V ФОРУМ РЭГІЁНАЎ БЕЛАРУСІ І РАСІІ

Магілёў. 11-12 кастрычніка 2018 года.

Рус Бел Eng 中文

Гран-пры фестывалю патрыятычнай песні «Чырвоны гваздзік» заваяваў кадэт з Магілёва Ян Васькоў

Гран-пры VIII фестывалю патрыятычнай песні «Чырвоны гваздзік» заваяваў выхаванец Магілёўскага абласнога кадэцкага вучылішча Ян Васькоў. На гала-канцэрце, які прайшоў у Магілёўскім інстытуце МУС, малады чалавек выканаў песню «Воблакам па небе».

Галоўную ўзнагароду і спецыяльны прыз ад імя старшыні афіцэрскага сходу УУС палкоўніка міліцыі Ігара Шчарбачэні ўручыла намеснік начальніка УУС палкоўнік міліцыі Наталля Сіманава.

Дыплом пераможцы ў намінацыі «Вакальна-інструментальны ансамбль» атрымаў ВІА «Юны ратаўнік» ДУА «Спецыялізаваны ліцэй пры ўніверсітэце грамадзянскай абароны МНС Рэспублікі Беларусь». У тройку прызёраў таксама ўвайшлі калектывы «Рыкашэт» з Магілёўскага абласнога кадэцкага вучылішча і «Адважныя сэрцы» са спецыялізаванага ліцэя МУС.

У намінацыі «Вакал» месцы размеркаваліся наступным чынам. Дыплом трэцяй ступені ўручылі выхаванцу Мінскага гарадскога кадэцкага вучылішча №2 Яўгену Царыкаву за выкананне песні «Бухенвальдскі набат». Другое месца дасталося дуэту Антона Рудава і Мікіты Аўгусціновіча з Мінскага сувораўскага ваеннага вучылішча з кампазіцыяй «Армія мая». Трэцюю пазіцыю заняў Артур Макарэвіч з Віцебскага кадэцкага вучылішча, які выканаў песню «Пропавшим без вести».

У рамках фестывалю таксама адбылося ўзнагароджанне пераможцаў і прызёраў конкурсу «Віват, інстытут!», прысвечанага 70-годдзю Магілёўскага інстытута МУС.

Фестываль «Чырвоны гваздзік» сабраў у Магілёве выхаванцаў кадэцкіх вучылішч, спецыялізаваных ліцэяў, сярэдніх агульнаадукацыйных і спецыяльных навучальных устаноў, Мінскага сувораўскага ваеннага вучылішча Беларусі, прадстаўнікоў Юрыдычнага паліцэйскага каледжа Тулы з Расіі. Удзельнікі выканалі песні, якія расказваюць пра подзвігі народа ў Вялікай Айчыннай вайне і лакальных ваенных канфліктах, пра сілавыя структуры, пра любоў да Айчыны, прысвечаныя 100-годдзю Узброеных Сіл Рэспублікі Беларусь.

Фота – УУС Моагілёўскага аблвыканкама

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "моладзь":

14.08.2018 - 08:25 | Уступная кампанія на ўзровень сярэдняй спецыяльнай адукацыі завяршаецца 17 жніўня

Уступная кампанія на ўзровень сярэдняй спецыяльнай адукацыі завяршаецца ў Беларусі 17 жніўня, паведаміў начальнік галоўнага ўпраўлення прафесійнай адукацыі Міністэрства адукацыі Сяргей Каспяровіч.

10.08.2018 - 13:31 | У міжнародным рэйтынгу Webometrics Магілёўскі інстытут МУС лідзіруе сярод ВНУ, якія рыхтуюць спецыялістаў для сілавых структур краіны

Магілёўскі інстытут МУС захоўвае свае пазіцыі ў міжнародным рэйтынгу Webometrics і ўжо трэці справаздачны перыяд запар апярэджвае ўсе ўстановы вышэйшай адукацыі Беларусі, якія рыхтуюць спецыялістаў для арганізацыі бяспекі нашай краіны.

07.08.2018 - 10:43 | Расклад чвэрцяў і канікул 2018/2019 навучальнага года вызначаны ў Беларусі

Расклад чвэрцяў і канікул 2018/2019 навучальнага года вызначаны ў Беларусі. Пра гэта паведамілі ў прэс-службе Міністэрства адукацыі.

06.08.2018 - 10:34 | Старшакласнікі змогуць праходзіць прафпадрыхтоўку ў ССНУ і ВНУ

Старшакласнікі змогуць праходзіць прафпадрыхтоўку ў ССНУ і ВНУ. Гэта прадугледжана пастановай Савета Міністраў ад 2 жніўня 2018 года №575, паведамляе сайт урада.

06.08.2018 - 08:55 | ВНУ Беларусі завяршаюць уступную кампанію

Вышэйшыя навучальныя ўстановы Беларусі 6 жніўня афіцыйна завяршаюць уступную кампанію.