Рус Бел Eng 中文

Найлепшых аграрыяў Магілёўскай вобласці ўшаноўвалі на свяце «Купалле»

У аграгарадку Александрыя Шклоўскага раёна падчас свята «Купалле» («Александрыя збірае сяброў») сёння прайшла ўрачыстая цырымонія ўшанавання перадавікоў аграпрамысловага комплексу Магілёўскай вобласці.

Старшыня Магілёўскага аблвыканкама Уладзімір Даманеўскі цёпла павіншаваў працаўнікоў сяла са святам. «Ужо стала добрай традыцыяй праводзіць цырымонію ўзнагароджання найлепшых аграрыяў падчас найбуйнейшага фестывалю «Александрыя збірае сяброў». Гэта сведчыць пра тое, што ваша адказная і нялёгкая праца заўсёды карыстаецца асаблівай пашанай і павагай. Сфера, у якой вы працуеце, застаецца адной з найважнейшых як для эканомікі рэгіёна, так і для дабрабыту ўсіх жыхароў Прыдняпроўскага краю і краіны», – сказаў ён.

Мінулы год выдаўся вельмі насычаным і напружаным, – адзначыў губернатар. У 2017 годзе вобласць атрымала хай не рэкордны, але з улікам умоў надвор’я годны намалот збожжавых і зернебабовых культур, аграрыі вырасцілі добры ўраджай рапсу, цукровых буракоў, ільну-даўгунцу, бульбы, кукурузы, гародніны, грамадскую жывёлагадоўлю забяспечылі травянымі кармамі. У аграпрамысловым комплексе вобласці створана добрая матэрыяльна-тэхнічная база, якая дазваляе істотна павысіць эфектыўнасць вытворчасці сельскагаспадарчай прадукцыі.

Аграрыі рэгіёна не спыняюцца на дасягнутым, імкнуцца рэалізаваць свой патэнцыял, пастаянна шукаюць новыя падыходы і формы гаспадарання на сяле, больш эфектыўна выкарыстоўваюць сельскагаспадарчыя землі, – звярнуў увагу Уладзімір Даманеўскі. – Як вынік, у вобласці павялічылася колькасць раёнаў і гаспадарак, якія дасягнулі ўраджайнасці ў 50-70 і вышэй ц/га». У гэтым годзе, нягледзячы на познюю вясну, дажджлівае лета, сельскагаспадарчымі арганізацыямі вобласці на 1 ліпеня ўжо нарыхтавана 359 т кармавых адзінак травяністых кармоў – гэта больш за 9 ц кармавых адзінак у разліку на ўмоўную галаву жывёлы, прывёў лічбы губернатар.

«Рэальных вынікаў тут дамагаецца толькі той, хто любіць сваю справу ўсёй душой і гатовы кожны дзень працаваць ад відна да відна. Менавіта такія людзі працуюць у сельскагаспадарчай галіне Магілёўскай вобласці, і сёння яны прысутнічаюць на цырымоніі ўзнагароджання», – падкрэсліў Уладзімір Даманеўскі.

Найлепшым аграрыям былі ўручаны ганаровыя граматы аблвыканкама, дыпломы і грашовыя прэміі. Некаторыя былі адзначаны ганаровымі граматамі і падзякамі Міністэрства сельскай гаспадаркі, Рэспубліканскага камітэта Беларускага прафсаюза работнікаў АПК.

Музычным падарункам аграрыям стаў канцэрт Сяргея Трафімава– папулярнага расійскага аўтара-выканаўцы.

Тэкст – БЕЛТА

Фотаздымкі - mogilevnews.by
 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

14.02.2019 - 11:34 | Магілёўская вобласць адзначае 30-годдзе вываду савецкіх войскаў з Афганістана

Магілёўская вобласць адзначае 30-годдзе вываду савецкіх войскаў з Афганістана. Стартам святкаванняў памятнай даты стала дваццаць першая міжрэгіянальная сустрэча воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў, якая адбылася 8 лютага на базе прафесійнага агралесатэхнічнага каледжа імя К. П. Арлоўскага ў Буйнічах.

13.02.2019 - 10:59 | У Магілёве 15 лютага адбудзецца пасяджэнне Сумеснага Прэзідыума цэнтральных саветаў ДТСААФ Беларусі і Расіі

У Магілёве 15 лютага адбудзецца пасяджэнне Сумеснага Прэзідыума цэнтральных саветаў ДТСААФ Беларусі і Расіі. Мерапрыемства пачнецца ў 11.00 у канферэнц-зале гасцініцы «Турыст».

12.02.2019 - 21:46 | На ўмацаванне матэрыяльна-тэхнічнай базы ўстаноў аховы здароўя Магілёўскай вобласці ў 2018 годзе накіравана больш за Br24 млн.

На ўмацаванне матэрыяльна-тэхнічнай базы ўстаноў аховы здароўя Магілёўскай вобласці ў 2018 годзе накіравана больш за Br24 млн. Пра гэта паведаміў сёння на выніковай калегіі галоўнага ўпраўлення па ахове здароўя аблвыканкама яго начальнік Аляксандр Жылін, перадае карэспандэнт сайта.

12.02.2019 - 17:00 | Аб прыярытэтах рэгіянальнай сацыяльнай палітыкі ішла гаворка на пасяджэнні калегіі камітэта па працы, занятасці і сацыяльнай абароне Магілёўскага аблвыканкама

Аб прыярытэтах рэгіянальнай сацыяльнай палітыкі ішла размова на пасяджэнні калегіі камітэта па працы, занятасці і сацыяльнай абароне Магілёўскага аблвыканкама, якое адбылося сёння ў канферэнц-зале абласнога ўпраўлення Фонду сацыяльнай абароны насельніцтва Беларусі, перадае карэспандэнт сайта.

11.02.2019 - 09:36 | Прамую тэлефонную лінію правядзе 16 лютага кіраўнік справамі Магілёўскага аблвыканкама Рыгор Варонін

Прамую тэлефонную лінію правядзе 16 лютага кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.