V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Магілёўскі дзяржаўны ўніверсітэт харчавання стаў удзельнікам адзінага рэспубліканскага вучэбна-навукова-вытворчага тэхналагічнага кластара

Магілёўскі дзяржаўны ўніверсітэт харчавання, Беларускі дзяржаўны тэхналагічны ўніверсітэт і Віцебскі дзяржаўны тэхналагічны ўніверсітэт падпісалі дагавор аб стварэнні адзінага рэспубліканскага вучэбна-навукова-вытворчага тэхналагічнага кластара. Свае подпісы пад дакументамі паставілі рэктары ВНУ Максім Кіркор, Ігар Войтаў і Андрэй Кузняцоў.

Мэтай стварэння кластара з’яўляецца фарміраванне інавацыйных падыходаў да тэхналагічнай адукацыі і забеспячэнне практычнага іх выкарыстання пры падрыхтоўцы інжынерных кадраў. Пры гэтым удзельнікі кластара захоўваюць сваю юрыдычную самастойнасць.

У рамках дагавора прадугледжваецца інтэграцыя рэсурсаў устаноў адукацыі, правядзенне сумесных мерапрыемстваў па абмене вопытам і вынікамі работ у інавацыйнай, навукова-тэхнічнай і адукацыйнай сферах дзейнасці. Акрамя таго, будуць ажыццяўляцца фундаментальныя і прыкладныя даследаванні ў інавацыйнай, навукова-тэхнічнай і адукацыйнай сферах дзейнасці кластара, уключаючы патэнтавую дзейнасць і трансфер тэхналогій, навукова-метадычнае суправаджэнне праектаў і экспертную дзейнасць.

Запланавана рэалізацыя сумесных адукацыйных праграм падрыхтоўкі кадраў вышэйшай кваліфікацыі і дадатковай адукацыі дарослых з прыцягненнем спецыялістаў. Сумесныя мерапрыемствы ўключаць у сябе сімпозіумы, семінары, канферэнцыі, круглыя сталы, курсы павышэння кваліфікацыі і прафесійнай перападрыхтоўкі, майстар-класы, прафстажыроўкі, рэалізацыю сумесных навукова-даследчых праектаў і сеткавага (модульнага) навучання студэнтаў па адукацыйных праграмах вышэйшай адукацыі.

У якасці першачарговых крокаў супрацоўніцтва будзе сфарміравана рабочая група для выпрацоўкі прапаноў па стварэнні сумеснай галіновай навукова-вытворчай лабараторыі па палімерных кампазіцыйных матэрыялах. У яе, акрамя ўніверсітэтаў, прапануецца ўключыць ААТ «Гродна-Азот», ААТ «Магілёўхімвалакно» і шэраг іншых прадпрыемстваў хімічнай галіны. У адукацыйнай сферы будуць прыняты меры па распрацоўцы сумесных праграм бакалаўрыяту і магістратуры па аўтаматызацыі, машынам і апаратам, нафтахіміі, біятэхналогіях, інфармацыйных тэхналогіях, дызайне і іншых напрамках. У галіне арганізацыі курсаў павышэння кваліфікацыі па нанаматэрыялах плануецца развіццё супрацоўніцтва з карпарацыяй «Раснана».

Фота – Беларускі дзяржаўны тэхналагічны ўніверсітэт

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

20.09.2018 - 15:18 | У Магілёўскай вобласці працуе 10 дамоў сезоннага пражывання

У Магілёўскай вобласці працуе 10 дамоў сумеснага сезоннага пражывання для людзей сталага ўзросту, якія трапілі ў цяжкую жыццёвую сітуацыю.

19.09.2018 - 15:38 | Паветраныя шары з выявай галубоў міру і імён абаронцаў Айчыны запусцяць 21 верасня ў неба над Магілёвам

Паветраныя шары з выявай галубоў і імён абаронцаў Айчыны запусцяць у неба над Магілёвам.

19.09.2018 - 09:39 | За 8 месяцаў 2018 гадоў ў Магілёўскай вобласці адбылося 483 пажары, якія забралі жыцці 44 чалавек

За 8 месяцаў 2018 гадоў ў Магілёўскай вобласці адбылося 483 пажары, якія забралі жыцці 44 чалавек, у тым ліку 3 дзяцей.

18.09.2018 - 11:09 | Комплекс мерапрыемстваў па прапагандзе выкарыстання флікераў праводзіць 21-30 верасня Дзяржаўтаінспекцыя Магілёўскай вобласці

Комплекс прафілактычных мерапрыемстваў па прапагандзе выкарыстання флікераў сярод пешаходаў, веласіпедыстаў і возчыкаў праводзіць 21-30 верасня Дзяржаўтаінспекцыя рэгіёна. Пра гэта паведаміла інспектар ААіП ДАІ УУС Магілёўскага аблвыканкама Юлія Халамеева.

18.09.2018 - 10:51 | За выхадныя ў лясах вобласці заблудзіліся 4 чалавекі: грыбнік з Магілёва знойдзены мёртвым, а 72-гадовую пенсіянерку з Горацкага раёна працягваюць шукаць

У выхадныя дні ў Магілёўскай вобласці сталі значна больш частымі паведамленні пра грыбнікоў і ягаднікаў, якія заблукалі ў лесе. Усяго з пятніцы зарэгістраваны 4 такія факты, якія мелі месца ў Чавускім, Горацкім і Шклоўскім раёнах.