Рус Бел Eng 中文

Камбайнеры з Кіраўскага раёна першымі ў Магілёўскай вобласці намалацілі 1 тыс. т збожжа

Экіпаж камбайнераў з Кіраўскага раёна першым у Магілёўскай вобласці намалаціў 1 тыс. т збожжа. Тэмп уборкі ў рэгіёне, як і ў папярэднія гады, пачалі задаваць вопытныя хлебаробы ААТ «Рассвет» імя К. П. Арлоўскага. Першым перасячы тысячны рубеж удалося экіпажу камбайна «Нью Холанд» у складзе Мікалая і Андрэя Драздоў.

Мікалай ужо неаднаразова станавіўся лаўрэатам рэспубліканскіх спаборніцтваў на жніве. Працаваў з рознымі напарнікамі, а вось ужо шосты сезон убірае хлеб разам з сынам. І зноў у перадавіках.

Прама ў поле лідараў жніва ўшаноўвалі старшыня Кіраўскага райвыканкама Аляксандр Бутараў, яго намеснік Аляксандр Сухадольскі, старшыня Магілёўскай абласной арганізацыі Беларускага прафсаюза работнікаў АПК Віктар Гейдэль, дырэктар «Рассвета» Аляксандр Багель, прафсаюзныя лідары раёна і сельгасарганізацыі.

У лік тых, каму гучалі словы падзякі і ўручаліся падарункі, увайшлі і іншыя перадавыя хлебаробы «Рассвета». Літаральна на некалькі гадзін пазней за экіпаж Драздоў яшчэ адзін сямейны тандэм перасягнуў тысячны намалот – бацька і сын Іван і Аляксандр Кавалеўскія.

Ушаноўвалі і вадзіцеля Валерыя Шчэрбіча, які некалькі дзён таму першым на Магілёўшчыне перавёз ад камбайнаў тысячу тон збожжа. Сёння ён ужо пераадолеў паўтаратысячную мяжу.

Яго калега Алег Сакабіцкі стаў першым у раёне «тысячнікам» у спаборніцтве сярод маладых вадзіцеляў.

Сярод узнагароджаных таксама было перадавое звяно па перапрацоўцы збожжа ў сушыльнай гаспадарцы ў складзе Мікалая Магаева, Яўгена Шырокага, Пятра Буціна і Сяргея Лагойкі.

Па матэрыяле раённай газеты «Кіравец»

Фота - «Кіравец»

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

09.11.2018 - 12:51 | У снежні ў Чавускім раёне плануюць завяршыць рэалізацыю праекта па ўзвядзенні завода будаўнічых сумесяў

У снежні ў Чавускім раёне плануюць завяршыць рэалізацыю інвестыцыйнага праекта «Будаўніцтва вытворчай базы з арганізацыяй вытворчасцяў па выпуску будаўнічых сумесяў, таварных бетонаў і раствораў, вытворчасці жалезабетонных вырабаў, усталяванні дарожных пакрыццяў з бет

09.11.2018 - 11:59 | Увесь лістапад на падрыўной пляцоўцы палігона «Асіповіцкі» вайсковай часці 12147 праводзяцца планавыя падрыўныя працы

Увесь лістапад у працоўныя дні з 7.00 да 16.00 на падрыўной пляцоўцы палігона «Асіповіцкі» вайсковай часці 12147 будуць праводзіцца планавыя падрыўныя працы.

06.11.2018 - 16:32 | У Клімавічах на кацельні па вул. Пралетарская запушчана новае абсталяванне

Напярэдадні Дня Кастрычніцкай рэвалюцыі ў Клімавічах на кацельні па вул. Пралетарская ва ўрачыстай абстаноўцы запушчана новае абсталяванне. З уводам з эксплуатацыю двух катлоў магутнасцю 1 МВт кожны, якія працуюць на мясцовых відах паліва, тут завяршылася другая чарга рэканструкцыі аб’екта.

06.11.2018 - 09:45 | Установы культуры Хоцімскага раёна атрымалі ў падарунак новы мікрааўтобус

Сустракаць Дзень Кастрычніцкай рэвалюцыі працоўнымі падарункамі ў Беларусі ўжо стала традыцыяй. Гэта ініцыятыва кіраўніка дзяржавы ў нашай краіне прыжылася і ўмацавалася. Штогод яе падтрымліваюць і на Хоцімшчыне.

02.11.2018 - 16:14 | Выязныя прыёмы грамадзян пройдуць 9 лістапада ў Быхаўскім і Касцюковіцкім райвыканкамах

Выязныя прыёмы грамадзян, іх прадстаўнікоў, прадстаўнікоў юрыдычных асоб пройдуць 9 лістапада ў Быхаўскім і Касцюковіцкім райвыканкамах.