Рус Бел Eng 中文

Спартакіяда Саюзнай дзяржавы для дзяцей і юнацтва «Алімп – 2018» стартуе ў Магілёве 8 кастрычніка

Спартакіяда Саюзнай дзяржавы сярод дзяцей і юнацтва «Алімп – 2018» збярэ на пляцоўках Магілёўскай вобласці каля 200 беларускіх і расійскіх школьнікаў. Спаборніцтва пройдзе 8-13 кастрычніка ў Магілёве і Шклове.

Падлеткі памераюцца сіламі ў трох відах спорту. Валейбол прыме гульнявая зала СК «Алімпіец», хакей – шклоўскі Лядовы палац, шахматы – Магілёўскі прафесійны электратэхнічны каледж. У гульнях плануецца ўдзел па 4 каманды ад кожнага боку.

Спаборніцтвы ў нашым рэгіёне спецыяльна арганізавалі так, каб у юных спартсменаў быў час для спаборніцтваў, зносін і новых знаёмстваў. Для дзяцей падрыхтавана змястоўная культурная праграма: музычна-танцавальныя дыскатэкі, экскурсіі па славутых мясцінах Магілёва, наведванне арыгінальнага ў многіх адносінах заалагічнага саду, дзе большасць звяроў утрымліваецца ў натуральных умовах. Падчас вечарыны дружбы хлапчукі і дзяўчынкі наведаюць этнаграфічную вёску «Зялёны гай», дзе пабываюць у горадзе майстроў і пагуляюць у лазертаг. Акрамя таго, школьнікі прымуць удзел у мерапрыемствах V Форуму рэгіёнаў Беларусі і Расіі, які адбудзецца ў Магілёве 10-12 кастрычніка.

Спартакіяда Саюзнай дзяржавы на працягу года праходзіць у чатыры этапы – па два на тэрыторыі Беларусі і Расіі. Магілёўскі этап – другі ў гэтым годзе. Першы прымаў Жлобін 5-10 чэрвеня. Трэці плануецца правесці ў Анапе, а завершыцца Спартакіяда ў Валгаградзе.

Пераможцаў вызначаюць на кожным этапе. Каб стаць найлепшым у агульным заліку, трэба паказваць і ўдасканальваць спартыўнае майстэрства пастаянна.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

06.12.2018 - 13:18 | Каля 150 тыс. юных жыхароў Магілёўшчыны стануць удзельнікамі навагодніх мерапрыемстваў

Каля 150 тыс. юных жыхароў Магілёўшчыны стануць удзельнікамі навагодніх мерапрыемстваў, арганізаваных установамі адукацыі, арганізацыямі і грамадскімі аб’яднаннямі. Пра гэта карэспандэнту сайта паведамілі ў галоўным упраўленні па адукацыі аблвыканкама.

05.12.2018 - 15:16 | Больш за 100 мерапрыемстваў запланавана ў Магілёве да Новага года і Каляд

Больш за 100 мерапрыемстваў запланавана ў Магілёве да Новага года і Каляд. У чарадзе святочных забаў знайшлося месца як для ўпадабаных жыхарам абласнога цэнтра мерапрыемстваў, так і для новых. Многія традыцыйныя дзействы памяняюць фармат. Нязменнымі застануцца іх душэўная атмасфера, маляўнічасць і запал.

04.12.2018 - 10:10 | У Магілёве на плошчы Леніна ідзе ўстаноўка галоўнай навагодняй ёлкі вобласці

У Магілёве на плошчы Леніна ідзе ўстаноўка галоўнай навагодняй ёлкі вобласці. Сямнаццаты год запар яе асновай становіцца 27-метровая металічная канструкцыя, якая складаецца са зборных модуляў.

03.12.2018 - 12:56 | Прамую тэлефонную лінію правядзе 8 снежня намеснік старшыні Магілёўскага аблвыканкама Руслан Пархамовіч

Прамую тэлефонную лінію правядзе 8 снежня намеснік старшыні Магілёўскага аблвыканкама Руслан Віктаравіч Пархамовіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

03.12.2018 - 10:06 | У Магілёўскай вобласці на ўліку ў органах па працы, занятасці і сацыяльнай абароне знаходзіцца больш за 61 тыс. чалавек з інваліднасцю

У Магілёўскай вобласці на ўліку ў органах па працы, занятасці і сацыяльнай абароне знаходзіцца больш за 61 тыс. чалавек з інваліднасцю, у тым ліку 10,7 тыс. інвалідаў I групы, 27,4 тыс. – II групы, 20 тыс. –III групы, 3,2 тыс. дзяцей-інвалідаў ва ўзросце да 18 гадоў. Пра гэта карэспандэнту сайта паведамілі ў камітэце па працы, занятасці і сацыяльнай абароне аблвыканкама.