Рус Бел Eng 中文

Калядны пост пачынаецца ў праваслаўных

У праваслаўных вернікаў сёння пачынаецца Калядны пост – адзін з чатырох шматдзённых пастоў, які рыхтуе вернікаў да Светлага свята нараджэння Госпада Ісуса Хрыста.

Калядны пост менш строгі, чым вялікі і Успенскі. Пачынаецца 28лістапада і доўжыцца сорак дзён да 6 студзеня ўключна.

Калядны пост таксама называюць Піліпавым, паколькі загавіны (апошні дзень перад постам, калі можна ўжываць прадукты жывёльнага паходжання) прыпадае на дзень памяці святога апостала Піліпа.

Традыцыя выконваць Калядны пост зарадзілася ў раннехрысціянскія часы. Спачатку яго працягласць была рознай – сем дзён і больш. Правіла пасціцца перад Калядамі менавіта 40 дзён было ўстаноўлена ў 1166 годзе на Канстанцінопальскім саборы, які склікаўся пры патрыярху Луку і імператары Мануіле.

Царква вучыць, што веруніку пост неабходны, каб наладзіць сябе на сустрэчу Каляд Хрыстовых, усвядоміць таямніцу Богаўцелаўлення. У гэты час асаблівую ўвагу неабходна надаць сваёй душы. Добраахвотна адмаўляючыся ад шчодрай ежы і забаў, надаючы больш часу малітве і добрым справахм мы ачышчаем сваю душу, каб у супакаенні сустрэць самы светлае зімовае свята.

Па традыцыі ў Калядны пост па аўторках, чацвяргах, суботах і нядзелях можна прымаць ежу з раслінным алеем. У дні Каляднага посту строга забараняецца ёсць толькі мяса, яйкі і малочныя прадукты. У сераду і пятніцу нельга піць віно, а ежу трэба есць без алею – гэта называецца сухаядзенне.

Рыба падчас Каляднага паста дазваляецца ў суботнія і нядзельныя дні, вялікія святы (напрыклад, у свята Увядзення ў храм Прасвятой Багародзіцы), а таксама ў храмавыя святы і ў дні памяці вялікіх святых, калі гэтыя дні прыпадаюць на аўторак або чацвер. Згодна самаму мяккаму статуту, рыбу можна есці ва ўсе дні, акрамя серады і пятніцы.

З 2 студзеня па 6 студзеня пост становіцца больш строгім, а шостага прынята не есці нічога да першай зоркі.

Важна памятаць, што ў кожнага чалавека свая мера паста. Так, царква дазваляе паслабленні для хворых, цяжарных жанчын і дзяцей, людзей, занятых цяжкай фізічнай працай. Наогул выключна строга трымаюць пост манахі, а свецкія выконваюць яго, параіўшыся з духоўнікам, а таксама з улікам свайго здароўя.

Царква падкрэслівае, што абмежаванне ў ежы не табу і не самамэта. Гэта толькі спосаб, які дапамагае чалавеку пазбавіцца ад пачуццёвых прыхільнасцяў, сканцэнтравацца на духоўным. Дзякуючы пасту вызваляюцца сілы для зносін з Богам.

Разам з тым пост цялесны без паста духоўнага не набліжае нас да выратавання. Без малітвы і пакаяння пост становіцца ўсяго толькі дыетай. Свяціцель Ян Златавуст гаварыў пра пост: «Памыляецца той, хто лічыць, што пост толькі ўстрыманне ад ежы. Праўдзівы пост ёсць выдаленне зла, утаймаванне языка, адклад гневу, спыненне паклёпу, хлусні і клятвазлачынства. Хто посціць, ведае, як пост таймуе жаданні. А тыя, каму здаралася выпрабаваць гэта на справе, пацвердзяць, што ён змякчае нораў, душыць гнеў, стрымлівае парывы сэрца, бадзёрыць розум, прыносіць спакой душы, палягчае цела, ліквідуе няўстрыманне».

У дні посту верніку рэкамендуецца адмовіцца ад наведвання забаўляльных устаноў, прагляду забаўляльных фільмаў і тэлеперадач, бескарысных размоў, анекдотаў. Акрамя таго, не варта забываць і аб дабрачыннасці.

Пры выкарыстанні матэрыялаў актыўная гіперспасылка на mogilev-region.gov.by абавязковая