Рус Бел Eng 中文

Рэгіянальны фестываль «Дрыбінскія таржкі» праходзіць у Дрыбіне

Рэгіянальны фестываль «Дрыбінскія таржкі» праходзіць у Дрыбіне. Пра гэта паведамілі ў райвыканкаме.

Дрыбінскі край спрадвеку славіўся шапавальским промыслам. Цудоўныя валёнкі, шапкі-магеркі, рукавіцы, упрыгожанні – чаго толькі не робяць мясцовыя ўмельцы. Невыпадкова гэтае старадаўняе майстэрства ўвайшло ў спіс нематэрыяльнай спадчыны рэспубліканскага значэння. Але акрамя шапавальства на Дрыбіншчыне займаюцца і іншымі народнымі промысламі – салома- і бісерапляценнем, вышыўкай, прыгатаваннем арыгінальных страў нацыянальнай кухні.

Традыцыя праводзіць «таржкі» з'яўляецца гістарычнай. У XIX стагоддзі на дрыбінскай зямлі ў дзень святога Ільі арганізоўваліся такія кірмашы, вядомыя на ўсю акругу і далёка за яе межамі. З усіх бакоў свету з'язджаліся купцы на Дрыбіншчыну.

Сёння гэты кірмаш атрымаў другое дыханне. Свята ў гэтым годзе адбудзецца ўжо ў восьмы раз. Падрыхтоўка да мерапрыемства ідзе поўным ходам, і галоўнай асаблівасцю стане трохдзённы фармат. Пачаўся фестываль 16 жніўня з працы кірмашовай плошчы. Канцэрт з удзелам запрошаных творчых калектываў адбудзецца 17-га. Галоўным жа днём стане субота 18 жніўня.

Гасцей будуць сустракаць пастаянныя вядучыя Дрыбша і Сымоніха. Крамніцы пашыраць і напоўняць новым зместам і інтэрактыўнасцю. Маюць намер арганізаваць выпечку хлеба на падвор’і. Больш маляўніча і шырока будзе прадстаўлена забаўляльная праграма: ужо паступаюць заяўкі на ўдзел ад аніматараў і арганізацый, якія займаюцца атракцыёнамі. У рамках свята пройдзе і ўпадабаны многімі фестываль фарбаў.

Нязменным атрыбутам мерапрыемства з'яўляюцца падвор’і ўстаноў і прадпрыемстваў Дрыбіншчыны. Сярод іх правядуць конкурс, а лепшыя атрымаюць падарункі. Падчас свята таксама адбудзецца «Літаратурная гасцёўня» і юбілейнае пасяджэнне літаратурнага клуба «Вянок Дрыбіншчыны», у якім возьмуць удзел знакамітыя паэты і пісьменнікі – ураджэнцы раёна.

Будуць працаваць шматлікія выставы-продажы, дзе ўмельцы прадставяць свае вырабы і правядуць майстар-класы.

Стала традыцыяй бачыць на рэгіянальным фестывалі гасцей з суседніх краін. У гэтым кірунку ўжо вядзецца дэталёвая праца з метадычнымі цэнтрамі абласцей Украіны і Расіі, нацыянальнымі дыяспарамі, а таксама Горацкай сельскагаспадарчай акадэміяй, дзе ёсць таленавітыя міжнародныя калектывы. Магчыма, у гэтым годзе парадуюць сваёй прысутнасцю італьянскія госці.

Фота - газета "Савецкая веска"

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

17.01.2019 - 17:49 | Сучасную сістэму аўтаматычнага кантролю прамысловых выкідаў усталююць на ЗТАА «Омск Карбон Магілёў»

Сучасную сістэму аўтаматычнага кантролю прамысловых выкідаў усталююць на ЗТАА «Омск Карбон Магілёў». Пра гэта паведамілі сёння падчас прэс-канферэнцыі, прысвечанай экалагічнай абстаноўцы на тэрыторыі вобласці, у тым ліку, яе маніторынгу на ўчастку №4 СЭЗ «Магілёў».

16.01.2019 - 16:06 | РЭПАРТАЖ: Вясноўскі дом-інтэрнат: перадавы вопыт індывідуальнага развіцця і адаптацыі дзяцей-інвалідаў

Уключэнне дзяцей з абмежаванымі магчымасцямі здароўя і дзяцей-інвалідаў у жыццё грамадства паступова становіцца магістральнай лініяй сацыяльнага развіцця Беларусі. Распрацавана спецыяльная праграма, галоўная ўвага ў якой надаецца жыццёвай кампетэнцыі такіх дзяцей, здольнасці жыць у нармальных умовах. Значных вынікаў у гэтай працы дамогся Вясноўскі дом-інтэрнат для дзяцей-інвалідаў з асаблівасцямі псіхафізічнага развіцця.

15.01.2019 - 19:37 | У Палацы культуры вобласці прайшло мерапрыемства, прысвечанае 100-годдзю ўтварэння БССР

Урачыстае мерапрыемства, прысвечанае 100-годдзю ўтварэння Беларускай Савецкай Сацыялістычнай Рэспублікі, адбылося сёння ў Палацы культуры вобласці.

15.01.2019 - 10:32 | Галоўная тэма АДІ ў студзені: «Вялікія справы Года малой радзімы: знакавыя падзеі 2018 года»

Адзіны дзень інфармавання, які пройдзе 17 студзеня ў гарадах і раёнах Магілёўшчыны, будзе прысвечаны Году малой радзімы і знакавым падзеям 2018 года. Пра гэта паведамілі ў Галоўным упраўленні ідэалагічнай работы і па справах моладзі аблвыканкама.

14.01.2019 - 10:31 | Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Варонін

Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.