Рус Бел Eng 中文

Праваслаўныя вернікі святкуюць Стрэчанне Гасподняе

Праваслаўныя вернікі сёння адзначаюць Стрэчанне. Гэта адзін з вялікіх дванадзесятых непераходзячых святаў праваслаўнага календара, які стаіць у адным шэрагу з Калядамі і Хрышчэннем Гасподнім.

У перакладзе са старажытнаславянскага слова стрэчанне азначае «сустрэча». Гэтая дата прыпадае на саракавы дзень пасля Нараджэння Іісуса, калі Дзева Марыя і Іосіф прынеслі немаўля ў Іерусалімскі храм. Згодна старазапаветнаму закону ўсякі першынец мужчынскага полу павінен быць прысвечаны Богу, аднак гэты абрад нельга было ажыццявіць раней чым праз сорак дзён пасля з’яўлення хлопчыка на свет. Бацькам трэба было не толькі прадставіць дзіця Богу, але і прынесці адпаведнае ахвяраванне.

У мэтах выканання гэтага закона Марыя і Іосіф прынеслі немаўля Ісуса ў Іерусалімскі храм, а для ахвяры выбралі дух птушанят галубоў. У гэты час у Ерусаліме жыў праведны і пабожны старац Сімяон. Яму быў знак звыш, што ён не памрэ, пакуль не ўбачыць Збавіцеля. Падпарадкоўваючыся Божаму ўнушэнню, праведны старац з’явіўся ў Храм і там ўбачыў дзіва – Госпада ў абліччы немаўляці. Сімяон узяў дзіця на рукі і, славячы Бога, сказаў: «Цяпер ты, Уладар, адпускаеш мяне, раба твайго, паводле слова твайго, з мірам, бо вочы мае ўбачылі тое выратаванне, якое ты падрыхтаваў для ўсіх людзей». Звярнуўшыся да Маці Божай, Сімяон прадказаў ёй пра Ісуса: «Вось праз яго будуць спрачацца ў народзе: адны выратуюцца, а іншыя загінуць. А табе самой зброя пройдзе душу». Гэта значыла, што Багародзіца будзе перажываць вялікае гора за Сына, калі ён будзе пакутаваць.

У памяць пра гэтыя падзеі і устаноўлена свята, якое сімвалічна знамянуе сустрэчу Старога і Новага Запаветаў, сустрэчу народа Божага са сваім Месіяй.

У дзень Стрэчання ва ўсіх храмах здзяйсняюцца святочныя літургіі і асвячаюцца свечкі. Гэтая традыцыя сыходзіць каранямі ў старажытнасць, калі вернікі ладзілі нешта накшталт хроснага ходу па горадзе, несучы ў руках запаленыя свяцільні. У гэты дзень у малітвах гучыць просьба да Бога аб тым, каб душы, асвечаныя Духам Святым, пазбягалі грахоўнай цемры.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

13.12.2018 - 15:30 | З 21 па 31 снежня ў Магілёве будуць працаваць ёлачныя кірмашы

Вызначаны пункты продажаў, дзе можна будзе набыць у Магілёве навагодняе дрэва – іх каля 30. Як звычайна, гэта будуць рынкі і міні-рынкі, пляцоўкі ў спальных раёнах абласнога цэнтра, паведамілі карэспандэнту сайта ва ўпраўленні гандлю і паслуг гарвыканкама.

13.12.2018 - 10:44 | У Беларусі пашырылі пералік тых, каго не будуць уключаць у базу даных не занятых у эканоміцы

У Беларусі пашырылі пералік тых, каго не будуць уключаць у базу даных не занятых у эканоміцы. У прыватнасці, у яго ўвайшлі ўласнікі маёмасці (заснавальнікі, удзельнікі) камерцыйных арганізацый, за выключэннем акцыянерных таварыстваў.

12.12.2018 - 09:50 | Рэспубліканскі кірмаш «Калядны гасцінец» пройдзе ў Бабруйску 13-16 снежня

Рэспубліканскі кірмаш «Калядны гасцінец» пройдзе ў Бабруйску 13–16 снежня. Пра гэта паведамілі ў Магілёўскім аддзяленні БелГПП, якое з’яўляецца арганізатарам мерапрыемства.

12.12.2018 - 09:10 | Апёкі 80% цела мужчына атрымаў на пажары ў Магілёве

У Магілёўскай вобласці за мінулыя суткі адбыўся адзін пажар, які ледзь не скончыўся гібеллю мужчыны. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.

11.12.2018 - 15:09 | Магілёўская гімназія і кітайская школа падпісалі дагавор аб супрацоўніцтве

Гімназія №4 Магілёва сёння падпісала дагавор аб супрацоўніцтве з кітайскай сярэдняй школай «Зялёны сад» горада Чанша (правінцыя Хунань).