Рус Бел Eng 中文

Літоўская кампанія будзе вырабляць у Клімавіцкім раёне мяса індычкі

Літоўская кампанія будзе вырабляць у Клімавіцкім раёне мяса індычкі. Адпаведны дагавор па рэалізацыі інвестыцыйнага праекта завераны сёння ў Магілёўскім аблвыканкаме. Подпісы пад дакументам паставілі старшыня аблвыканкама Уладзімір Даманеўскі і старшыня праўлення групы кампаній ARVI Відмантас Кучынскас.

Праект прадугледжвае арганізацыю на працягу 2,5 гадоў вытворчасці мяса індычкі поўнага цыклу, пачынаючы ад вырошчвання птушкі і да паглыбленай перапрацоўкі мяса. Аднак, па словах Відмантаса Кучынскаса, плануецца рэалізаваць задуманае значна раней і, пры адсутнасці непрадбачаных складанасцяў, укласціся ў 1-1,5 года. «Чым даўжэй будзе ісці будаўніцтва, тым большыя сумы выдаткаў яно запатрабуе, – заўважыў бізнесмен. – А кожны з нас зацікаўлены ў максімальнай аддачы пры мінімальных укладаннях». Дарэчы, літоўская кампанія інвестуе ў праект больш $ 25 млн. і плануе пачаць работы ўжо вясной гэтага года.

Паводле дагавора, магутнасці новай вытворчасці на першапачатковым этапе дазволяць вырабляць да 10 тыс. т гатовай прадукцыі ў год з перспектывай павелічэння да 15 тыс. т. Інвестпраектам прадугледжаны выпуск не толькі індычыны ў сырым выглядзе, але і фаршу, паўфабрыкатаў, каўбасных вырабаў, вэнджаных і вяленых прадуктаў.

Арганізацыя вытворчасці ў Клімавіцкім раёне падпадае пад дзеянне Указа №235 «Аб сацыяльна-эканамічным развіцці паўднёва-ўсходняга рэгіёна Магілёўскай вобласці», а значыць, інвестары атрымліваюць адпаведныя прэферэнцыі. Выдаткі на будаўніцтва неабходных аб’ектаў інжынерна-транспартнай інфраструктуры возьме на сябе мясцовы бюджэт. Таксама літоўцы атрымаюць два зямельныя ўчасткі. На тэрыторыі былога ваеннага гарадка, які размяшчаецца ў Барсуках за 10 км ад райцэнтра, плануецца пабудаваць 30 птушнікаў для маладняку і адкорму індычкі, а ў непасрэднай блізкасці да Клімавіч размесціцца завод па забоі і перапрацоўцы індычкі. Праект дасць магчымасць стварыць каля 100 новых працоўных месцаў. Пры гэтым разглядаецца магчымасць узвядзення спецыяльнага інтэрната для супрацоўнікаў.

Для літоўскай кампаніі інвеставанне ў Магілёўскую вобласць стартавае. Аднак ужо ёсць станоўчы і выніковы вопыт укладання сродкаў у бізнес на тэрыторыі Сінявокай. Аналагічная вытворчасць мяса індычкі было пачата ў Лідскім раёне ў пачатку 2017 года. «У Беларусі прыемна працаваць, – падкрэсліў Відмантас Кучынскас. – Дамоўленасці выконваюцца своечасова, таму адчуваем сябе тут добра. – Прыемны бонус – існуючыя прэферэнцыі і льготы на пэўных тэрыторыях».

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

14.02.2019 - 14:48 | У Магілёўскай вобласці за мінулыя суткі адбылося два пажары

У Магілёўскай вобласці за мінулыя суткі адбылося два пажары. Пра гэта паведамілі ў цэнтры бяспекі жыццядзейнасці і ўзаемадзеяння з грамадскасцю абласнога ўпраўлення МНС.

12.02.2019 - 13:56 | Прэзідэнт Беларусі Аляксандр Лукашэнка даў згоду на прызначэнне старшынёй Клічаўскага райвыканкама Віктара Рабкаўца

Прэзідэнт Беларусі Аляксандр Лукашэнка 12 лютага разгледзеў кадравыя пытанні.

12.02.2019 - 08:07 | Спартыўная тэма набірае папулярнасць: у Антонаўцы гуляюць у валейбол, у Касцюковічах – у хакей

Зноў адкрылася днямі спартыўная зала ў сацыяльным цэнтры аграгарадка Антонаўка Чавускага раёна. Адкрыццё адзначылася таварыскім валейбольным матчам паміж камандамі жыхароў Антонаўкі і суседняга аграгарадка Каменка. Падчас гульні не пуставалі і глядацкія месцы – 40 балельшчыкаў прыйшлі падтрымаць мясцовых валейбалістаў-аматараў.

07.02.2019 - 09:45 | Увесь люты на пляцоўцы палігона «Асіповіцкі» праводзяцца планавыя падрыўныя работы

Увесь люты ў рабочыя дні з 9.00 да 16.00 на падрыўной пляцоўцы палігона «Асіповіцкі» вайсковай часці 12147 праводзяцца планавыя падрыўныя працы.

07.02.2019 - 09:12 | Рамонтныя работы ў Асіповіцкай СШ №4 плануецца завяршыць да верасня 2019 года

Рамонтныя работы ў Асіповіцкай СШ №4 плануецца завяршыць да верасня 2019 года. Пра гэта паведамілі ў аддзеле адукацыі Асіповіцкага райвыканкама.