Рус Бел Eng 中文

Прадпрыемствы Магілёўскай вобласці – у ліку пераможцаў конкурсу «Найлепшы будаўнічы прадукт года»

Пераможцаў конкурсу «Найлепшы будаўнічы прадукт года – 2018» узнагародзілі ў Мінску. Пра гэта паведамляецца на афіцыйным сайце спаборніцтва.

У гэтым годзе канкурэнцыя была асабліва высокай: на права насіць званне «Найлепшы будаўнічы прадукт года – 2018» прэтэндавала звыш сотні кампаній. Па ўмовах конкурсу, пры ацэнцы прадстаўленых матэрыялаў улічвалася некалькі крытэрыяў. У ліку асноўных – запатрабаванасць на рынку, адсутнасць прэтэнзій па якасці, а таксама наяўнасць станоўчых водгукаў кліентаў.

Дыплом пераможцы ў дзевяці намінацыях атрымалі 63 прадпрыемствы краіны. Сярод іх – вытворцы будаўнічай прадукцыі Магілёўскай вобласці. У катэгорыі «Найлепшы будаўнічы матэрыял (выраб) года» пераможцамі прызнаны «Крычаўцэментнашыфер» і Беларускі цэментны завод за портландцэмент, а таксама Магілёўскі металургічны завод – за чыгунны запаўняльнік для асабліва цяжкіх бетонаў і чыгунны колаты запаўняльнік.

Рэспубліканскі конкурс «Найлепшы будаўнічы прадукт года – 2018» праводзіцца пры падтрымцы Міністэрства архітэктуры і будаўніцтва з 2004 года. Ён накіраваны на павышэнне якасці будаўніцтва ў краіне праз развіццё канкурэнтных адносін паміж прадпрыемствамі і арганізацыямі, якія прапануюць на рынку сваю прадукцыю і паслугі.

Пры выкарыстанні матэрыялаў актыўная гіперспасылка на mogilev-region.gov.by абавязковая

Чытайце таксама ў катэгорыі "эканоміка і бізнес":