Рус Бел Eng 中文

Старшыня Савета Рэспублікі Міхаіл Мясніковіч 6 лістапада з рабочай паездкай наведае Магілёў

Рабочая паездка Старшыні Савета Рэспублікі Міхаіла Мясніковіча ў Магілёў адбудзецца 6 лістапада. Спікер верхняй палаты Парламента наведае ЗТАА «Омск Карбон Магілёў», дзе завершаны работы па будаўніцтве першага пускавога комплексу па вытворчасці тэхнічнага вугляроду.

Другі тэхналагічны паток плануецца да ўводу ў эксплуатацыю ў другім паўгоддзі 2019 года.

Усяго ў межах інвестыцыйнага праекта, разлічанага да канца 2020 года, маюць намер прыцягнуць інвестыцыі ў аб’ёме 136 млн. еўра, стварыць 448 новых працоўных месцаў, забяспечыць стварэнне вытворчасці тэхнічнага вугляроду магутнасцю 200 тыс. т у год.

Падчас рабочай паездкі Старшыня Савета Рэспублікі таксама прыме ўдзел у мерапрыемствах да 50-годдзя ААТ «Магілёўхімвалакно» і ўручыць памятныя знакі Форума рэгіёнаў Беларусі і Расіі.

При использовании материалов активная гиперссылка на mogilev-region.gov.by обязательна