Рус Бел Eng 中文

Магілёўскае абласное кадэцкае вучылішча адсвяткавала наваселле

Магілёўскае абласное кадэцкае вучылішча сёння афіцыйна адсвяткавала наваселле, перадае карэспандэнт сайта.

Новую базу навучальная ўстанова атрымала на вуліцы Касманаўтаў. Комплекс былога прафесійнага ліцэя №5 адрамантавалі. Зараз у распараджэнні выкладчыкаў і навучэнцаў 4-павярховы корпус, дзе створаны сучасныя ўмовы для навучальнага і выхаваўчага працэсу. У прасторных кабінетах устаноўлена новая мэбля, мультымедыйнае абсталяванне. Ёсць спартыўная і актавая залы, сталовая на 180 месцаў. Будынак абсталяваны сістэмай відэаназірання. Побач размяшчаецца навучальны пляц і стадыён.

Акрамя таго, значна палепшыліся бытавыя ўмовы, у якіх пражываюць хлопцы. Разам з новым корпусам яны атрымалі асобны інтэрнат, дзе размяшчаюцца ў пакоях па тры чалавекі. Тут абсталявана пральня, памяшканні для падрыхтоўкі і адпачынку, падрыхтоўкі ежы. Дарэчы, раней навучальныя класы і памяшканні для пражывання знаходзіліся ў адным будынку на плошчы Арджанікідзэ, і атрымліваць веды, жыць хлопцам даводзілася ў цесных умовах – у кубрыках па 18-20 чалавек.

«Створанае 16 гадоў таму ў Магілёве вучылішча стала піянерам кадэцкага руху ў краіне, – адзначыў на цырымоніі адкрыцця старшыня Вярхоўнага суда краіны Валянцін Сукала. – Дасягнутыя тут вынікі даюць падставу для яго далейшага ўдасканалення. І невыпадкова наваселле прымеркавана да 7 лістапада, бо свята ў апошнія гады набыло іншае гучанне і сэнс. Гэта-падарункі, новыя магчымасці, адкрыццё значных аб’ектаў» Ён пажадаў кадэтам стаць сапраўднымі грамадзянамі краіны, патрыётамі, абаронцамі Айчыны і ўручыў у падарунак комплекс спартыўных трэнажораў.

З наваселлем калектыў і выхаванцаў вучылішча сёння таксама віншавалі прадстаўнікі выканаўчай улады, Камітэта дзяржбяспекі, УУС, абласнога і эканамічнага судоў, пракуратуры, ваеннага камісарыята, інстытута МУС, вайсковых частак №72471 і №6713, БРСМ, царквы і інш.

Так, намеснік старшыні Магілёўскага аблвыканкама Андрэй Кунцэвіч адзначыў, што адкрыццё корпуса – знакавая вяха ў гісторыі і станаўленні навучальнай установы. У той жа час гэта толькі пачатак вялікай і карпатлівай працы па далейшым удасканаленні і ўладкаванні новай базы размяшчэння вучылішча, у абнаўленне якой за два апошнія гады было накіравана больш за Br1, 5 млн.

Звяртаючыся да кадэтаў, Андрэй Кунцэвіч падкрэсліў: «На вашых плячах пагоны, хай пакуль яшчэ не афіцэрскія, а кадэцкія. А да чалавека ў пагонах у нашым грамадстве ва ўсе часы было не толькі асаблівае стаўленне. На яго ўскладаліся і асаблівыя абавязкі – быць прыкладам для іншых, апорай і абаронай для слабых, быць надзеяй і гонарам сваёй краіны. Заўсёды памятайце пра гэта».

Кіраўніцтву кадэцкага вучылішча ад Магілёўскага аблвыканкама Андрэй Кунцэвіч уручыў сертыфікат на Вг50 тыс. для ўмацавання матэрыяльна-тэхнічнай базы. 

