Рус Бел Eng 中文

Памятны знак у гонар 100-годдзя ўтварэння пагранічных войскаў плануецца ўсталяваць у Крычаве

У Крычаве 19 мая па ініцыятыве раённай грамадскай арганізацыі «Беларускі саюз ветэранаў вайны ў Афганістане» плануецца адкрыць памятны знак у гонар 100-годдзя ўтварэння пагранічных войскаў. Пра гэта паведамілі ў Крычаўскім райвыканкаме.

Памятны знак стане месцам сустрэч ветэранаў-пагранічнікаў, воінаў-інтэрнацыяналістаў, правядзення патрыятычных мерапрыемстваў, якія папулярызуюць службу ў пагранічных войсках і Узброеных Сілах Рэспублікі Беларусь. Мемарыял будзе сімвалам мужнасці воінаў-пагранічнікаў.

У гэты ж дзень на базе сярэдняй школы №8 адбудзецца турнір па футболе ў гонар 100-годдзя Узброеных сіл Рэспублікі Беларусь і пагранічных войскаў, а ў гістарычным музеі Крычава адкрыецца «Зала афганскай славы».

У мерапрыемствах запланаваны ўдзел кіраўніцтва раённых выканкамаў, Савета дэпутатаў, грамадскіх арганізацый, ветэранаў пагранічных войскаў, прадстаўнікоў працоўных калектываў, Пагранічнага камітэта Беларусі, сілавых структур, гасцей з Расіі.

28 мая 2018 года спаўняецца 100 гадоў з дня ўтварэння пагранічных войскаў. Дата з’яўляецца значнай вяхой у гісторыі нашай дзяржавы, бо 22 чэрвеня 1941 года воіны-пагранічнікі першымі прынялі на сябе ўдар нямецкага ворага і паказалі, што быць абаронцам Радзімы – гэта святы гонар. Менавіта на беларускай зямлі, у Брэсцкай крэпасці, яны першымі ўвекавечылі мужнасць і гераізм.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

13.07.2018 - 12:49 | Вулічнае асвятленне на сонечных батарэях ўсталявалі ў Бярозкаўскім сельсавеце Хоцімскага раёна

Вулічнае асвятленне на сонечных батарэях ўсталявалі ў Бярозкаўскім сельсавеце Хоцімскага раёна. Пра гэта карэспандэнту сайта паведамілі ў Магілёўскім абласным упраўленні па наглядзе за рацыянальным выкарыстаннем паліўна-энергетычных рэсурсаў.

13.07.2018 - 11:32 | У Горках для аматараў прыроды адкрыты для наведвання дэндрапарк Беларускай сельгасакадэміі

Выдатны адпачынак – гэта прагулка на свежым паветры па маляўнічых месцах. У іх ліку – дэндрарый батанічнага саду, размешчаны ў Горках на тэрыторыі Беларускай сельгасакадэміі.

12.07.2018 - 12:19 | Як вырашаецца праблема занятасці ў Мсціслаўскім раёне

Прыгранічнае становішча раёна, дзе да ўмоўнага падзелу з Расіяй усяго з дзясятак кіламетраў, міжволіўплывае на рынак працы. Прывабныя прапановы працы ў аграрнай сферы ў краіне-суседцы спараджаюць скрытую міграцыю, рабочай сілы становіцца менш.

10.07.2018 - 14:31 | Ад аплаты камуналкі да стыпендыі школьнікам - як матывуюць работнікаў у бялыніцкім калгасе «Радзіма»

Бялыніцкі СВК «Калгас «Радзіма» распрацаваў сістэму мер для матывацыі сваіх работнікаў. Аб некаторых з іх сёння Прэзідэнту Беларусі Аляксандру Лукашэнку расказаў старшыня кааператыва Аляксандр Лапацентаў.

10.07.2018 - 14:15 | Аляксандр Лукашэнка падарыў аўтамабіль Geely Atlas калектыву бялыніцкага калгаса «Радзіма»

Кіраўнік дзяржавы Аляксандр Лукашэнка ўручыў сёння Падзяку Прэзідэнта працоўнаму калектыву СВК «Калгас «Радзіма» і падарыў яму аўтамабіль Geely Atlas.