Рус Бел Eng 中文

Пераможцамі абласнога конкурсу прафмайстэрства сярод вадзіцеляў смеццявозаў сталі работнікі Клімавіцкага УКП «Камунальнік» і Магілёўскага ГКУ «Спецаўтапрадпрыемства»

Конкурс прафесійнага майстэрства па прафесіі кіроўца смеццявоза упершыню прайшоў у Магілёўскай вобласці. Спаборніцтва сабрала каля 20 удзельнікаў – работнікаў прадпрыемстваў жыллёва-камунальнай гаспадаркі з усяго рэгіёна. Спаборніцтвы адбыліся на базе абласнога «ДТСААФ» і былі прымеркаваны да 750-годдзя Магілёва.

Да ўдзелу ў конкурсе былі дапушчаны толькі тэхработнікі, якія за апошнія 12 месяцаў не былі вінаватымі ў ДТЗ, а таксама не прыцягваліся за парушэнні працоўнай і вытворчай дысцыпліны. На шляху да перамогі ім трэба было пераадолець некалькі этапаў: конкурс на веданне Правілаў дарожнага руху, праверку ведання самой тэхнікі і яе абслугоўвання, а таксама самае відовішчнае выпрабаванне – дэманстрацыю навыкаў кіравання аўтамабілем-смеццявозам.

У выніку першае месца ў катэгорыі аўтамабіляў з задняй загрузкай заняў Васіль Ганцарэвіч з Клімавіцкага УКП «Камунальнік», другое – Іван Сліжоў са Шклоўскага УКП «Жылкамгас», трэцяе – Іван Прыгажаеў, які прадстаўляў Кіраўскае УКП «Жылкамгас». У групе аўтамабіляў з бакавой загрузкай вікторыю святкаваў работнік Магілёўскага ГКУ «Спецаўтапрадпрыемства» Аляксей Гузаў. Другім стаў кіроўца Круглянскага УКП «Жылкамгас» Мікалай Аўсяевіч, а трэцім – Аляксей Калубай з Клічаўскага УКП «Жылкамгас».

Пры выкарыстанні матэрыялаў актыўная гіперспасылка на mogilev-region.gov.by абавязковая