V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Магілёўская абласная арганізацыя БСЖ абвясціла конкурс на самую лепшую публікацыю пра ўборачную

Магілёўская абласная арганізацыя «Беларускі саюз журналістаў» абвясціла конкурс на самую лепшую публікацыю пра ўборачную кампанію, паведаміла старшыня рэгіянальнай структуры БСЖ Святлана Шутава.

«Падобнае творчае спаборніцтва сярод журналістаў мы праводзім другі год запар, – расказала субяседніца. – Журналісты актыўна занятыя на жніве. Яны часта сустракаюць світанак у полі з механізатарамі і нярэдка заканчваюць працоўны дзень далёка пасля заходу сонца. Пішучая брація добра ведае, што такое праца на хлебнай ніве і якой цаной дастаецца агульны каравай. Таму было прынята рашэнне заахвоціць тых, хто расказвае жыхарам рэгіёна аб самай гарачай пары – уборачнай кампаніі».

Прыняць удзел у конкурсе запрашаюць членаў абласной арганізацыі «Беларускі саюз журналістаў». Для гэтага прадстаўнікам СМІ неабходна накіраваць да 20 верасня на электронны адрас mv@mogilev.by інфармацыйнага агенцтва «Магілёўскія ведамасці» альбо поштай (212030, г. Магілёў, вул. Першамайская, д. 89, к. 64, Магілёўская абласная арганізацыя ГА «БСЖ») матэрыялы з паметкай «На конкурс «Жніво-2018» з указаннем сваіх П.І.І. і пасады, кантактнага тэлефона. Ад кожнага аўтара прымаецца не больш за тры публікацыі.

«Артыкулы могуць быць рознымі па жанры і спосабу падачы, – заўважыла Святлана Шутава. – Мы не абмяжоўваем тэматыку толькі людзьмі, якія працуюць у полі. На жніве занятыя розныя службы і арганізацыі, якія дапамагаюць працаўнікам палёў праводзіць ўборачную кампанію якасна і ў аптымальныя тэрміны. Яны таксама заслугоўваюць увагі і могуць стаць героямі рэпартажаў».

Па выніках конкурсу журы, у склад якога ўвойдуць члены прэзідыума абласной арганізацыі БСЖ, выберуць аўтара найлепшай публікацыі, а таксама ўладальнікаў другога і трэцяга месцаў. Пераможцы будуць узнагароджаны грашовымі прэміямі і каштоўнымі падарункамі з уручэннем адпаведных дыпломаў.

Дадатковую інфармацыю можна даведацца па тэлефонах: (8 0222) 32 73 21, 32 71 39.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

18.10.2018 - 14:12 | Васямнаццаць беларускіх мультфільмаў увайшлі ў конкурсную праграму «Анімаёўкі – 2018»

Васямнаццаць беларускіх мультфільмаў увайшлі ў конкурсную праграму ХХІ Міжнароднага фестывалю анімацыйных фільмаў «Анімаёўка – 2018», які пройдзе 26-28 кастрычніка ў Магілёве, паведамілі на прадпрыемстве «Магілёўкінавідэапракат».

17.10.2018 - 13:15 | Ордэн Маці ўручылі шасці шматдзетным жанчынам Магілёўскай вобласці

Урачысты прыём, прысвечаны Дню маці, адбыўся сёння ў Магілёўскім аблвыканкаме. У мерапрыемстве прынялі ўдзел 30 жанчын з гарадоў і раёнаў рэгіёна, якія выхавалі дастойных сыноў і дачок, перадае карэспандэнт сайта.

16.10.2018 - 11:27 | Галоўная тэма АДІ ў кастрычніку – захаванне і развіццё нацыянальнай культуры ў Рэспубліцы Беларусь

Адзіны дзень інфармавання, які пройдзе 18 кастрычніка ў гарадах і раёнах Магілёўскай вобласці, будзе прысвечаны традыцыям беларускага народа, захаванню і развіццю нацыянальнай культуры. Пра гэта карэспандэнту сайта паведамілі ў Галоўным упраўленні ідэалагічнай работы і па справах моладзі аблвыканкама.

15.10.2018 - 11:02 | Агульная сума падпісаных на Форуме рэгіёнаў кантрактаў перавысіла $ 500 млн – Міхаіл Мясніковіч

На V Форуме рэгіёнаў Беларусі і Расіі падпісана кантрактаў на суму больш за $500 млн. Такія даныя ў праграме «Галоўны эфір» на тэлеканале «Беларусь 1» прывёў старшыня Савета Рэспублікі Міхаіл Мясніковіч.

15.10.2018 - 09:32 | Прамую тэлефонную лінію правядзе 20 кастрычніка першы намеснік старшыні Магілёўскага аблвыканкама Алег Чыкіда

Прамую тэлефонную лінію правядзе 20 кастрычніка першы намеснік старшыні Магілёўскага аблвыканкама Алег Іванавіч Чыкіда. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.