V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Форум моладзі Бранскай і Магілёўскай абласцей пройдзе ў Магілёве 21 верасня

Форум моладзі Бранскай і Магілёўскай абласцей пройдзе ў горадзе на Дняпры 21 верасня. Мерапрыемства адбудзецца ў межах Тыдня інтэграцыі і супрацоўніцтва. Пра гэта карэспандэнту сайта паведамілі ў галоўным упраўленні ідэалагічнай працы Магілёўскага аблвыканкама.

У мерапрыемстве прымуць удзел прадстаўнікі органаў дзяржаўнага кіравання і самакіравання, моладзевых грамадскіх арганізацый Беларусі і Расіі.

Адкрые форум прэзентацыя створаных у рэгіёнах умоў для самарэалізацыі моладзі. Затым праграмай запланавана падпісанне дагавора аб супрацоўніцтве паміж моладзевымі грамадскімі арганізацыямі Магілёўскай і Бранскай абласцей. Далей работа працягнецца ў трох секцыях: «Адзіная гісторыка-культурная спадчына як жыццёвы арыенцір для моладзі», «Моладзевыя валанцёрскія праекты: крок у будучыню», «Адукацыя. Моладзевае прадпрымальніцтва. Прафесіі будучыні».

Апоўдні моладзь прыбудзе да мемарыяльнага комплексу «Буйніцкае поле», дзе адбудзецца цырымонія ўскладання кветак. Потым удзельнікаў форуму чакае дыскусія ў яшчэ адной секцыі – «Перамога, здабытая адзінствам» – на базе прафесійнага агралесатэхнічнага каледжа імя К. П. Арлоўскага. Маладыя людзі наведаюць музейны пакой імя К. Сіманава, рэканструкцыю фарсіравання Дняпра ў чэрвені 1944 года, азнаёмяцца з экспазіцыяй, прысвечанай вызваленню Магілёва і выставай аб пошукавай дзейнасці ў Магілёўскай вобласці па ўстанаўленні лёсаў, увекавечанні памяці загінулых у гады Вялікай Айчыннай вайны абаронцаў Айчыны, а таксама падвядуць вынікі мерапрыемства.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

18.10.2018 - 14:12 | Васямнаццаць беларускіх мультфільмаў увайшлі ў конкурсную праграму «Анімаёўкі – 2018»

Васямнаццаць беларускіх мультфільмаў увайшлі ў конкурсную праграму ХХІ Міжнароднага фестывалю анімацыйных фільмаў «Анімаёўка – 2018», які пройдзе 26-28 кастрычніка ў Магілёве, паведамілі на прадпрыемстве «Магілёўкінавідэапракат».

17.10.2018 - 13:15 | Ордэн Маці ўручылі шасці шматдзетным жанчынам Магілёўскай вобласці

Урачысты прыём, прысвечаны Дню маці, адбыўся сёння ў Магілёўскім аблвыканкаме. У мерапрыемстве прынялі ўдзел 30 жанчын з гарадоў і раёнаў рэгіёна, якія выхавалі дастойных сыноў і дачок, перадае карэспандэнт сайта.

16.10.2018 - 11:27 | Галоўная тэма АДІ ў кастрычніку – захаванне і развіццё нацыянальнай культуры ў Рэспубліцы Беларусь

Адзіны дзень інфармавання, які пройдзе 18 кастрычніка ў гарадах і раёнах Магілёўскай вобласці, будзе прысвечаны традыцыям беларускага народа, захаванню і развіццю нацыянальнай культуры. Пра гэта карэспандэнту сайта паведамілі ў Галоўным упраўленні ідэалагічнай работы і па справах моладзі аблвыканкама.

15.10.2018 - 11:02 | Агульная сума падпісаных на Форуме рэгіёнаў кантрактаў перавысіла $ 500 млн – Міхаіл Мясніковіч

На V Форуме рэгіёнаў Беларусі і Расіі падпісана кантрактаў на суму больш за $500 млн. Такія даныя ў праграме «Галоўны эфір» на тэлеканале «Беларусь 1» прывёў старшыня Савета Рэспублікі Міхаіл Мясніковіч.

15.10.2018 - 09:32 | Прамую тэлефонную лінію правядзе 20 кастрычніка першы намеснік старшыні Магілёўскага аблвыканкама Алег Чыкіда

Прамую тэлефонную лінію правядзе 20 кастрычніка першы намеснік старшыні Магілёўскага аблвыканкама Алег Іванавіч Чыкіда. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.