Рус Бел Eng 中文

Пералік відаў рамеснай дзейнасці пашыраецца ў Беларусі

Пералік відаў рамеснай дзейнасці пашыраецца ў Беларусі. Гэта прадугледжана ўказам нумар 364 «Аб ажыццяўленні фізічнымі асобамі рамеснай дзейнасці», які Прэзідэнт Беларусі Аляксандр Лукашэнка падпісаў 9 кастрычніка, паведамілі ў прэс-службе беларускага лідара.

«Максімальна пашыраецца пералік відаў рамеснай дзейнасці, якія грамадзяне маюць права ажыццяўляць па заяўным прынцыпе без дзяржаўнай рэгістрацыі ў якасці індывідуальных прадпрымальнікаў. У названы пералік уключаны ўсе віды творчасці, што ажыццяўляюцца на аснове ручной працы», - расказалі ў прэс-службе.

Удакладняюцца месцы і спосабы рэалізацыі рамеснай прадукцыі. Акрамя продажу сваіх вырабаў на рынках, кірмашах і ў іншых месцах, што вызначаюцца мясцовымі выканаўчымі і распарадчымі органамі, рамеснікі змогуць прадаваць вырабы непасрэдна ў майстэрнях, дастаўляць і перасылаць прадукцыю пакупнікам па пазначаным адрасе.

Рамеснікі таксама змогуць рэкламаваць сваю прадукцыю, у тым ліку ў інтэрнэце.

«Прыняцце ўсіх гэтых мер пасадзейнічае развіццю народных промыслаў, захаванню і прымнажэнню традыцый ручной працы, а таксама ўключэнню працаздольнага насельніцтва ў эканамічную дзейнасць шляхам стварэння дадатковых умоў для самазанятасці грамадзян», - адзначылі ў прэс-службе.

Указ уваходзіць у пакет дакументаў, накіраваных на развіццё прадпрымальніцтва і стымуляванне дзелавой актыўнасці.

БЕЛТА

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "эканоміка і бізнес":

19.07.2018 - 12:00 | У I паўгоддзі 2018 года па выніках правядзення маніторынгу бюджэт Магілёўскай вобласці папоўніўся больш чым на Br1 млн

У I паўгоддзі 2018 года па выніках правядзення маніторынгу бюджэт Магілёўскай вобласці папоўніўся больш чым на Br1 млн. Пра гэта карэспандэнту сайта паведамілі ў прэс-цэнтры інспекцыі МПЗ па Магілёўскай вобласці.

19.07.2018 - 10:26 | Выкарыстанне сродкаў у сферы ЖКГ Магілёўскай вобласці знаходзіцца на кантролі КДК

Камітэтам дзяржаўнага кантролю Магілёўскай вобласці пры правядзенні маніторынгу выяўлена незаконнае атрыманне ў 2015-2016 гадах прадпрыемствамі жыллёва-камунальнай гаспадаркі рэгіёна бюджэтных сродкаў на суму больш за Br400 тыс.

18.07.2018 - 13:01 | За студзень-чэрвень 2018 года ў Магілёўскай вобласці ўведзена ў эксплуатацыю 120 тыс. кв. м жылля

За студзень-чэрвень 2018 года ў Магілёўскай вобласці ўведзена ў эксплуатацыю 120 тыс. кв. м агульнай плошчы жылых дамоў пры гадавым заданні 327 тыс. кв. м. У тым ліку 39 тыс. кв.

17.07.2018 - 15:43 | КДК Магілёўскай вобласці вывучыў эфектыўнасць выкарыстання арэнднага жылля ў Магілёве

Вынікі вывучэння эфектыўнасці выкарыстання арэнднага жылля ў Магілёве разгледжаны на пасяджэнні калегіі Камітэта дзяржкантролю Магілёўскай вобласці. Пра гэта карэспандэнту сайта паведамілі ў ведамстве.

17.07.2018 - 15:37 | Магілёўскія мытнікі спынілі незаконнае перамяшчэнне больш за 40 т яблыкаў

Магілёўскія мытнікі спынілі незаконнае перамяшчэнне больш за 40 т яблыкаў. Такая інфармацыя размешчана на сайце Дзяржаўнага мытнага камітэта.