Рус Бел Eng 中文

Мемарандумам аб сумеснай дзейнасці падпісалі ААТ «Магілёўліфтмаш» і маскоўскае АТ «Воздухотехника»

Беларуска-расійская вытворчасць ліфтаў пачнецца ў Маскве ў 2018 годзе. Гэта прадугледжана мемарандумам аб сумеснай дзейнасці, які падпісалі сёння ў пасольстве Беларусі ў Расіі ААТ «Магілёўліфтмаш» і маскоўскае АТ «Воздухотехника».

Як адзначыў на цырымоніі падпісання намеснік генеральнага дырэктара «Магілёўліфтмаша» Сяргей Чарткоў, прадпрыемства даўно прысутнічае на расійскім рынку, займаючы тут адну з лідзіруючых пазіцый у галіне. Паводле яго слоў, бакі дамовіліся паэтапна рухацца ад вытворчай кааперацыі да стварэння ў расійскай сталіцы сумеснага прадпрыемства па выпуску ліфтаў.

Генеральны дырэктар АТ «Воздухотехника» Алег Сідараў растлумачыў, што гэта прадпрыемства з’яўляецца структурным падраздзяленнем будаўнічага комплексу Масквы. У яго ўжо ёсць вопыт супрацоўніцтва з магілёўскім заводам «Электрарухавік». «Падпісаны мемарандум стане новым крокам у развіцці нашага прадпрыемства», – сказаў Алег Сідараў.

Добрым прыкладам інтэграцыйнага супрацоўніцтва назваў мемарандум саветнік-пасланец пасольства Беларусі ў Расіі Уладзімір Сцяпук. «Сімвалічна, што падпісанне адбылося напярэдадні важных міждзяржаўных мерапрыемстваў – Савета Міністраў Саюзнай дзяржавы і Вышэйшага дзяржсавета. Упэўнены, што да Форуму рэгіёнаў Беларусі і Расіі, які пройдзе восенню ў Магілёве, мы зможам прадэманстраваць новы сумесны прадукт», – падкрэсліў дыпламат.

Планаваная магутнасць беларуска-расійскай вытворчасці ў Маскве – да 10 тыс. ліфтаў у год. Тут мяркуецца таксама выпуск новага прадукту з ужываннем сучаснай кампанентнай базы – безрэдуктарных лябёдак, сістэм тэлеметрыі, табло індыкацыі.

У 2017 годзе ў Расіі было ўстаноўлена звыш 40 тыс. ліфтаў. За апошнія пяць гадоў гэтая лічба ўзрасла на 15%. Прычым практычна 90% складаюць ліфты расійскай і беларускай вытворчасці. Да 2020 года ў адпаведнасці з патрабаваннямі тэхнічнага рэгламенту Еўразійскага эканамічнага саюза ў Расіі павінна быць цалкам заменена састарэлае ліфтавае абсталяванне. Акрамя таго, чакаецца значнае павелічэнне попыту на ліфты ў сувязі з рэалізацыяй у Маскве праграмы рэнавацыі жылля.

 

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "эканоміка і бізнес":

17.01.2019 - 10:23 | Камітэт дзяржкантролю Магілёўскай вобласці разгледзеў эфектыўнасць работы малакаперапрацоўчых арганізацый рэгіёна

На пасяджэнні калегіі Камітэта дзяржкантролю Магілёўскай вобласці разгледжана эфектыўнасць работы малакаперапрацоўчых арганізацый рэгіёна. Пра гэта карэспандэнту сайта паведаміў першы намеснік старшыні ведамства Юрый Фралоў.

14.01.2019 - 14:16 | Першае беларуска-венгерскае сельгаспрадпрыемства створаць у Магілёўскай вобласці
14.01.2019 - 14:13 | КДК Магілёўскай вобласці выявіў парушэнні ў дзейнасці БФСТ «Дынама»
09.01.2019 - 10:59 | Прадпрыемствы Магілёўскай вобласці прапануюць мэблю і прадукцыю дрэваапрацоўкі на выставе ў Германіі

Прадпрыемствы Магілёўскай вобласці ў складзе адзінай беларускай экспазіцыі прадставяць мэблю і прадукцыю дрэваапрацоўкі на выставе ў Кёльне (Германія) падчас Міжнароднай мэблевай выставы IMM Cologne 14-20 студзеня.

04.01.2019 - 14:47 | Парушэнні пры правядзенні закупак наносяць шкоду бюджэту – КДК Магілёўскай вобласці

Камітэт дзяржкантролю Магілёўскай вобласці падчас праверкі аддзела адукацыі, спорту і турызму адміністрацыі Кастрычніцкага раёна Магілёва выявіў шматлікія парушэнні пры ажыццяўленні дзяржаўных закупак прадуктаў харчавання, што прывяло да перарасходу бюджэтных сродкаў.