Рус Бел Eng 中文

Другая чарга фізкультурна-аздараўленчага комплексу адкрыта ў Краснаполлі

Урачыстая цырымонія адкрыцця другой чаргі фізкультурна-аздараўленчага комплексу прайшла ў Краснаполлі.

У цырымоніі прыняў удзел намеснік прэм’ер-міністра Беларусі Анатоль Калінін. Ён павіншаваў землякоў з доўгачаканай падзеяй, пажадаў здароўя і спартыўных поспехаў усім, хто ў хуткім часе стане наведваць новыя спартыўныя секцыі фізкультурна-аздараўленчага комплексу.

Сёння для ўсіх жадаючых займацца спортам стала даступнай шматфункцыянальная гульнявая зала для міні-футбола, гандбола, баскетбола і валейбола з трыбунамі на 390 месцаў. Гатовыя прыняць спартсменаў залы барацьбы, боксу з рынгам і татамі для барцоў. Укамплектавалі па апошнім слове тэхнікі трэнажорную залу.

У сакавіку 2016 года адбылося адкрыццё першай чаргі ФАК – плавальны басейн з аквазонай. За час працы басейн наведалі 70 тыс. жыхароў і гасцей Краснапольскага раёна. «На дадзены момант запаўняльнасць басейна складае 60%. У летнія месяцы мы чакаем наплыў наведвальнікаў, за кошт чаго наведвальнасць наблізіцца да 100%», – паведаміў у час адкрыцця старшыня ўстановы «Краснапольскі раённы фізкультурна-спартыўны клуб» Аляксандр Касянкоў.

Паводле слоў кіраўніка ФАКа, з новага навучальнага года плануецца павялічыць трэнерскі склад спартыўнай установы, будуць адкрыты новыя секцыі, з’явіцца магчымасць наведваць платныя заняткі па кікбоксінгу, аквааэробіцы, плаванні і фітнесу.

Займацца спортам у фізкультурна-спартыўным комплексе будуць не толькі жыхары Краснаполля, але і суседніх раёнаў – Чэрыкаўскага, Слаўгарадскага і Касцюковіцкага, якія пакуль не маюць такіх спартыўных збудаванняў. Комплекс ужо наведалі госці з Расіі. «Расейцам ў нас спадабалася, сказалі, што будуць прыязджаць у госці на спартыўныя мерапрыемствы», – дадаў Аляксандр Касянкоў.

БЕЛТА, фота -  газета "Чырвоны сцяг"

Пры выкарыстанні матэрыялаў актыўная гіперспасылка на mogilev-region.gov.by абавязковая