Рус Бел Eng 中文

Старшыня аблвыканкама Уладзімір Даманеўскі ў Дзень Перамогі наведаў шпіталь інвалідаў Айчыннай вайны

Старшыня Магілёўскага аблвыканкама Уладзімір Даманеўскі ў Дзень Перамогі наведаў Магілёўскі абласны шпіталь інвалідаў Айчыннай вайны.

Адкрываючы ўрачыстае мерапрыемства, прысвечанае 9 Мая, губернатар звярнуў увагу на тое, што старонкі ваеннай гісторыі Магілёўскай вобласці не менш трагічныя, чым, напрыклад, на Брэстчыне. На тэрыторыі Прыдняпроўскага краю праходзілі кровапралітныя баі, адным з якіх стала бітва каля вёскі Буйнічы. Гераічная абарона Магілёва аб’яднала ў барацьбе за мір і свабоду не толькі вайсковыя злучэнні. Разам з байцамі Чырвонай Арміі подступы да абласнога цэнтра адстойвалі апалчэнцы – простыя людзі, якія абаранялі свае сем’і, родны горад.

Гаворачы пра страты, звязаныя з Вялікай Айчыннай вайной, нельга не ўспомніць Чавускі раён, дзе амаль дзевяць месяцаў стаяў фронт, адзначыў Уладзімір Даманеўскі. Рэгіён і сёння па колькасці насельніцтва яшчэ не аднавіў даваенны ўзровень. Гэта пацвярджае, што Прыдняпроўскі край паліты крывёю вялікай колькасці людзей, якія да смерці абаранялі шматнацыянальную краіну ад ворага. «Мне часам даводзіцца наведваць лесагаспадарчыя аб’яднанні, – расказаў старшыня аблвыканкама. – І тут часта кажуць, што не паспяваюць тачыць пілы, бо ў хвоях асколкі і кулі – адгалоскі вайны і бітваў, якія былі на Магілёўшчыне».

Звяртаючыся да пацыентаў шпіталя, Уладзімір Даманеўскі ў першую чаргу пажадаў ім моцнага здароўя. «Вы патрэбныя нашаму грамадству, вы – жывая гісторыя, – адзначыў кіраўнік рэгіёна. – Пра вайну можна прачытаць у кнігах Канстанціна Сіманава і іншых пісьменнікаў. Але гэта не заменіць жывых слоў, таго эмацыйнага ўздзеяння, якое аказваюць успаміны ўдзельнікаў страшных падзей, якія жылі ў зямлянках, недаядалі, але дакладна ведалі, за што яны змагаюцца».

Старшыня аблвыканкама падкрэсліў актуальнасць захавання памяці аб вайне і Вялікай Перамозе ў сучасных умовах, калі існуюць спробы перакроіць гісторыю. Ён выказаў падзяку ветэранам за сустрэчы з моладдзю і праўдзівыя апавяданні.

Уладзімір Даманеўскі цёпла павіншаваў удзельнікаў мерапрыемства са святам і ўручыў шпіталю ў падарунак ад аблвыканкама сертыфікат на набыццё сучаснага медыцынскага абсталявання. 

Таксама грашовыя сертыфікаты на абнаўленне матэрыяльна-тэхнічнай базы ўстановы аховы здароўя падаравалі кіраўніцтва горада Магілёва, абласныя грамадскія арганізацыі, Фонд міру, Чырвонага Крыжа, «Белая Русь», «Беларускі саюз жанчын». 

Перад удзельнікамі мерапрыемства выступілі творчыя калектывы і выканаўцы абласнога цэнтра.

Магілёўскі абласны шпіталь інвалідаў Айчыннай вайны прызначаны для аказання спецыялізаванай планавай стацыянарнай медыцынскай дапамогі ветэранам вайны, асобам, якія пацярпелі ад наступстваў войнаў, пажылых людзей. Медустанова разлічана на 200 ложкаў кругласутачнага знаходжання. Тут функцыянуе чатыры стацыянарныя аддзяленні: тры тэрапеўтычныя на 150 ложкаў і адно неўралагічнае на 50 ложкаў.

Як паведаміў галоўны ўрач установы аховы здароўя Васіль Арцёменкаў, у шпіталі штогод рэгіструецца больш за 5 тыс. наведванняў, з іх каля 1,5 тыс. разоў па медыцынскую дапамогу звяртаюцца ветэраны, інваліды і ўдзельнікі Вялікай Айчыннай вайны.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

14.12.2018 - 16:59 | Прамую тэлефонную лінію правядзе 15 снежня старшыня Магілёўскага аблвыканкама Уладзімір Даманеўскі

Прамую тэлефонную лінію правядзе 15 снежня старшыня Магілёўскага аблвыканкама Уладзімір Віктаравіч Даманеўскі. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

13.12.2018 - 09:23 | У Магілёве адкрылі першае ганаровае консульства Латвіі ў Беларусі

Ганаровае Консульства Латвійскай Рэспублікі па Магілёве і Магілёўскай вобласці адкрылі ў горадзе на Дняпры. Ва ўрачыстай цырымоніі прынялі ўдзел саветнік – намеснік пасла Латвіі ў Беларусі Даце Рутка, кіраўнік Дырэкцыі па эканамічных адносінах, гандлі і развіцці Міністэрства замежных спраў Латвіі Юрыс Шталмейстарс, старшыня Магілёўскага аблвыканкама Уладзімір Даманеўскі, старшыня Магілёўскага гарвыканкама Уладзімір Цумараў, перадае карэспандэнт сайта.

12.12.2018 - 10:46 | Больш за 30 праектаў прадставяць у Крычаве ўдзельнікі абласнога этапу рэспубліканскага моладзевага конкурсу «100 ідэй для Беларусі»

Больш за 30 праектаў прадставяць у Крычаве ўдзельнікі абласнога этапу рэспубліканскага моладзевага конкурсу «100 ідэй для Беларусі». Пра гэта карэспандэнту сайта паведамілі ў абкаме ГА «БРСМ».

11.12.2018 - 16:14 | У рэгіянальным адборы на конкурсы «Славянскага базару-2019» прынялі ўдзел 29 выканаўцаў з Магілёўскай вобласці

У Беларусі праходзіць першы этап адбору ўдзельнікаў Міжнароднага конкурсу выканаўцаў эстраднай песні «Віцебск-2019» і Міжнароднага дзіцячага музычнага конкурсу «Віцебск-2019». Старт быў дадзены 5 снежня ў Гродне, а сёння эстафету прымаў Магілёў. Праслухоўванне прэтэндэнтаў ад нашага рэгіёна адбылося ў абласным метадычным цэнтры культурна-народнай творчасці і асветнай працы, дзе працавала журы пад старшынствам заслужанай артысткі Рэспублікі Беларусь Алены Ланской.

07.12.2018 - 15:00 | Дабрачынны тэлемарафон «Нашы дзеці» пройдзе ў прамым эфіры на тэлеканале «Беларусь 4. Магілёў» 14 снежня

IV дабрачынны тэлемарафон «Нашы дзеці» пройдзе 14 снежня ў прамым эфіры тэлеканала «Беларусь 4. Магілёў» з 13:55 да 19:15. Ён праводзіцца ў межах абласнога дабрачыннага марафону «Сагрэем дзіцячыя сэрцы», які арганізуе абласное аддзяленне «Беларускага дзіцячага фонду».