Рус Бел Eng 中文

Магілёўскі аблсавет дэпутатаў зацвердзіў выкананне бюджэту-2018

На сесіі Магілёўскага абласнога Савета дэпутатаў зацвердзілі выкананне абласнога бюджэту ў 2018 годзе. Як паведаміў начальнік Галоўнага фінансавага ўпраўлення аблвыканкама Юрый Ільюшчыц, даходная частка бюджэту была першапачаткова вызначана ў памеры Br 1 млрд. 107 млн., а расходная – у аб’ёме Br 1 млрд. 68 млн.

Аднак у працэсе выканання бюджэту вобласці першая з іх узрасла на Br 94 млн., у тым ліку за кошт павелічэння на Br 18 млн. уласных даходаў.

Асноўнымі крыніцамі яго напаўнення сталі адлічэнні ад падаходнага падатку і падатку на дабаўленую вартасць. У даходную частку бюджэту былі залічаны і сродкі ад правядзення ў рэгіёне рэспубліканскага суботніка, а таксама розныя трансферты. Як вынік павялічыліся паступленні на вырашэнне пэўных пытанняў у сацыяльнай сферы і эканамічных задач.

Падчас выканання абласнога бюджэту на Br 135 млн. вырас аб’ём і яго расходнай часткі.

Пры гэтым павялічыліся выдаткі як на сацыяльную, так і на эканамічную сферы народна-гаспадарчага комплексу рэгіёна. 27% выдаткаў абласнога бюджэту было накіравана ў мінулым годзе ў сацыяльную сферу Магілёўшчыны.

mogilevnews.by

Пры выкарыстанні матэрыялаў актыўная гіперспасылка на mogilev-region.gov.by абавязковая