Рус Бел Eng 中文

Гатоўнасць камбайнавага парку да ўборкі збожжавых у Магілёўскай вобласці складае 90%

Гатоўнасць камбайнавага парка да ўборкі збожжавых у Магілёўскай вобласці складае 90%, паведаміў начальнік упраўлення механізацыі камітэта па сельскай гаспадарцы і харчаванні аблвыканкама Аляксандр Адамаў.

Падрыхтоўка тэхнікі ідзе па вызначаным графіку, да канца тыдня сельгасарганізацыі вобласці павінны выйсці на планавую гатоўнасць камбайнаў – 95%. Выбарачная ўборка збожжавых пачнецца ў некаторых раёнах ужо на наступным тыдні, а да масавай ўборкі плануецца прыступіць у канцы ліпеня. У гэтых работах будуць задзейнічаны 1264 камбайны. «Нагрузка на камбайн складзе каля 270 га, што пры спрыяльных пагодных умовах дазволіць нам убраць ураджай за 16-17 дзён і з мінімальнымі стратамі», – адзначыў Аляксандр Адамаў.

У раёнах вобласці будзе працаваць 417 зернесушыльных комплексаў і зернесушылак, а таксама 25 сушыльных комплексаў на камбінатах хлебапрадуктаў. Іх сумарная магутнасць дазволіць перапрацоўваць больш за 108 тыс. т збожжа ў суткі, гэта значыць аграрыі змогуць перапрацаваць атрыманы ўраджай збожжавых за 10-12 дзён.

Для адвозкі збожжа ад камбайнаў будзе задзейнічана 1120 аўтамабіляў, з іх 49 плануецца прыцягнуць з прамысловых прадпрыемстваў і арганізацый у гарадах і райцэнтрах вобласці. Выкананне ўсіх работ запатрабуе прыцягнення 4953 механізатараў (у гаспадарках іх 4254, яшчэ 699 чалавек будзе накіравана з прадпрыемстваў, арганізацый, навучальных устаноў, а таксама за кошт пераводу спецыялістаў з іншых сельгасработ).

Аграрыі вобласці ў гэтым годзе плануюць сабраць ураджай збожжавых не меншы, чым у мінулым сезоне: прыкладна 1,1 млн. т у свірнавай вазе.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

14.02.2019 - 11:34 | Магілёўская вобласць адзначае 30-годдзе вываду савецкіх войскаў з Афганістана

Магілёўская вобласць адзначае 30-годдзе вываду савецкіх войскаў з Афганістана. Стартам святкаванняў памятнай даты стала дваццаць першая міжрэгіянальная сустрэча воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў, якая адбылася 8 лютага на базе прафесійнага агралесатэхнічнага каледжа імя К. П. Арлоўскага ў Буйнічах.

13.02.2019 - 10:59 | У Магілёве 15 лютага адбудзецца пасяджэнне Сумеснага Прэзідыума цэнтральных саветаў ДТСААФ Беларусі і Расіі

У Магілёве 15 лютага адбудзецца пасяджэнне Сумеснага Прэзідыума цэнтральных саветаў ДТСААФ Беларусі і Расіі. Мерапрыемства пачнецца ў 11.00 у канферэнц-зале гасцініцы «Турыст».

12.02.2019 - 21:46 | На ўмацаванне матэрыяльна-тэхнічнай базы ўстаноў аховы здароўя Магілёўскай вобласці ў 2018 годзе накіравана больш за Br24 млн.

На ўмацаванне матэрыяльна-тэхнічнай базы ўстаноў аховы здароўя Магілёўскай вобласці ў 2018 годзе накіравана больш за Br24 млн. Пра гэта паведаміў сёння на выніковай калегіі галоўнага ўпраўлення па ахове здароўя аблвыканкама яго начальнік Аляксандр Жылін, перадае карэспандэнт сайта.

12.02.2019 - 17:00 | Аб прыярытэтах рэгіянальнай сацыяльнай палітыкі ішла гаворка на пасяджэнні калегіі камітэта па працы, занятасці і сацыяльнай абароне Магілёўскага аблвыканкама

Аб прыярытэтах рэгіянальнай сацыяльнай палітыкі ішла размова на пасяджэнні калегіі камітэта па працы, занятасці і сацыяльнай абароне Магілёўскага аблвыканкама, якое адбылося сёння ў канферэнц-зале абласнога ўпраўлення Фонду сацыяльнай абароны насельніцтва Беларусі, перадае карэспандэнт сайта.

11.02.2019 - 09:36 | Прамую тэлефонную лінію правядзе 16 лютага кіраўнік справамі Магілёўскага аблвыканкама Рыгор Варонін

Прамую тэлефонную лінію правядзе 16 лютага кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.