V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Падстанцыю хуткай дапамогі плануюць стварыць у мікрараёне Казіміраўка Магілёва

Магчымасці арганізацыі працы новай падстанцыі хуткай медыцынскай дапамогі ў мікрараёне Казіміраўка Магілёва сёння абмеркавалі на пашыранай нарадзе ў старшыні Магілёўскага гарвыканкама Уладзіміра Цумарава.

Актуальнасць пытання ў тым, што мікрараён Казіміраўка і суседні Спадарожнік актыўна развіваюцца, колькасць зваротаў у Магілёўскую гарадскую станцыю СМД пастаянна расце. Толькі ў мінулым годзе хуткая выязджала па выкліках больш чым да 11,5 тыс. жыхароў, і сёння колькасць зваротаў з гэтых мікрараёнаў у агульным аб’ёме складае прыкладна 11%. «Хоць ва ўстаноўлены нарматыў часу (15 хвілін па горадзе) у большасці выпадкаў хуткая дапамога ўкладваецца, дабіраючыся з існуючых у горадзе 5 падстанцый да месца прызначэння, але, каб палепшыць абслугоўванне насельніцтва і павысіць аператыўнасць працы медыкаў, трэба ствараць падстанцыю на гэтай тэрыторыі. Бо калі гаворка ідзе аб экстранай дапамозе, то тут кожная секунда дарагая», – лічыць галоўны урач Магілёўскай цэнтральнай паліклінікі Аляксандр Басенка.

Паводле яго слоў, улічваючы, што названыя мікрараёны хутка забудоўваюцца жыллём і існуюць перспектыўныя планы іх развіцця, трэба прадугледзець памяшканне для станцыі, не меншае за 300 кв. м, каб арганізаваць працу мінімум 5 брыгад хуткай медыцынскай дапамогі з магчымасцю павелічэння да 7 брыгад.

Уладзімір Цумараў даручыў аператыўна разгледзіць усе магчымасці размяшчэння станцыі ў мікрараёне Казіміраўка па-за жылымі дамамі. Ён паабяцаў адшукаць сродкі ў гарадскім бюджэце і да свята горада набыць для ўмацавання матэрыяльна-тэхнічнай базы гарадской станцыі СМП тры новыя рэанімабілі хуткай дапамогі, а таксама аказаць садзеянне па мадэрнізацыі абсталявання ўстановы аховы здароўя.

Станцыя хуткай медыцынскай дапамогі заснавана ў Магілёве ў 1926 годзе. Яна абслугоўвае насельніцтва колькасцю больш за 417 тыс. чалавек. Радыус абслугоўвання ўключае ўсю тэрыторыю Магілёва і Магілёўскага раёна. У склад гарадской станцыі СМД ўваходзяць 5 падстанцый у розных раёнах горада.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "здароўе":

25.09.2018 - 12:16 | У Магілёўскай вобласці за 8 месяцаў 2018 года зарэгістраваны 41 выпадак шаленства сярод жывёл

У Магілёўскай вобласці за 8 месяцаў 2018 года зарэгістраваны 41 выпадак шаленства сярод жывёл. Пра гэта карэспандэнту сайта паведамілі ў Магілёўскім абласным цэнтры гігіены, эпідэміялогіі і грамадскага здароўя.

18.09.2018 - 10:24 | Акцыю па прафілактыцы інфаркту міякарда правядуць 27 верасня ў Магілёўскай вобласці

Медыка-асветная акцыя «прадухіліць інфаркт міякарда» пройдзе 27 верасня ў рэгіёне. Пра гэта карэспандэнту сайта паведамілі ў Магілёўскім абласным цэнтры гігіены, эпідэміялогіі і грамадскага здароўя.

13.09.2018 - 10:55 | За 8 месяцаў больш за 2,7 тыс. чалавек звярнулася ў арганізацыі аховы здароўя Магілёва з укусамі кляшчоў

За 8 месяцаў 2018 года 2735 чалавекі звярнулася ў арганізацыі аховы здароўя Магілёва з укусамі кляшчоў. Сярод іх дзеці да 17 гадоў склалі 26,7%, паведамілі ў Магілёўскім занальным цэнтры гігіены і эпідэміялогіі.

06.09.2018 - 08:25 | Міністэрства аховы здароўя растлумачыла, якім катэгорыям медработнікаў і на колькі павысілі зарплаты з 1 верасня

Міністэрства аховы здароўя патлумачыла, якім катэгорыям медработнікаў і на колькі павысілі заработныя платы з 1 верасня. Адпаведная інфармацыя размешчана на сайце Міністэрства аховы здароўя.

05.09.2018 - 08:59 | Жыхары Магілёўшчыны прабеглі ў дапамогу абласному дзіцячаму цэнтру медыцынскай рэабілітацыі «Космас» на суму ў Br25 тыс.

Жыхары Магілёўшчыны прабеглі ў дапамогу абласному дзіцячаму цэнтру медыцынскай рэабілітацыі «Космас» на суму ў Br25 тыс. Рэгіён з вынікам 4927 км заняў чацвёртае месца ў дабрачынным марафоне «Гарады-бегуны», які праходзіў у рамках праекта # velcombegom.