Рус Бел Eng 中文

Экскурсію «Упраўленне і абслугоўванне жылога дома» арганізуюць у Магілёве

Адкрытую экскурсію «Упраўленне і абслугоўванне жылога дома» арганізуюць 12 верасня ў Магілёве. Пра гэта карэспандэнту сайта паведамілі ў Цэнтры гарадскіх ініцыятыў.

«Асноўнае жаданне жыхароў – камфорт і бяспека. Відэаназіранне, шлагбаум, загарадзь вакол тэрыторыі дазваляюць жыхарам дома адчуваць сябе абароненымі, – адзначылі суразмоўцы. – Дагледжаныя двары, кветнікі і лавачкі ствараюць утульнасць. Усё гэта з’яўляецца не толькі дзякуючы абслуговым камунальным арганізацыям, але і зацікаўленасці саміх жыхароў». 

Як расказалі ў ЦГІ, многія жыхары не ведаюць аб тым, як працуюць камунальныя службы, абслугоўваюцца дамы, у якіх яны жывуць. «Мы прадаставім такую магчымасць, і жадаючыя змогуць убачыць знутры, як функцыянуе шматпавярхоўка», – растлумачылі спецыялісты.

Падчас экскурсіі магілёўцы даведаюцца аб формах работы таварыстваў уласнікаў, сучасных метадах эфектыўнага самакіравання ў сферы ЖКГ, заканадаўчых аспектах карыстання агульнай уласнасцю, тэхнічных асаблівасцях эксплуатацыі дома (ліфты, сістэма ацяплення, вентыляцыі, пажарная бяспека і г.д.), асаблівасцях бухгалтарскага ўліку ў таварыствах уласнікаў і налічэнні камунальных плацяжоў.

Экскурсія бясплатная, колькасць месцаў абмежавана. Для ўдзелу неабходна папярэдне зарэгістравацца па спасылцы да 9 верасня. Пасля на электронную пошту прыйдзе інфармацыя аб дакладным месцы збору.

Экскурсія ў таварыства ўласнікаў «Гмах-спадарожнік» адбудзецца па адрасе: вул. Якубоўскага, 70. Пачатак у 17.30.

Пры выкарыстанні матэрыялаў актыўная гіперспасылка на mogilev-region.gov.by абавязковая

Чытайце таксама ў катэгорыі "грамадства":