Рус Бел Eng 中文

Інвестыцыйны форум «Млын поспеху» збярэ ў Магілёве больш за 500 удзельнікаў

X Міжнародны інвестыцыйны форум «Млын поспеху», які пройдзе ў Магілёве 29-30 чэрвеня, збярэ больш за 500 удзельнікаў. Пра гэта карэспандэнту сайта паведамілі ва ўпраўленні інвестыцыйнай і інавацыйнай дзейнасці камітэта эканомікі Магілёўскага аблвыканкама.

На мерапрыемстве чакаецца прысутнасць прадстаўнікоў шэрагу замежных дзяржаў: Расіі, Кітая, Японіі, Румыніі, Венгрыі, Казахстана, Польшчы, Балгарыі, Чэхіі, Літвы, Латвіі, Францыі, Вялікабрытаніі, Бразіліі, Карэі, В’етнама і інш. У гэтым годзе фармат форуму накіраваны на адлюстраванне патэнцыялу міжрэгіянальнага развіцця, які дае імпульс да доўгатэрміновага супрацоўніцтва паміж краінамі ў сферы культуры, гандлю і як выніку – інвестыцый.

Традыцыйна асноўныя мерапрыемствы будуць праходзіць у спартыўным комплексе «Алімпіец». Удзельнікам дадуць унікальную магчымасць наведаць выставу-прэзентацыю інвестыцыйных і інавацыйных праектаў рэгіёна, на якой прэзентуюць найлепшыя прапановы па прыярытэтных напрамках развіцця вобласці.

У першы дзень будзе арганізавана работа секцый і праведзена пленарнае пасяджэнне. Праграмай апошняга прадугледжаны даклады кіраўнікоў органаў дзяржаўнага кіравання і прадстаўнікоў бізнес-супольнасці аб стане і перспектывах міжрэгіянальных сувязяў і іх уплыве на прыцягненне інвестыцый у эканоміку рэгіёна. У завяршэнне адбудзецца ўрачыстая цырымонія падпісання пратаколаў аб намерах, дагавораў і пагадненняў. Зараз фарміруецца пералік гэтых дакументаў.

Таксама плануецца цырымонія ўзнагароджання юрыдычных і фізічных асоб, якія ўнеслі істотны ўклад у фарміраванне станоўчага іміджу Магілёўскай вобласці ў гандлёвай, інвестыцыйнай і культурнай сферах.

У мэтах пашырэння ўзаемадзеяння навукі і бізнесу ў рамках работы секцый адбудзецца навукова-практычная канферэнцыя «Інавацыі – ад навукі да вытворчасці: поспехі, праблемы, перспектывы», якая спрыяе больш шырокаму азнаямленню прадстаўнікоў прамысловасці і бізнесу з сучаснымі навуковымі дасягненнямі.

Акрамя таго, запланавана правядзенне міжнародных секцый у фармаце В2В сустрэч з удзелам замежных прадстаўнікоў па пяці напрамках: развіццё інтэграцыйных працэсаў у Саюзнай дзяржаве; стварэнне і развіццё япона-беларускай прамысловай зоны; рэалізацыя ў Магілёўскай вобласці праекта «Адзін пояс, адзін шлях»; супрацоўніцтва з ЕС як адзін з галоўных вектараў знешняй эканомікі; перспектыўныя рынкі – новыя магчымасці для Магілёўскай вобласці.

«Інвестфорум – гэта эфектыўная пляцоўка, па-першае, для прэзентацыі інвестыцыйнага і эканамічнага патэнцыялу Магілёўскай вобласці як аднаго з найбуйнейшых прамысловых, сельскагаспадарчых і навуковых рэгіёнаў Беларусі. Па-другое, для сустрэч і дыялогу прадстаўнікоў улады, бізнесоўцаў і экспертаў, – адзначылі суразмоўцы. – Такія зносіны спрашчаюць пошук пунктаў судакранання, дазваляюць выпрацаваць канкрэтныя напрамкі і дзеянні супрацоўніцтва, даюць разуменне таго, што неабходна ўдасканальваць у будучыні ў частцы інвестыцыйнага клімату».

Ва ўпраўленні інвестыцыйнай і інавацыйнай дзейнасці ўпэўнены ў неабходнасці пастаяннага інфармавання аб Магілёўскай вобласці і яе перавагах, паколькі гэта павышае шанцы зацікавіць патэнцыйных інвестараў. «Калі гэтага не рабіць, то і эфектыўнасць працы над удасканаленнем інвестыцыйнага клімату зніжаецца, – лічаць суразмоўцы. – Абапіраючыся на мінулы вопыт, выказваем упэўненасць у тым, што форум прадаставіць усім шырокія магчымасці для ўсталявання міжнародных кантактаў, наладжвання супрацоўніцтва, прыцягнення інвестыцый і пашырэння рынкаў збыту».

Арганізатарамі «Млына поспеху» выступаюць Магілёўскі аблвыканкам і ААТ «Магілёўскае агенцтва рэгіянальнага развіцця».

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

17.01.2019 - 17:49 | Сучасную сістэму аўтаматычнага кантролю прамысловых выкідаў усталююць на ЗТАА «Омск Карбон Магілёў»

Сучасную сістэму аўтаматычнага кантролю прамысловых выкідаў усталююць на ЗТАА «Омск Карбон Магілёў». Пра гэта паведамілі сёння падчас прэс-канферэнцыі, прысвечанай экалагічнай абстаноўцы на тэрыторыі вобласці, у тым ліку, яе маніторынгу на ўчастку №4 СЭЗ «Магілёў».

16.01.2019 - 16:06 | РЭПАРТАЖ: Вясноўскі дом-інтэрнат: перадавы вопыт індывідуальнага развіцця і адаптацыі дзяцей-інвалідаў

Уключэнне дзяцей з абмежаванымі магчымасцямі здароўя і дзяцей-інвалідаў у жыццё грамадства паступова становіцца магістральнай лініяй сацыяльнага развіцця Беларусі. Распрацавана спецыяльная праграма, галоўная ўвага ў якой надаецца жыццёвай кампетэнцыі такіх дзяцей, здольнасці жыць у нармальных умовах. Значных вынікаў у гэтай працы дамогся Вясноўскі дом-інтэрнат для дзяцей-інвалідаў з асаблівасцямі псіхафізічнага развіцця.

15.01.2019 - 19:37 | У Палацы культуры вобласці прайшло мерапрыемства, прысвечанае 100-годдзю ўтварэння БССР

Урачыстае мерапрыемства, прысвечанае 100-годдзю ўтварэння Беларускай Савецкай Сацыялістычнай Рэспублікі, адбылося сёння ў Палацы культуры вобласці.

15.01.2019 - 10:32 | Галоўная тэма АДІ ў студзені: «Вялікія справы Года малой радзімы: знакавыя падзеі 2018 года»

Адзіны дзень інфармавання, які пройдзе 17 студзеня ў гарадах і раёнах Магілёўшчыны, будзе прысвечаны Году малой радзімы і знакавым падзеям 2018 года. Пра гэта паведамілі ў Галоўным упраўленні ідэалагічнай работы і па справах моладзі аблвыканкама.

14.01.2019 - 10:31 | Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Варонін

Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.