Рус Бел Eng 中文

Радыё «Зефір FM» 6 мая пачне вяшчанне ў Бабруйску

Радыё «Зефір FM» 6 мая пачне вяшчанне ў Бабруйску, як паведаміў галоўны рэдактар медыяхолдынга “Бабруйскае жыццё” Вадзім Шчыглоў.

Працаваць новае радыё будзе на частаце 95,4 FM 24 гадзіны сем дзён на тыдзень. У гэтым жа фармаце яно стане даступным жыхарам Асіповіцкага, Кіраўскага і Глускага раёнаў, бо радыус распаўсюджвання гукавога сігналу ахоплівае не толькі Бабруйск, але і 50 км ад горада.

Рэгіянальнае FM-радыё па аснашчэнні не адстае ад «Юністар», «Рокс», «Новага радыё». Радыёстанцыя ўкамплектавана адпаведным апошнім сусветным тэндэнцыям абсталяваннем. Яго магчымасці дазваляюць адначасова выдаваць у эфір некалькі праграм. Увесь шлях фарміравання гукавога сігналу – ад мікрафона і пульта да перадатчыка – лічбавы, што цалкам выключае якія-небудзь скажэнні і забяспечвае высокую якасць трансляцыі.

Яшчэ адно тэхнічнае дапаўненне – вяшчанне ў прамым эфіры ў сетцы Інтэрнэт. «Слухаць радыёстанцыю можна будзе ў любым пункце свету, – сказаў Вадзім Шчыглоў. – Акрамя таго, яна будзе працаваць у інтэрактыве: мы арганізуем каналы тэлефоннай, смс- і інтэрнэт-сувязі».

У хуткай будучыні ёсць планы ўсталяваць рэтрансляцыйныя станцыі. Існуючы комплекс тэхнічнага абсталявання дазваляе распаўсюджваць сігнал у тыя населеныя пункты, дзе ўсталяваны мачты вяшчання, таму ахапіць усю Магілёўскую вобласць больш чым рэальна, як канстатаваў Вадзім Шчыглоў.

У эфіры «Зефір FM» будуць ісці як інфармацыйныя праграмы «Рэчы ў сабе», «Горад у дэталях», так і музычная лінейка. У «Хіт-чарце» – меламаны даведаюцца пра музыку, якую слухаюць у Маскве, «Рэтра-Zефір» будзе трансляваць голд-хіты. Своеасаблівым галоўным нумарам стане праграма «Начны парцье». У ёй вядучыя будуць падымаць нетрывіяльныя тэмы, у якіх дапаможа разабрацца псіхолаг. Запланаваны і перадачы з каларытнымі назвамі «Таки здравствуйте», «Шалом». На думку суразмоўцы, бабруйскаму радыё пашанцавала: яно запусціцца падчас летняга раскладу, а значыць, да восені вялікая частка праграм будзе забаўляльная, сакавітая і сонечная.

Каментуючы гісторыю ўзнікнення назвы радыё, Вадзім Шчыглоў адзначыў, што яно не мае дачынення да вядомага ў Бабруйску вытворцы кандытарскіх вырабаў, але нароўні з ім будзе праслаўляць горад, ствараючы смачны лёгкі прадукт на FM-хвалях. «Хацелася лёгкасці і ў той жа час экспрэсіі, – сказаў суразмоўца. – Назва павінна была асацыявацца з Бабруйскам і абавязкова ствараць адмысловы настрой. Таму аптымальным варыянтам стаў «Зефір FM». Акрамя свежага і смачнага ладу, у назве, калі адкінуць літару Z, чытаецца слова «эфір».

Першы дзень «Зефір» у эфіры адзначыцца грандыёзным канцэртам. Напярэдадні Дня радыё на плошчы Леніна ў Бабруйску выступяць вядомыя беларускія гурты – J-Moрс, Skynet, «Дразды», мясцовыя калектывы і выканаўцы. Якія прыйшлі на свята пазнаёмяцца з галоўнымі героямі медыйнага праекта – дыджэямі.

Правадное радыё ў Бабруйску працавала ў пасляваенныя гады. Спачатку як асобны СМІ, а з 70-х у складзе газеты «Камунiст» (цяпер «Бабруйскае жыццё»). У 2006 годзе штат рэдакцыі павялічыўся амаль удвая, вырасла колькасць уласных праграм. Аднак у сувязі з аптымізацыяй праваднога вяшчання са студзеня 2017 года Бабруйскае гарадское радыё спыніла цалкам выхад у эфір. «Зефір FM» таксама з’яўляецца часткай медыяхолдынга “Бабруйскае жыццё”, які, акрамя гарадской газеты, уключае сайт і навінны праект «Сёння ў Бабруйску», трансляваны на канале «Беларусь 4».

 

Пры выкарыстанні матэрыялаў актыўная гіперспасылка на mogilev-region.gov.by абавязковая