Рус Бел Eng 中文

Кіраўнік аддзялення Пасольства Швейцарскай Канфедэрацыі ў Мінску Клод Альтэрмат наведвае Магілёўскую вобласць

Кіраўнік аддзялення Пасольства Швейцарскай Канфедэрацыі ў Мінску Клод Альтэрмат наведвае Прыдняпроўскі край. У рамках візіту сёння адбылася афіцыйная сустрэча госця са старшынёй Магілёўскага аблвыканкама Уладзімірам Даманеўскім, перадае карэспандэнт сайта.

У гутарцы з губернатарам Клод Альтэрмат падкрэсліў, што гэта яго першае знаёмства з Магілёўшчынай. Такія паездкі ў рэгіёны, па словах дыпламата, вельмі важныя, бо даюць больш поўнае разуменне, як развіваецца краіна на сучасным этапе. Госця цікавілі пытанні фарміравання структуры дзяржаўнага кіравання на абласным узроўні, актыўнасць і ўмовы замежнага інвеставання ў эканоміку Прыдняпроўскага краю.

Расказваючы пра функцыі выканаўчай улады, Уладзімір Даманеўскі падкрэсліў, што жыхары вобласці актыўна ўдзельнічаюць у прыняцці жыццёва важных для рэгіёна рашэнняў праз Саветы дэпутатаў розных узроўняў. Што ж тычыцца эканомікі, то, паводле слоў губернатара, прыкладна 60% прамысловай вытворчасці Магілёўшчыны сёння фарміруюць дзяржаўныя прадпрыемствы рэспубліканскай падпарадкаванасці, каля 20% – прыватныя кампаніі, якія ў апошнія некалькі гадоў сталі актыўна расці і развівацца, у тым ліку за кошт замежных інвестыцый. Каб зразумець, чаму інвестары выбралі для работы менавіта наш рэгіён, Уладзімір Даманеўскі прапанаваў Клоду Альтэрмату наведаць замежныя прадпрыемствы, азнаёміцца з узроўнем іх аснашчанасці і пагутарыць з бізнесменамі.

 

Старшыня аблвыканкама звярнуў увагу госця на той факт, што эканоміка рэгіёна, як і Швейцарыі, экспартна арыентаваная. Прычым у апошнія два гады геаграфія паставак прадукцыі нашых прадпрыемстваў істотна змянілася – прыкладна на 60% павялічылася продажу краіны Еўрасаюза. У аснове канкурэнтаздольнасці выпускаемых тавараў – мадэрнізацыя існуючых і стварэнне новых вытворчасцей.

Разам з выгадным геаграфічным становішчам (суседства з расійскімі рэгіёнамі), прэферэнцыямі паўднёва-ўсходняй часткі вобласці, адным з фактараў, якія садзейнічаюць супрацоўніцтву з замежнымі партнёрамі, з’яўляецца міжнародны форум «Млын поспеху». У канцы чэрвеня ён прайшоў у Магілёве ўжо ў 10-ы раз. Падчас мерапрыемства быў падпісаны шэраг пагадненняў і дагавораў аб намерах у рэалізацыі праектаў, якія ў найбліжэйшы час, мяркуецца, прынясуць вобласці каля $100 млн. Таксама Уладзімір Даманеўскі дадаў, што хутка ў Клімавіцкім раёне літоўская кампанія пачне будаўніцтва комплексу па вырошчванні індычкі і вытворчасці індычыны. На тэрыторыі СЭЗ «Магілёў» расіяне завяршаюць узвядзенне прадпрыемства па выпуску тэхнічнага вугляроду. Немалыя сродкі штогод укладвае ў развіццё і ЗТАА «ВМГ Індустры», якое паспяхова функцыянуе. З 2015 года актыўна развіваюцца адносіны з Кітаем. Калі раней па прычыне складанай лагістыкі экспартавалася ў невялікіх колькасцях толькі малако, то сёння праблемы вырашаны, і ўжо атрыманы дазвол на пастаўкі ў Паднябесную ялавічыны, намячаецца рэалізацыя сумесных праектаў.

