Рус Бел Eng 中文

На расчыстцы снегу ў Магілёўскай вобласці задзейнічаны дарожнікі і камунальнікі

На Магілёўшчыне прыбіраюць наступствы начнога снегападу. Толькі ў абласным цэнтры за мінулую ноч выпала 14 см снегу, што складае чвэрць месячнай нормы, паведамілі ў аблгідрамеце.

На расчыстцы дарог занята 36 адзінак тэхнікі гарадскога дарожна-маставога прадпрыемства. Прыбіраюць снег на цэнтральных вуліцах, працягваюцца работы ў дварах. Да дарожнікаў далучыліся камунальнікі і калектывы арганізацый.

У цэлым сітуацыю нельга назваць надзвычайнай, пракаментавалі спецыялісты ДМП. Графік руху гарадскога транспарту не парушаны. Усе службы працуюць ва ўзмоцненым рэжыме.

Па матэрыяле ТРК «Магілёў»

Пры выкарыстанні матэрыялаў актыўная гіперспасылка на mogilev-region.gov.by абавязковая