Рус Бел Eng 中文

ФПБ лічыць недастатковымі меры па ўрэгуляванні пытання платы за карыстанне жылымі памяшканнямі ў інтэрнатах

У межах маніторынгу цэн на сацыяльна значныя тавары і паслугі Нацыянальны прафцэнтр неаднаразова звяртаў увагу на пытанне істотнага росту кошту аплаты за інтэрнаты. Пра гэта паведамілі ў прэс-службе Федэрацыі прафсаюзаў Беларусі.

ФПБ правяла маніторынг суадносін кошту пражывання ў інтэрнатах і ўзроўню даходаў. У работнікаў шэрагу прадпрыемстваў расходы на аплату пражывання ў інтэрнатах перавышаюць 30% ад налічанай заработнай платы.

Федэрацыя прафсаюзаў звярнулася ў Савет Міністраў з прапановай знізіць плату за карыстанне жылым памяшканнем у інтэрнатах шляхам прымянення паніжальных каэфіцыентаў, а таксама прэферэнцый для асоб пенсійнага ўзросту і іншых катэгорый грамадзян.

Па даручэнні Саўміна аблвыканкамы правялі работу па пераглядзе і карэкціроўцы раней прынятых рашэнняў. Былі прыняты інструкцыі, якія прадугледжваюць магчымасць прымянення паніжальных каэфіцыентаў. Аднак у шэрагу выпадкаў уласнікі інтэрнатаў не ўстанавілі такія каэфіцыенты ці абмежаваліся мінімальным зніжэннем.

Нагадаем, прафсаюзны маніторынг цэн на сацыяльна значныя тавары і паслугі праводзіцца з мая 2017 года па ўсіх абласцях і горадзе Мінску. Так, па дадзеных за апошнія чатыры месяцы 2018 года назіраецца дастаткова стабільная сітуацыя па цэнах на прадукты харчавання. Разам з тым адзначаецца рост цэн на бабовыя (22%), крупы прасяныя (21%) і птушку (18%).

Пад кантролем спецыялістаў ФПБ таксама знаходзіцца кошт адзення, бялізны і абутку. Беларускім прафсаюзам работнікаў гандлю ў жніўні быў праведзены маніторынг набораў адзення, бялізны, абутку і канцылярскіх прыладаў для падрыхтоўкі дзяцей да школы. Так, сярэдні кошт школьнай экіпіроўкі (адзенне, абутак, канцылярскія і пісьмовыя тавары) для хлопчыка-першакласніка склаў Br619 (рост у адносінах да мінулага года 106,5%), для дзяўчынкі – Br655, 9 (104,5%).

Пры выкарыстанні матэрыялаў актыўная гіперспасылка на mogilev-region.gov.by абавязковая

Чытайце таксама ў катэгорыі "грамадства":