Рус Бел Eng 中文

Падпісаны ўказ аб мерах па стымуляванні выкарыстання ў Беларусі электрамабіляў

Прэзідэнт Беларусі Аляксандр Лукашэнка 10 ліпеня падпісаў указ №273 «Аб стымуляванні выкарыстання электрамабіляў». Пра гэта паведамілі ў прэс-службе беларускага лідара.

Дакументам прадугледжваюцца меры, накіраваныя на стымуляванне попыту на электрамабілі, а таксама стварэнне зараднай і сэрвіснай інфраструктуры.

У прыватнасці, прадугледжана вызваленне ад выплаты пошліны за выдачу дазволу на допуск электрамабіляў да ўдзелу ў дарожным руху; падатку на дабаўлены кошт пры ўвозе на тэрыторыю Беларусі зарадных прылад, якія не вырабляюцца на тэрыторыі краіны.

Дзяржаўным аператарам па стварэнні і развіцці зараднай сеткі для электрамабіляў выступіць РУП «ПА «Беларуснафта», якое забяспечыць распрацоўку і рэалізацыю адпаведнай праграмы.

Нагадаем, у Беларуска-Расійскім універсітэце з верасня будуць рыхтаваць спецыялістаў па абслугоўванні электрамабіляў. Для гэтага ў вучэбную лабараторыю магілёўскайВНУ набылі аўтамабіль з электрычным рухавіком.

Акрамя таго, на кафедры «Электрапрывад і аўтаматызацыя прамысловых установак» плануюць арганізаваць навучанне для магілёўцаў, якія хочуць даведацца пра электрамабілі і, магчыма, у будучым перасесці на аўто з электрычным рухавіком.

З чэрвеня ў Магілёве таксама запрацавала першая зарадная станцыя для электрамабіляў. Пілотны праект рэалізаваны ЗАТ «Тэхналагічны парк «Магілёў» сумесна з рэзідэнтам Тэхнапарка ТДА «Стрым» – інжынерна-вытворчай кампаніяй, якая займаецца распрацоўкай і вытворчасцю модуляў і сістэм з электронным кіраваннем для мабільных машын. Зарадная станцыя ўстаноўлена на грамадскай паркоўцы каля будынка Тэхнапарка (вул. Ленінская, 63).

Усталяваны модуль здольны адначасова зараджаць два аўтамабілі любых брэндаў. Для поўнай зарадкі спатрэбіцца ад 3 да 4 гадзін. У рэкламных мэтах да канца года паслуга прадастаўляецца бясплатна.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "эканоміка і бізнес":

18.02.2019 - 11:04 | Новыя правілы арганізацыі кірмашоў зацверджаны ў Беларусі

Палажэнне аб парадку арганізацыі і ўзгаднення правядзення кірмашоў на тэрыторыі Беларусі зацверджана пастановай Савета Міністраў ад 15 лютага 2019 года нумар 101, паведамляецца на сайце ўрада.

14.02.2019 - 14:19 | «Магатэкс» распрацуе ўніформу для ВПС Замбіі

ААТ «Магатэкс» пашырае рынак экспарту і плануе пастаўку тэкстыльнай прадукцыі ў Паўднёвую Афрыку. Пра гэта паведамілі на прадпрыемстве.

14.02.2019 - 08:25 | Бабруйскі цяплічны камбінат мае намер інвеставаць у развіццё вытворчасці больш за $ 18 млн

ТАА «Бабруйскі цяплічны камбінат» сёлета прыступае да рэалізацыі інвестпраекта па будаўніцтве кацельні і новых блокаў цяпліц агульнай плошчай 14 га для вырошчвання свежай гародніны. Пра гэта паведаміў генеральны дырэктар камбіната Вугар Садыгаў.

12.02.2019 - 08:04 | У Беларусі адмяняецца дыферэнцыраваная плата за некаторыя ЖКП

У Беларусі адмяняецца дыферэнцыраваная плата за тэхнічнае абслугоўванне жылых дамоў, паслугі водазабеспячэння, водаадвядзення, а таксама электрычную энергію ў залежнасці ад аб'ёмаў спажывання.

12.02.2019 - 08:03 | Новы памер утрымання з наймальнікаў сродкаў для выплаты зарплаты ўстаноўлены з 11 лютага

У Беларусі пры разліку сродкаў, якія падлягаюць пералічэнню па-за чаргой на пагашэнне запазычанасці па заработнай плаце, наймальнікі павінны браніраваць у разліку на аднаго работніка Br 364,46.