Многія выкладчыкі і навучэнцы падчас урачыстага пастраення атрымалі падзячныя лісты і граматы, а двое выхаванцаў вучылішча – Дзмітрый Сіліч і Дзмітрый Ломжа – нагрудныя знакі грамадскага аб’яднання «Беларускі саюз сувораўцаў і кадэтаў» «За служэнне Радзіме з дзяцінства».

Кадэцкая школа-інтэрнат для дзяцей-сірот і цяжкіх падлеткаў была адкрыта ў Магілёве ў 2002 годзе. А ў 2012-ым атрымала статус кадэцкага вучылішча. З тых часоў змянілася многае: вучыцца тут лічыцца прэстыжным: конкурс у 8-я класы складае больш за 2 чалавекі на месца, а на дабор у дзясятыя – 5-6 прэтэндэнтаў. Традыцыйна выпускнікі паказваюць высокі працэнт паступлення ў сілавыя ВНУ краіны.

Сёння ў вучылішчы займаецца і жыве 150 выхаванцаў ва ўзросце ад 13 да 17 гадоў з Магілёўскай, Віцебскай, Гомельскай, Брэсцкай абласцей. Яны не толькі спасцігаюць школьную праграму, асновы ваеннага мастацтва, рукапашнага бою, харэаграфію, але і адпачываюць, падарожнічаюць па краіне. Кадэты – актыўныя ўдзельнікі акцый, урачыстых мерапрыемстваў, парадаў і конкурсаў, якія праводзяцца ў рэгіёне.

У планах у кіраўніцтва вучылішча – далейшае ўмацаванне і развіццё матэрыяльна-тэхнічнай базы навучальнай установы. Тут маюць намер абсталяваць залы дасягненняў, харэаграфіі, адзінаборстваў, агнявой падрыхтоўкі, трэнажорную залу, а таксама стварыць музейны пакой.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

17.01.2019 - 17:49 | Сучасную сістэму аўтаматычнага кантролю прамысловых выкідаў усталююць на ЗТАА «Омск Карбон Магілёў»

Сучасную сістэму аўтаматычнага кантролю прамысловых выкідаў усталююць на ЗТАА «Омск Карбон Магілёў». Пра гэта паведамілі сёння падчас прэс-канферэнцыі, прысвечанай экалагічнай абстаноўцы на тэрыторыі вобласці, у тым ліку, яе маніторынгу на ўчастку №4 СЭЗ «Магілёў».

16.01.2019 - 16:06 | РЭПАРТАЖ: Вясноўскі дом-інтэрнат: перадавы вопыт індывідуальнага развіцця і адаптацыі дзяцей-інвалідаў

Уключэнне дзяцей з абмежаванымі магчымасцямі здароўя і дзяцей-інвалідаў у жыццё грамадства паступова становіцца магістральнай лініяй сацыяльнага развіцця Беларусі. Распрацавана спецыяльная праграма, галоўная ўвага ў якой надаецца жыццёвай кампетэнцыі такіх дзяцей, здольнасці жыць у нармальных умовах. Значных вынікаў у гэтай працы дамогся Вясноўскі дом-інтэрнат для дзяцей-інвалідаў з асаблівасцямі псіхафізічнага развіцця.

15.01.2019 - 19:37 | У Палацы культуры вобласці прайшло мерапрыемства, прысвечанае 100-годдзю ўтварэння БССР

Урачыстае мерапрыемства, прысвечанае 100-годдзю ўтварэння Беларускай Савецкай Сацыялістычнай Рэспублікі, адбылося сёння ў Палацы культуры вобласці.

15.01.2019 - 10:32 | Галоўная тэма АДІ ў студзені: «Вялікія справы Года малой радзімы: знакавыя падзеі 2018 года»

Адзіны дзень інфармавання, які пройдзе 17 студзеня ў гарадах і раёнах Магілёўшчыны, будзе прысвечаны Году малой радзімы і знакавым падзеям 2018 года. Пра гэта паведамілі ў Галоўным упраўленні ідэалагічнай работы і па справах моладзі аблвыканкама.

14.01.2019 - 10:31 | Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Варонін

Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.