Рус Бел Eng 中文

Гарадскі суботнік пройдзе ў Бабруйску 21 кастрычніка

Гарадскі суботнік пройдзе ў Бабруйску 21 кастрычніка. Пра гэта паведамілі ў Бабруйскім гарвыканкаме.

Арганізацыі горада прывядуць у належны санітарна-тэхнічны стан ўласныя, прылеглыя і замацаваныя тэрыторыі, навядуць парадак, прыбяруць лістоту на ўязных магістральных вуліцах, ачысцяць ад смецця аб’екты ведамаснага жыллёвага фонду.

На кантролі гаррайінспекцыі прыродных рэсурсаў і аховы навакольнага асяроддзя, Бабруйскага занальнага цэнтра гігіены і эпідэміялогіі будзе навядзенне парадку ў гаражна-будаўнічых кааператывах.

Падчас суботніка правядуць санітарную ўборку на ўнутрыдамавых тэрыторыях, у аб’ектах гандлю і бытавога абслугоўвання. Ад смецця, сухастойнай расліннасці і дзікарослай пораслі вызваляць тэрыторыі трэцяга палігона і рэдзюітаў Бабруйскай крэпасці. Моладзь горада зоймецца лесапаркавымі зонамі ў мікрараёнах Кісялевічы, Яловікі, гарадскім паркам культуры і адпачынку, скверамі.

Нагадаем, што агульнагарадскі суботнік неўзабаве чакае і магілёўцаў. Масавым навядзеннем парадку ў абласным цэнтры зоймуцца 28 кастрычніка. У ліку галоўных пляцовак добраўпарадкавання – гарадскі парк у Падніколлі. Тут, акрамя уборкі, будзе арганізавана пасадка дрэў і хмызнякоў.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

12.12.2018 - 09:50 | Рэспубліканскі кірмаш «Калядны гасцінец» пройдзе ў Бабруйску 13-16 снежня

Рэспубліканскі кірмаш «Калядны гасцінец» пройдзе ў Бабруйску 13–16 снежня. Пра гэта паведамілі ў Магілёўскім аддзяленні БелГПП, якое з’яўляецца арганізатарам мерапрыемства.

12.12.2018 - 09:10 | Апёкі 80% цела мужчына атрымаў на пажары ў Магілёве

У Магілёўскай вобласці за мінулыя суткі адбыўся адзін пажар, які ледзь не скончыўся гібеллю мужчыны. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.

11.12.2018 - 15:09 | Магілёўская гімназія і кітайская школа падпісалі дагавор аб супрацоўніцтве

Гімназія №4 Магілёва сёння падпісала дагавор аб супрацоўніцтве з кітайскай сярэдняй школай «Зялёны сад» горада Чанша (правінцыя Хунань).

11.12.2018 - 09:03 | Харчаванне работнікаў наладжана практычна ва ўсіх арганізацыях Магілёўскай вобласці, дзе створаны прафсаюзныя пярвічкі

Прафсаюзныя спецыялісты плануюць наведаць усе прадпрыемствы і арганізацыі краіны. Звернуць увагу на якасць прапанаваных у сталовых страў, адпаведнасць аб’ектаў грамадскага харчавання санітарным нормам, іх абсталяванне. На асаблівым кантролі – кошт абедаў.

11.12.2018 - 08:05 | У Беларусі ўзмоцнена дзяржпадтрымка дзяцей-сірот і шматдзетных сем’яў у вырашэнні жыллёвага пытання

У Беларусі прыняты дадатковыя меры па ўзмацненні дзяржаўнай падтрымкі дзяцей-сірот і шматдзетных сем’яў пры будаўніцтве, рэканструкцыі або набыцці жылля.