V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Кіраўнікі дзяржорганаў правядуць рэспубліканскі суботнік 21 красавіка на сваёй малой радзіме

Рэспубліканскі суботнік у 2018 годзе пройдзе 21 красавіка, кіраўнікі дзяржорганаў будуць працаваць у гэты дзень на сваёй малой радзіме. Гэта прадугледжана пастановай Савета Міністраў ад 10 красавіка 2018 года нумар 276, паведамілі ў Саўміне.

Рэспубліканскім органам дзяржкіравання і іншым дзяржарганізацыям, падпарадкаваным ураду, мясцовым выканаўчым і распарадчым органам, іншым арганізацыям рэкамендавана 21 красавіка на добраахвотнай аснове правесці рэспубліканскі суботнік на рабочых месцах або добраўпарадкоўваць і прыводзіць у належны стан гісторыка-культурныя каштоўнасці, тэрыторыі населеных пунктаў, рыхтаваць дзіцячыя аздараўленчыя і спартыўна-аздараўленчыя лагеры да летняга сезона.

Кіраўнікі рэспубліканскіх органаў дзяржкіравання і іншых дзяржарганізацый прымуць асабісты ўдзел у рэспубліканскім суботніку з выездам на сваю малую радзіму.

Грашовыя сродкі, заробленыя ў дзень суботніка, пералічваюцца праз раённыя і гарадскія выканкамы ў аблвыканкамы і Мінскі гарвыканкам у парадку, устаноўленым Мінфінам.

50 працэнтаў грашовых сродкаў застаюцца ў распараджэнні аблвыканкамаў і Мінскага гарвыканкама і накіроўваюцца на добраўпарадкаванне і прывядзенне ў належны стан населеных пунктаў, у тым ліку аграгарадкоў, мемарыяльных комплексаў, месцаў баявой і воінскай славы, пахавання воінаў і партызан Вялікай Айчыннай вайны, а таксама на падрыхтоўку дзіцячых аздараўленчых і спартыўна-аздараўленчых лагераў да летняга сезона; 50 працэнтаў грашовых сродкаў аблвыканкамы і Мінскі гарвыканкам пералічваюць Мінфіну ў парадку, устаноўленым гэтым міністэрствам. Гэтыя сродкі накіроўваюцца Міністэрству аховы здароўя на закупку медыцынскага абсталявання для Гарадской клінічнай бальніцы хуткай медыцынскай дапамогі ў мэтах арганізацыі дадатковых кругласутачных пастоў для аказання медыцынскай дапамогі, а таксама рэзервовых ложкаў на выпадак экстраннай шпіталізацыі ўдзельнікаў і гасцей ІІ Еўрапейскіх гульняў 2019 года.

Пры ўдзеле ў рэспубліканскім суботніку некамерцыйных арганізацый па рашэнні калектываў работнікаў гэтых арганізацый грашовыя сродкі могуць пералічвацца ў памерах, вызначаемых добраахвотна самімі калектывамі. Утрыманне наймальнікамі грашовых сродкаў з заработнай платы работнікаў, для якіх 21 красавіка з'яўляецца рабочым днём, праводзіцца з іх згоды ў памерах, вызначаемых добраахвотна самімі калектывамі работнікаў.

Дзяржорганам і мясцовым органам улады даручана стварыць у абласцях, гарадах, раёнах, арганізацыях рабочыя групы па падрыхтоўцы і правядзенні суботніка з улікам удзелу ў ім грамадзян выключна на добраахвотнай аснове, а таксама забяспечыць прадстаўленне арганізацыямі, якія прынялі ўдзел у суботніку, інфармацыі аб яго выніках.

Міністэрству транспарту і камунікацый, аблвыканкамам і Мінскаму гарвыканкаму даручана забяспечыць 21 красавіка бесперабойную работу пасажырскага транспарту.

Пастановай таксама зацверджаны склад рабочай групы па падрыхтоўцы і правядзенні рэспубліканскага суботніка. Кіраўнік групы - намеснік прэм'ер-міністра Міхаіл Русы.
 

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

24.09.2018 - 15:39 | Асабісты прыём грамадзян правядзе 28 верасня ў Кіраўску міністр культуры Беларусі Юрый Бондар

Асабісты прыём грамадзян правядзе 28 верасня ў кабінеце №18 Кіраўскага райвыканкама міністр культуры Беларусі Юрый Паўлавіч Бондар. З 14.00 да 15.00 ён адкажа на пытанні жыхароў раёна.

21.09.2018 - 16:48 | Міністр інфармацыі Беларусі Аляксандр Карлюкевіч сустрэўся з выкладчыкамі і студэнтамі Магілёўскага дзяржаўнага ўніверсітэта імя А. А. Куляшова

Міністр інфармацыі Беларусі Аляксандр Карлюкевіч сёння сустрэўся з выкладчыкамі і студэнтамі Магілёўскага дзяржаўнага ўніверсітэта імя А. А. Куляшова. Дыялог прайшоў у межах Адзінага дня інфармавання.

21.09.2018 - 15:57 | Ва ўстановах адукацыі Магілёўскай вобласці дзецям на ўроках расказваюць аб падатках

Акцыя «Дзецям аб падатках» праходзіць ва ўстановах адукацыі рэгіёна. Пра гэта карэспандэнту сайта паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

21.09.2018 - 15:46 | Магілёўская вобласць 24 верасня далучыцца да рэспубліканскай акцыі «Моладзь за бяспеку»

Магілёўская вобласць 24 верасня далучыцца да рэспубліканскай акцыі «Моладзь за бяспеку». Праект, прымеркаваны да Дня абвяшчэння Беларускай маладзёжнай грамадскай арганізацыі выратавальнікаў-пажарных, будзе доўжыцца па 12 кастрычніка. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

20.09.2018 - 15:18 | У Магілёўскай вобласці працуе 10 дамоў сезоннага пражывання

У Магілёўскай вобласці працуе 10 дамоў сумеснага сезоннага пражывання для людзей сталага ўзросту, якія трапілі ў цяжкую жыццёвую сітуацыю.