Рус Бел Eng 中文

Народны фотаконкурс «Радзіма» абвясціў Моладзевы савет Федэрацыі прафсаюзаў Беларусі

Народны фотаконкурс «Радзіма» абвясціў Моладзевы савет Федэрацыі прафсаюзаў Беларусі. Да ўдзелу ў спаборніцтве, прысвечаным Году малой радзімы, запрашаюцца ўсе члены прафсаюза без узроставых абмежаванняў. Фатаграфіі, прыдатныя пад адну з трох намінацый, – пейзажныя замалёўкі, традыцыі і побыт, чалавек працы – могуць даслаць як прафесійныя фатографы, так і аматары. Заяўкі на ўдзел у конкурсе будуць прымацца да 1 кастрычніка 2018 года.

«У 2016 годзе наш фотаконкурс «Я=Беларусь» хутка здабыў папулярнасць і сабраў больш за 8 тысяч фотаздымкаў. У гэтым годзе па шматлікіх просьбах мы вырашылі правесці падобны фотаконкурс і прысвяціць яго малым гарадам нашай краіны», – сказаў начальнік упраўлення па распрацоўцы і рэалізацыі спецыяльных праектаў галоўнага ўпраўлення па культуры і грамадскай рабоце Федэрацыі прафсаюзаў Беларусі Сяргей Камадзей.

Пераможцаў фотаконкурсу дапаможа вызначыць кампетэнтнае журы, а таксама анлайн-галасаванне. З найлепшых работ будзе арганізавана выстава, якую восенню прадставяць падчас гала-канцэрта народна-патрыятычнай акцыі ФПБ «Мы – разам!» у Мінску. Пазней яна пабывае ва ўсіх абласных цэнтрах краіны. Таксама па выніках конкурсу «Радзіма» будзе выдадзены альбом з найлепшымі здымкамі ўдзельнікаў.

З Палажэннем конкурсу можна азнаёміцца на інфармацыйным партале Федэрацыі прафсаюзаў Беларусі.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

17.01.2019 - 11:16 | На кальцы вакол аркі ў Магілёве ўсталююць святлафорнае рэгуляванне

На кальцы вакол аркі па Мінскай шашы ў Магілёве ўсталююць святлафорнае рэгуляванне да Дня горада. Дэталі праекта агучылі на планёрцы гарвыканкама.

17.01.2019 - 11:05 | Яслі-сад №116 горада Магілёва атрымаў новы статус

Яслі-сад №116 Магілёва атрымаў новы статус. Па рашэнні гарвыканкама ўстанова адукацыі перайменавана ў Дашкольны цэнтр развіцця дзіцяці №8.

17.01.2019 - 10:51 | У Магілёве штодня прыбіраюць 1,5 тыс. кубаметраў снегу

Камунальныя службы Магілёва штодня вывозяць 1,5 тыс. кубаметраў снегу ў месцы часовага складавання. У абласным цэнтры іх чатыры.

17.01.2019 - 10:45 | Восьмая сесія Магілёўскага абласнога Савета дэпутатаў адбудзецца 22 студзеня

Прэзідыум Магілёўскага абласнога Савета дэпутатаў склікае пазачарговую восьмую сесію 22 студзеня. Пасяджэнне пачнецца ў 10.00 у канферэнц-зале Дома Саветаў.

16.01.2019 - 13:45 | Аўтапарк падраздзяленняў Магілёўскага абласнога ўпраўлення Дэпартамента аховы МУС папоўніцца новымі машынамі

Аўтапарк падраздзяленняў Магілёўскага абласнога ўпраўлення Дэпартамента аховы МУС 17 студзеня папоўніцца 14 новымі машынамі.