Рус Бел Eng 中文

Комплекс мерапрыемстваў па прапагандзе выкарыстання флікераў праводзіць 21-30 верасня Дзяржаўтаінспекцыя Магілёўскай вобласці

Комплекс прафілактычных мерапрыемстваў па прапагандзе выкарыстання флікераў сярод пешаходаў, веласіпедыстаў і возчыкаў праводзіць 21-30 верасня Дзяржаўтаінспекцыя рэгіёна. Пра гэта паведаміла інспектар ААіП ДАІ УУС Магілёўскага аблвыканкама Юлія Халамеева.

Галоўная мэта акцыі – папярэджанне дарожна-транспартных здарэнняў з удзелам удзельнікаў дарожнага руху ў цёмны час сутак.

З пачатку 2018 года зарэгістравана 28 аварый з удзелам пешаходаў у цёмны час сутак, у іх 8 чалавек загінула і 21 атрымала траўмы. «Не задумваючыся пра ўласнае жыццё, пешаходы, як цені, выходзяць на цёмную дарогу, не знайшоўшы час абазначыць сябе святлоадбіўнымі элементамі, – адзначыла суразмоўца. –Велааматары таксама не адстаюць ад пешаходаў: і катаюцца, як захочуць, і дарогу перасякаюць, дзе ўздумаецца, і транспарт свой належным чынам не абазначаюць».

Ноччу або ва ўмовах недастатковай бачнасці ДТЗ са смяротным зыходам адбываюцца ў 3 разы часцей, чым днём. Асноўная прычына – дрэнная бачнасць аб’екта. У Беларусі ўведзена абавязковае нашэнне святлоадбівальнікаў для пешаходаў і веласіпедыстаў у цёмны час сутак. Штраф за правапарушэнне складае ад 1 да 3 базавых велічынь.

Возчыкам таксама важна быць бачным на дарозе і ў абавязковым парадку выкарыстоўваць святлоадбівальныя павязкі, але найлепшы варыянт – апранаць святлоадбівальныя камізэлькі.

«Паважаныя грамадзяне! Калі Вы заўважылі на праезджай частцы нецвярозага пешахода, веласіпедыста або возчыка коннага транспарту – не будзьце абыякавымі! Паводзіны п’янага на дарозе непрадказальныя. У вашых сілах прадухіліць трагедыю. Своечасова паведаміце ў міліцыю па тэлефоне 102 пра знаходжанне нецвярозага чалавека на дарозе. Магчыма, гэты званок уратуе чыёсьці жыццё!», – падкрэсліла Юлія Халамеева.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

07.12.2018 - 10:34 | За невыкарыстанне зімовых шын на аўто супрацоўнікі ДАІ Магілёўскай вобласці ўжо аштрафавалі больш за 200 парушальнікаў

За невыкарыстанне зімовых шын на аўто супрацоўнікі ДАІ Магілёўскай вобласці ўжо аштрафавалі больш за 200 парушальнікаў. Пра гэта карэспандэнту сайта паведаміў начальнік УУС Магілёўскага аблвыканкама Ігар Шчарбачэня.

07.12.2018 - 10:30 | Названы пераможцы абласнога конкурсу аматарскага мастацтва сярод жыхароў дамоў-інтэрнатаў Магілёўшчыны

Абласны агляд-конкурс аматарскага мастацтва сярод жыхароў дамоў-інтэрнатаў рэгіёна прайшоў у Магілёве.

07.12.2018 - 09:48 | Больш за сто каткоў і хакейных каробак зальюць у Магілёўскай вобласці ў снежні

У Магілёўскай вобласці на наступным тыдні пачнуць масавае заліванне каткоў і хакейных каробак, паведамілі ва ўпраўленні спорту і турызму аблвыканкама.

06.12.2018 - 12:47 | Кітайскія школьнікі 11-14 снежня наведаюць Магілёўскую вобласць

Кітайскія школьнікі 11-14 снежня наведаюць Магілёўскую вобласць. Пра гэта карэспандэнту сайта паведамілі ў гарвыканкаме.

05.12.2018 - 11:55 | Дабрачынная акцыя «Цуды на Каляды» стартуе ў Магілёўскай вобласці 6 снежня

Дабрачынная акцыя «Цуды на Каляды» стартуе ў Магілёўскай вобласці 6 снежня. Пра гэта карэспандэнту сайта паведамілі ў абласным камітэце ГА «Беларускі рэспубліканскі саюз моладзі».