Рус Бел Eng 中文

Гандбольныя каманды з Магілёўскай вобласці будуць змагацца за ўзнагароды ў фінале рэспубліканскіх спаборніцтваў «Імклівы мяч»

Фінальныя рэспубліканскія спаборніцтвы «Імклівы мяч» сярод дзяўчат і юнакоў 2005-2006 гадоў нараджэння пройдуць 21-25 мая. Абараняць гонар Прыдняпроўскага краю ў Брэсцкую вобласць адправяцца каманды дзяўчат і юнакоў, паведамілі ва ўпраўленні спорту і турызму Магілёўскага аблвыканкама.

Штогод у спаборніцтвах прымае ўдзел 16 зборных. У 2018-м за перамогу пазмагаюцца па дзве каманды-пераможцы рэгіянальных этапаў з усіх абласцей краіны і горада Мінска. Гаспадары турніру выставяць 4 каманды. Юнакі разыграюць узнагароды ў Брэсце, а дзяўчаты – у Маларыце. Лідары і прызёры спаборніцтваў стануць вядомыя 25 мая.

Дарэчы, у мінулым годзе на першую прыступку п’едэстала гонару сярод прадстаўнікоў моцнага полу падняліся мінчукі, другімі сталі гандбалісты Брэсцкай вобласці, трэцімі – Гродзенскай. У дзяўчат найлепшымі аказаліся спартсменкі Мінскай вобласці. Срэбра заваявала каманда «Мінск-2», а бронза дасталася выхаванкам Гомельшчыны.

«Імклівы мяч» – штогадовыя рэспубліканскія спаборніцтвы па гандболе сярод юнакоў і дзяўчат. Турнір вядомы яшчэ з савецкіх часоў, а ў Беларусі праводзіцца з 2007 года. Асноўная мэта спаборніцтваў – павышэнне папулярнасці гандбола ў краіне, прыцягненне да заняткаў гандболам дзяцей і рост іх майстэрства ў гэтым відзе спорту.

Арганізатарамі турніру з’яўляюцца Беларуская федэрацыя гандбола, Прэзідэнцкі спартыўны клуб, Міністэрства спорту і турызму, Міністэрства адукацыі, абласныя і гарадскія выканаўчыя камітэты, БРСМ.

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "спорт":

10.12.2018 - 08:33 | Бабруйчанін Андрэй Казусёнак стаў пераможцам абсалютнага Кубка свету па самба

Бабруйчанін Андрэй Казусёнак стаў пераможцам абсалютнага Кубка свету па самба на прызы Саюзнай дзяржавы Беларусі і Расіі, прысвечанага 80-годдзю самба, паведамілі ў прэс-службе Міністэрства спорту і турызму.

05.12.2018 - 14:48 | Больш за 370 спартсменаў прыме ўдзел у рэспубліканскіх спаборніцтвах па лёгкай атлетыцы памяці Фёдара Кулакоўскага ў Магілёве

Больш за 300 спартсменаў прыме ўдзел у рэспубліканскіх спаборніцтвах па лёгкай атлетыцы памяці заслужанага трэнера Беларусі Фёдара Кулакоўскага.

04.12.2018 - 11:43 | У Асіповічах пачалася тэставая эксплуатацыя фізкультурна-аздараўленчага комплексу «Жамчужына»

У Асіповічах пачалася тэставая эксплуатацыя фізкультурна-аздараўленчага комплексу «Жамчужына». Пра гэта паведамілі ў райвыканкаме.

04.12.2018 - 09:19 | Лісяня Лёсік стане талісманам II Еўрапейскіх гульняў у Мінску

У Мінску прадставілі талісман II Еўрапейскіх гульняў. Сімвалам галоўнай спартыўнай падзеі ў Беларусі ў наступным годзе стане лісяня Лёсік.

27.11.2018 - 13:34 | Наймацнейшыя маладыя тэнісісты з чатырох краін разыграюць у Магілёве ўзнагароды турніру-мемарыяла Тані Карпінскай

Наймацнейшыя маладыя тэнісісты з чатырох краін разыграюць у Магілёве ўзнагароды 50-га Міжнароднага турніру-мемарыяла Тані Карпінскай па настольным тэнісе.