На сайте проводятся технические работы. Возможны перебои в работе сайта.

Приносим извинения за доставленные неудобства.

Рус Бел Eng 中文

Народнымі абрадамі і спальваннем чучала Зімы сустрэнуць Масленіцу магіляўчане

Народнымі абрадамі і спальваннем чучала Зімы сустрэнуць магіляўчане 17 лютага Масленіцу. Масавыя гулянні пройдуць у скверы 40-годдзя Перамогі, паведаміла карэспандэнту сайта загадчык сектара культуры аддзела ідэалагічнай работы, культуры і па справах моладзі гарвыканкама Алена Мяжэніна.

Святочны настрой на цэнтральнай сцэне з 12.00 пачне ствараць Магілёўскі дзяржаўны каледж мастацтваў. Установа адукацыі падрыхтавала насычаную чатырохгадзінную праграму. Тут можна будзе не толькі паслухаць музычныя кампазіцыі ў выкананні навучэнцаў каледжа, але і стаць удзельнікамі тэатралізаванага прадстаўлення з абрадавымі элементамі.

Цікавай праграмай абяцае здзівіць пляцоўка «Прастаквашына», дзе размесцяцца інтэрактыўныя зоны: «Кулінарны кракадзіл», «Адгадай-ка», «Кухня». Зрабіць здымак на памяць можна будзе ў арт-інсталяцыі «Кулінарная вясна» або ў фотабудцы. Прычым фатаграфіі з апошняй жадаючым прапануюць спампаваць з сайта арганізатараў. Таксама чакаецца прэзентацыя і бясплатная дэгустацыя ласункаў. Пачастункі дапоўніць займальная гульнявая праграма для дзяцей і дарослых. Удзельнікаў чакаюць прызы і прыемныя сюрпрызы.

Не абыдзецца без румяных бліноў і страў нацыянальнай кухні. Іх можна будзе набыць у гандлёвых кропках па даступныхцэнах. Падчас свята запланаваны выстаўка-продаж вырабаў рамеснікаў, карагоды, конкурсы і розныя забавы.

Завершацца гулянні традыцыйным спальваннем 2,5-метровага чучала Зімы. «Яно стане ўвасабленнем ўсіх нячысцікаў і негатыўных эмоцый, назапашаных за год, – заключыла Алена Мяжэніна. – Спальваючы чучала, мы пазбаўляемся ад усяго дрэннага, даём дарогу добраму і светламу, абуджэнню прыроды ад зімовага сну».

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "культура":

18.02.2019 - 16:22 | Акцёры з Магілёва і Гомеля сыграюць спектакль «Брацікі» на сцэне абласнога драмтэатра

Камедыю «Брацікі» ў абноўленым складзе прадставяць 28 лютага на сцэне Магілёўскага абласнога драматычнага тэатра. Пра гэта паведамілі ва ўстанове культуры.

18.02.2019 - 12:00 | Сустрэча з рэжысёрам спектакля «Жоўты пясочак» Камілёй Хусаінавай адбудзецца 20 лютага ў Магілёве

У Магілёве 20 лютага адбудзецца незвычайная лекцыя з рэжысёрам спектакля «Жоўты пясочак» Камілёй Хусаінавай. Пра гэта паведамілі ў цэнтры гарадскіх ініцыятыў.

13.02.2019 - 15:04 | У Магілёве збіраюць кнігі для абласной дзіцячай бальніцы

У Магілёве праходзіць акцыя па зборы кніг для абласной дзіцячай бальніцы. Ініцыятыва прымеркавана да Міжнароднага дня кнігадарэння, які адзначаюць 14 лютага, паведамілі карэспандэнту сайта арганізатары мерапрыемства.

13.02.2019 - 14:25 | Галоўны рэжысёр Магілёўскага абласнога метадычнага цэнтра Наталля Маісеева стала «Чалавекам года ў сферы культуры» ў намінацыі «Клубная дзейнасць»

Галоўны рэжысёр Магілёўскага абласнога метадычнага цэнтра народнай творчасці і культурна-асветнай працы Наталля Маісеева стала пераможцай конкурсу «Чалавек года ў сферы культуры» ў намінацыі «Клубная дзейнасць». Пра гэта паведамляецца на сайце ўстановы культуры.

13.02.2019 - 11:14 | Кінапаказы «Афганскі залом: праз 30 гадоў» адбудуцца ў лютым у кінатэатрах Магілёва

Кінапаказы «Афганскі залом: праз 30 гадоў» адбудуцца ў лютым у кінатэатрах абласнога цэнтра. Пра гэта паведамілі ў Магілёўскім дзяржаўным прадпрыемстве «Кінавідэапракат».