Гаворачы аб супрацоўніцтве, кіраўнік рэгіёна заўважыў, што доля Швейцарыі ў знешнегандлёвым абароце Магілёўскай вобласці нязначная, аднак перспектывы росту ёсць, больш за тое, у 2018 годзе ён павялічыўся ў два разы. Прадпрыемствы Прыдняпроўскага краю пастаўляюць сюды прадукцыю дрэваапрацоўкі, тару з драўніны, а экспартуюць прадукты хімічнай, фармацэўтычнай прамысловасці, тэхналагічнае абсталяванне.

Уладзімір Даманеўскі звярнуўся да Клода Альтэрмата з просьбай аб садзеянні ва ўсталяванні кантактаў паміж дзелавымі коламі Магілёўшчыны і Швейцарыі. У сваю чаргу дыпламат паабяцаў зрабіць усё магчымае для развіцця і ўмацавання партнёрства.

  

Сёння госць плануе таксама пагутарыць з прадстаўнікамі грамадскіх аб’яднанняў Прыдняпроўскага краю. У прыватнасці, мяркуецца дыялог з членамі ГА «Беларускі саюз жанчын». 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

15.02.2019 - 14:06 | Урачысты прыём да 30-годдзя з дня вываду савецкіх войскаў з Афганістана адбыўся ў Магілёўскім аблвыканкаме

Урачыстая сустрэча старшыні Магілёўскага аблвыканкама Уладзіміра Даманеўскага з кіраўнікамі гарадскіх і раённых арганізацый ГА «Беларускі саюз ветэранаў вайны ў Афганістане» адбылася сёння ў Доме саветаў. Мерапрыемства было прымеркавана да 30-й гадавіны вываду савецкіх войскаў з далёкай краіны.

14.02.2019 - 11:34 | Магілёўская вобласць адзначае 30-годдзе вываду савецкіх войскаў з Афганістана

Магілёўская вобласць адзначае 30-годдзе вываду савецкіх войскаў з Афганістана. Стартам святкаванняў памятнай даты стала дваццаць першая міжрэгіянальная сустрэча воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў, якая адбылася 8 лютага на базе прафесійнага агралесатэхнічнага каледжа імя К. П. Арлоўскага ў Буйнічах.

13.02.2019 - 10:59 | У Магілёве 15 лютага адбудзецца пасяджэнне Сумеснага Прэзідыума цэнтральных саветаў ДТСААФ Беларусі і Расіі

У Магілёве 15 лютага адбудзецца пасяджэнне Сумеснага Прэзідыума цэнтральных саветаў ДТСААФ Беларусі і Расіі. Мерапрыемства пачнецца ў 11.00 у канферэнц-зале гасцініцы «Турыст».

12.02.2019 - 21:46 | На ўмацаванне матэрыяльна-тэхнічнай базы ўстаноў аховы здароўя Магілёўскай вобласці ў 2018 годзе накіравана больш за Br24 млн.

На ўмацаванне матэрыяльна-тэхнічнай базы ўстаноў аховы здароўя Магілёўскай вобласці ў 2018 годзе накіравана больш за Br24 млн. Пра гэта паведаміў сёння на выніковай калегіі галоўнага ўпраўлення па ахове здароўя аблвыканкама яго начальнік Аляксандр Жылін, перадае карэспандэнт сайта.

12.02.2019 - 17:00 | Аб прыярытэтах рэгіянальнай сацыяльнай палітыкі ішла гаворка на пасяджэнні калегіі камітэта па працы, занятасці і сацыяльнай абароне Магілёўскага аблвыканкама

Аб прыярытэтах рэгіянальнай сацыяльнай палітыкі ішла размова на пасяджэнні калегіі камітэта па працы, занятасці і сацыяльнай абароне Магілёўскага аблвыканкама, якое адбылося сёння ў канферэнц-зале абласнога ўпраўлення Фонду сацыяльнай абароны насельніцтва Беларусі, перадае карэспандэнт сайта.