаінавай. Пра гэта паведамілі ў цэнтры гарадскіх ініцыятыў.

13.02.2019 - 15:04 | У Магілёве збіраюць кнігі для абласной дзіцячай бальніцы

У Магілёве праходзіць акцыя па зборы кніг для абласной дзіцячай бальніцы. Ініцыятыва прымеркавана да Міжнароднага дня кнігадарэння, які адзначаюць 14 лютага, паведамілі карэспандэнту сайта арганізатары мерапрыемства.

13.02.2019 - 14:25 | Галоўны рэжысёр Магілёўскага абласнога метадычнага цэнтра Наталля Маісеева стала «Чалавекам года ў сферы культуры» ў намінацыі «Клубная дзейнасць»

Галоўны рэжысёр Магілёўскага абласнога метадычнага цэнтра народнай творчасці і культурна-асветнай працы Наталля Маісеева стала пераможцай конкурсу «Чалавек года ў сферы культуры» ў намінацыі «Клубная дзейнасць». Пра гэта паведамляецца на сайце ўстановы культуры.

13.02.2019 - 11:14 | Кінапаказы «Афганскі залом: праз 30 гадоў» адбудуцца ў лютым у кінатэатрах Магілёва

Кінапаказы «Афганскі залом: праз 30 гадоў» адбудуцца ў лютым у кінатэатрах абласнога цэнтра. Пра гэта паведамілі ў Магілёўскім дзяржаўным прадпрыемстве «Кінавідэапракат».