V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Навагодні паказ «Папет show: Прывітанне! Банжур! Hello!» падарылі асаблівым дзецям Магілёўскай вобласці артысты тэатра лялек

Каля 150 дзяцей-інвалідаў, дзяцей з асаблівасцямі псіха-фізічнага развіцця, якія навучаюцца ў цэнтрах карэкцыйна-развіваючага навучання і рэабілітацыі рэгіёна, прыняло ўдзел у навагоднім свяце, якое прайшло сёння ў абласным тэатры лялек. Мерапрыемства адбылося ў рамках дабрачыннага марафону «Сагрэем дзіцячыя сэрцы», арганізаванага Магілёўскім абласным аддзяленнем РГА «Беларускі дзіцячы фонд» пры падтрымцы Магілёўскага аблвыканкама.

Артысты тэатра парадавалі дзяцей навагодняй прэм’ерай «Папет show: Прывітанне! Банжур! Hello!». У яркім, маляўнічым лялечна-цыркавым шоу былі выкарыстаны папулярныя музычныя кампазіцыі і задзейнічаны розныя сістэмы лялек. Спектакль складаўся з асобных нумароў-кліпаў, у кожным з якіх добра вядомыя эстрадныя і цыркавыя вобразы атрымлівалі сваё лялечнае ўвасабленне. У працяг свята каля ёлкі адбылося шоу з удзелам Дзеда Мароза і Снягуркі. Дзецям уручылі салодкія падарункі, набытыя Магілёўскім ГА РГА «Беларускі дзіцячы фонд».

Маштабны дабрачынны абласны марафон «Сагрэем дзіцячыя сэрцы» праводзіцца ў рэгіёне шосты раз. «Дзіцячыя дамы і інтэрнатныя ўстановы знаходзяцца на дзяржаўным фінансаванні, для многіх арганізацый і прыватных асоб ужо стала добрай традыцыяй аказваць ім пасільную дапамогу, – адзначыла дырэктар Магілёўскага абласнога аддзялення РГА «Беларускі дзіцячы фонд» Ірына Фісюк. – Аднак у нашым грамадстве ёсць вялікая катэгорыя дзяцей, якія знаходзяцца ў вельмі складанай сітуацыі, бо практычна не атрымліваюць дапамогі ў выглядзе прыватных ахвяраванняў. Пры гэтым іх матэрыяльнае становішча часта нашмат горшае, чым у дзяцей, якія знаходзяцца на дзяржзабеспячэнні».

Марафон, які працягнецца да 31 студзеня 2018 года, уключае цэлы комплекс мерапрыемстваў. Адным з іх стаў аднайменны тэлемарафон. «Тры гады таму нашу ініцыятыву падтрымала ТРК «Магілёў». Цяпер сумесны праект стаў неад’емнай часткай рэгіянальнай акцыі»,– падкрэсліла Ірына Фісюк. У гэтым годзе 13 снежня ў шасцігадзінным тэлемарафоне гасцямі студыі сталі каля 40 чалавек. Сярод іх – прадстаўнікі прадпрыемстваў, арганізацый, дэпутаты, бізнесмены, валанцёры. «Усе гэтыя людзі і калектывы, якія стаяць за імі, падтрымалі ідэю акцыі, зрабілі грашовыя ахвяраванні, падрыхтавалі значныя падарункі. Таксама на дабрачынны рахунак фонду па спецыяльных тэлефонных нумарах сродкі пералічвалі прыватныя асобы», – удакладніла Ірына Фісюк. Усяго было сабрана каля Br40 тыс.

У цэлым, паводле слоў суразмоўцы, з пачатку снежня, дзякуючы неабыякавым, ужо акумулявана больш Br50 тыс. Сродкі плануюць накіраваць на абсталяванне сэнсарных пакояў у Мсціслаўскім раённым цэнтры карэкцыйна-развіваючага навучання і рэабілітацыі, дапаможнай школе горада Магілёва. Асноўная частка грошай пойдзе на адрасную дапамогу дзецям-інвалідам і хворым дзецям.

Прыняць удзел у марафоне можа любы жадаючы, арганізаваўшы ўласную акцыю для дзяцей або пералічыўшы сродкі на дабрачынны рахунак Магілёўскага абласнога аддзялення РГА «Беларускі дзіцячы фонд».

Р/р BY45BLBB30150700038162001001 у дырэкцыі ААТ «Белінвестбанк» па Магілёўскай вобласці BIC BLBBBY2X, УНП 700038162 КОД 739, ОКПО 05809574, АРІП BY25BLBB31350700038162001002 з паметкай «МАРАФОН», e-mail: bdf.m@mail.ru, (8-0222) 73 -75-73, http://bdf.mogilev.by.

«Спадзяёмся, да добрай справы падключацца ўсе неабыякавыя жыхары рэгіёна. Сумеснымі намаганнямі мы зможам падарыць простую радасць навагодняга свята тым, хто пазбаўлены яе ў звычайным жыцці, – сказала Ірына Фісюк. – За званок па гарадскім нумары 8 902 215 1111 велічыня ахвяравання складзе Br3. Абаненты МТС могуць набраць * 222 * 5 #, і з іх рахунка спішацца Br2,04. Такі маленькі ўклад кожнага стане вялікай дапамогай у жыцці дзяцей, якія маюць патрэбу ў падтрымцы».

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

18.10.2018 - 14:12 | Васямнаццаць беларускіх мультфільмаў увайшлі ў конкурсную праграму «Анімаёўкі – 2018»

Васямнаццаць беларускіх мультфільмаў увайшлі ў конкурсную праграму ХХІ Міжнароднага фестывалю анімацыйных фільмаў «Анімаёўка – 2018», які пройдзе 26-28 кастрычніка ў Магілёве, паведамілі на прадпрыемстве «Магілёўкінавідэапракат».

17.10.2018 - 13:15 | Ордэн Маці ўручылі шасці шматдзетным жанчынам Магілёўскай вобласці

Урачысты прыём, прысвечаны Дню маці, адбыўся сёння ў Магілёўскім аблвыканкаме. У мерапрыемстве прынялі ўдзел 30 жанчын з гарадоў і раёнаў рэгіёна, якія выхавалі дастойных сыноў і дачок, перадае карэспандэнт сайта.

16.10.2018 - 11:27 | Галоўная тэма АДІ ў кастрычніку – захаванне і развіццё нацыянальнай культуры ў Рэспубліцы Беларусь

Адзіны дзень інфармавання, які пройдзе 18 кастрычніка ў гарадах і раёнах Магілёўскай вобласці, будзе прысвечаны традыцыям беларускага народа, захаванню і развіццю нацыянальнай культуры. Пра гэта карэспандэнту сайта паведамілі ў Галоўным упраўленні ідэалагічнай работы і па справах моладзі аблвыканкама.

15.10.2018 - 11:02 | Агульная сума падпісаных на Форуме рэгіёнаў кантрактаў перавысіла $ 500 млн – Міхаіл Мясніковіч

На V Форуме рэгіёнаў Беларусі і Расіі падпісана кантрактаў на суму больш за $500 млн. Такія даныя ў праграме «Галоўны эфір» на тэлеканале «Беларусь 1» прывёў старшыня Савета Рэспублікі Міхаіл Мясніковіч.

15.10.2018 - 09:32 | Прамую тэлефонную лінію правядзе 20 кастрычніка першы намеснік старшыні Магілёўскага аблвыканкама Алег Чыкіда

Прамую тэлефонную лінію правядзе 20 кастрычніка першы намеснік старшыні Магілёўскага аблвыканкама Алег Іванавіч Чыкіда. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.