Рус Бел Eng 中文

Прыпыненне працы школы ў Асіповічах не паўплывае на навучальны працэс – райвыканкам

Прыпыненне працы сярэдняй школы №4 у Асіповічах не паўплывае на навучальны працэс. Пра гэта паведаміла намеснік старшыні Асіповіцкага райвыканкама Ганна Землянухіна.

Паводле яе слоў, нягледзячы на прыпыненне з сённяшняга дня працы школы па рашэнні камісіі па надзвычайных сітуацыях, навучальны працэс не спынены. Усе дзеці пераведзены ў мясцовую гімназію і размеркаваны па класах. 1-2-я класы сёння пачалі навучанне ў першую змену, а астатнія будуць вучыцца ў другую – з 14.00.

«Такое аператыўнае рашэнне аб закрыцці школы, вядома, выклікала пэўныя арганізацыйныя складанасці і напружанасць, але ўсе пытанні,якія ўзнікаюць, вырашаюцца па ходу справы. На вучнях гэта ніяк не адлюструецца –пры ўваходзе ў гімназію дзяцей сустракаюць іх жа настаўнікі і суправаджаюць у класы, – адзначыла Ганна Землянухіна. – Да гэтага часу навучальны працэс у гімназіі быў арганізаваны ў адну змену, цяпер жа яна будзе працаваць на дзве змены. Тут будзе навучацца больш за 1,3 тыс. чалавек».

У Мінадукацыі праінфармавалі, што ўжо прынята рашэнне аб правядзенні ў школе капітальнага рамонту. Агляд будынка быў планавым. Ён праводзіўся ў адпаведнасці з дзеючымі тэхнічнымі нарматыўна-прававымі актамі. Спецыяльная арганізацыя прыцягвалася для атрымання тэхнічнага заключэння аб стане канструкцыі будынка школы. Падобныя мерапрыемствы праводзяцца для забеспячэння эксплуатацыйнага кантролю за тэхнічным станам будынкаў.

Як паведамлялася, камісія па надзвычайных сітуацыях прыняла рашэнне аб прыпыненні працы сярэдняй школы №4 у Асіповічах. Будынак 1966 года пабудовы быў інструментальна абследаваны спецыяльнай арганізацыяй. Паводле вынікаў праверкі, пліты перакрыцця трэцяга паверха знаходзяцца ў нездавальняльным стане. Для вырашэння пытання трэба праводзіць работы па зняцці нагрузкі з пліт і іх умацаванні. Сама пабудова трохпавярховая, перакрыцці – жалезабетонныя пліты. У школе навучаецца 740 чалавек.

Па матэрыялах БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

14.12.2018 - 16:59 | Прамую тэлефонную лінію правядзе 15 снежня старшыня Магілёўскага аблвыканкама Уладзімір Даманеўскі

Прамую тэлефонную лінію правядзе 15 снежня старшыня Магілёўскага аблвыканкама Уладзімір Віктаравіч Даманеўскі. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

13.12.2018 - 09:23 | У Магілёве адкрылі першае ганаровае консульства Латвіі ў Беларусі

Ганаровае Консульства Латвійскай Рэспублікі па Магілёве і Магілёўскай вобласці адкрылі ў горадзе на Дняпры. Ва ўрачыстай цырымоніі прынялі ўдзел саветнік – намеснік пасла Латвіі ў Беларусі Даце Рутка, кіраўнік Дырэкцыі па эканамічных адносінах, гандлі і развіцці Міністэрства замежных спраў Латвіі Юрыс Шталмейстарс, старшыня Магілёўскага аблвыканкама Уладзімір Даманеўскі, старшыня Магілёўскага гарвыканкама Уладзімір Цумараў, перадае карэспандэнт сайта.

12.12.2018 - 10:46 | Больш за 30 праектаў прадставяць у Крычаве ўдзельнікі абласнога этапу рэспубліканскага моладзевага конкурсу «100 ідэй для Беларусі»

Больш за 30 праектаў прадставяць у Крычаве ўдзельнікі абласнога этапу рэспубліканскага моладзевага конкурсу «100 ідэй для Беларусі». Пра гэта карэспандэнту сайта паведамілі ў абкаме ГА «БРСМ».

11.12.2018 - 16:14 | У рэгіянальным адборы на конкурсы «Славянскага базару-2019» прынялі ўдзел 29 выканаўцаў з Магілёўскай вобласці

У Беларусі праходзіць першы этап адбору ўдзельнікаў Міжнароднага конкурсу выканаўцаў эстраднай песні «Віцебск-2019» і Міжнароднага дзіцячага музычнага конкурсу «Віцебск-2019». Старт быў дадзены 5 снежня ў Гродне, а сёння эстафету прымаў Магілёў. Праслухоўванне прэтэндэнтаў ад нашага рэгіёна адбылося ў абласным метадычным цэнтры культурна-народнай творчасці і асветнай працы, дзе працавала журы пад старшынствам заслужанай артысткі Рэспублікі Беларусь Алены Ланской.

07.12.2018 - 15:00 | Дабрачынны тэлемарафон «Нашы дзеці» пройдзе ў прамым эфіры на тэлеканале «Беларусь 4. Магілёў» 14 снежня

IV дабрачынны тэлемарафон «Нашы дзеці» пройдзе 14 снежня ў прамым эфіры тэлеканала «Беларусь 4. Магілёў» з 13:55 да 19:15. Ён праводзіцца ў межах абласнога дабрачыннага марафону «Сагрэем дзіцячыя сэрцы», які арганізуе абласное аддзяленне «Беларускага дзіцячага фонду».