На сайте проводятся технические работы. Возможны перебои в работе сайта.

Приносим извинения за доставленные неудобства.

Рус Бел Eng 中文

Міліцыя Магілёўскай вобласці пераходзіць на ўзмоцнены варыянт нясення службы ў сувязі з правядзеннем выбараў у мясцовыя Саветы дэпутатаў

З пачатку выбарчай кампаніі ва ўсіх структурных падраздзяленнях органаў і падраздзяленнях унутраных спраў Магілёўскай вобласці наладжана цеснае ўзаемадзеянне з выбаркамамі розных узроўняў, а таксама з мясцовымі выканаўчымі органамі і іншымі зацікаўленымі. Пра гэта паведаміў намеснік начальніка ўпраўлення аховы правапарадку і прафілактыкі УУС аблвыканкама падпалкоўнік міліцыі Дзмітрый Паркоў.

Пры ўдзеле органаў унутраных спраў абследаваны ўсе 750 выбарчых участкаў, створаных на тэрыторыі рэгіёна. Асаблівая ўвага нададзена падрыхтоўцы памяшканняў для галасавання ва ўстановах крымінальна-выканаўчай сістэмы і спецыяльных установах міліцыі.

«З сённяшняга дня будзе арганізавана кругласутачная праца аператыўна-сітуацыйных штабоў на розных узроўнях, асабісты састаў пераводзіцца на ўзмоцнены варыянт нясення службы, – адзначыў суразмоўца. – Для своечасовага спынення парушэнняў заканадаўства аб выбарах і масавых мерапрыемствах УУС і тэрытарыяльнымі АУС вобласці прымаюцца меры, накіраваныя на падтрыманне правапарадку на замацаванай тэрыторыі».

Супрацоўнікі органаў унутраных спраў будуць несці службу на выбарчых участках кругласутачна. У сваю чаргу, УДАІ УУС ў гэты перыяд арганізуе 24-гадзіннае дзяжурства нарадаў дарожна-патрульнай службы. На час датэрміновага галасавання і ў асноўны дзень выбараў – 18 лютага – па рашэнні МУС прадугледжаны дадатковыя меры па ахове грамадскага парадку.

На сённяшні дзень фактараў, якія маглі б аказаць негатыўны ўплыў на правядзенне выбараў, у Магілёўскай вобласці не зафіксавана, падкрэсліў Дзмітрый Паркоў. Большасць супрацоўнікаў мае дастатковыя веды і вопыт, атрыманыя ў ходзе забеспячэння правапарадку падчас папярэдніх выбарчых кампаній, што дазволіць правесці значную грамадска-палітычную падзею ў штатным рэжыме.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

18.02.2019 - 13:40 | У Магілёўскай вобласці за тры дні 470 пешаходаў прыцягнута да адказнасці

У Магілёўскай вобласці 15-17 лютага падчас прафілактычнай акцыі «Зробім дарогу бяспечнай!» 470 пешаходаў прыцягнута да адміністрацыйнай адказнасці за парушэнне правілаў, паведамілі ва ўпраўленні ДАІ УУС аблвыканкама.

18.02.2019 - 13:33 | Будаўніцтва галоўнага каналізацыйнага калектара Магілёва ўступіла ў завяршальную стадыю

Будаўніцтва галоўнага каналізацыйнага калектара Магілёва ўступіла ў завяршальную стадыю. Гатоўнасць аб’екта складае ўжо 93%. Яго маюць намер увесці ў 2019 годзе, паведаміла намеснік дырэктара прадпрыемства «Магілёўаблводаканал» Ірына Красуцкая.

15.02.2019 - 15:51 | Мітынг у Магілёве: афганская вайна застанецца сведчаннем найвышэйшай доблесці і гонару – Дзмітрый Харытончык

Афганская вайна ніколі не будзе выкраслена з народнай памяці і застанецца сведчаннем найвышэйшай доблесці і гонару. На гэта звярнуў увагу, выступаючы сёння на мітынгу, прысвечаным 30-годдзю вываду савецкіх войскаў з Афганістана, старшыня Магілёўскага абласнога Савета дэпутатаў Дзмітрый Харытончык.

15.02.2019 - 09:44 | Заслужаным работнікам АПК Магілёўскай вобласці ўручылі юбілейныя медалі і падарункі

У Магілёўскім аблвыканкаме сёння адбылося ўрачыстае ўшанаванне заслужаных работнікаў АПК рэгіёна.

14.02.2019 - 14:09 | У Магілёўскай вобласці пражывае больш за 3 тыс. ветэранаў баявых дзеянняў у Афганістане

У Магілёўскай вобласці пражывае больш за 3 тыс. ветэранаў баявых дзеянняў у Афганістане, у тым ліку 48 інвалідаў вайны і 51 член сем’яў вайскоўцаў, якія загінулі пры выкананні воінскага і службовага абавязку ў далёкай краіне.