Рус Бел Eng 中文

Сумесныя моладзевыя праекты прэзентуюць падчас V Форуму рэгіёнаў Беларусі і Расіі

«Сумесныя моладзевыя праекты будуць прэзентаваны падчас V Форуму рэгіёнаў Беларусі і Расіі, – паведаміў другі сакратар ЦК ГА «Беларускі рэспубліканскі саюз моладзі» Алег Дзікун.

«Моладзевыя дэлегацыі дзвюх краін прымуць удзел у самой праграме V Форуму рэгіёнаў Беларусі і Расеі, паўдзельнічаюць у дыскусіях, прэзентуюць сумесныя праекты», – расказаў Алег Дзікун.

Паводле яго слоў, напярэдадні V Форуму рэгіёнаў будзе арганізавана некалькі мерапрыемстваў, дзе будуць актыўна ўдзельнічаць моладзевыя дэлегацыі дзвюх краін. У прыватнасці, абмеркаванне і прэзентацыя сумесных рэгіянальных праектаў пройдзе ўжо падчас XIII фестывалю «Моладзь за Саюзную дзяржаву» ў Растове-на-Доне 12-17 верасня. «З гэтага года па нашай ініцыятыве абноўлена праграма фестывалю. Праект збярэ прадстаўнікоў рэгіянальных моладзевых арганізацый дзвюх краін, і першыя міжрэгіянальныя пагадненні будуць падпісаны ўжо там. А на V Форуме рэгіёнаў Беларусі і Расіі гэта набудзе больш шырокі фармат», – адзначыў Алег Дзікун.

Каля 250 маладых людзей дзвюх краін збярэ злёт студэнцкіх атрадаў Беларусі і Расіі «Моладзь будуе Саюз» 22-23 верасня ў Полацкім раёне. «Для іх будуць арганізаваны адукацыйныя пляцоўкі, майстар-класы, круглыя сталы, трэнінгі, будуць абмяркоўвацца пытанні ўдасканалення заканадаўчай базы і далейшага развіцця студатрадаўскага руху. Па выніках злёту будзе падпісана пагадненне аб супрацоўніцтве на найбліжэйшыя пяць гадоў паміж БРСМ і Расійскімі студэнцкімі атрадамі. На базе Беларускага дзяржаўнага ўніверсітэта інфарматыкі і радыёэлектронікі пройдзе відэа-мост «Масква-Мінск» з запрашэннем моладзевых арганізацый, дзе мы падвядзём вынікі злёту і прагаворым, што будзем абмяркоўваць на V Форуме рэгіёнаў на моладзевай секцыі. Дасягненні моладзевых арганізацый дзвюх краін таксама будуць прэзентаваны падчас VI моладзевага форуму Беларусі і Расіі «Моладзь – за Саюзную дзяржаву» 9-10 кастрычніка ў Магілёве», – падкрэсліў другі сакратар ЦК БРСМ.

Усе гэтыя праекты стануць пляцоўкамі для абмеркавання і падпісання пагадненняў паміж грамадскімі арганізацыямі Беларусі і Расіі. «Мы разлічваем дасягнуць канкрэтных пагадненняў на рэгіянальным узроўні. Дапусцім, Мінская вобласць з Маскоўскай, Брэсцкая – з Курскай і гэтак далей, каб зрабіць міжрэгіянальнае супрацоўніцтва больш шчыльным сярод грамадскіх арганізацый. Таксама мы зможам паглядзець на практыцы, як рэалізуецца праз прызму эканомікі моладзевая палітыка, як арганізавана падтрымка моладзі на прадпрыемствах, зможам абмяняцца думкамі, выказаць нейкія пажаданні на будучыню», – рэзюмаваў Алег Дзікун.

 

БЕЛТА
 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

09.11.2018 - 11:52 | Міжрэгіянальны бізнес-форум «Кааперацыя вытворчасці, бізнесу і навукі: поспехі, праблемы, перспектывы» пройдзе 14 лістапада ў Магілёве

Міжрэгіянальны бізнес-форум «Кааперацыя вытворчасці, бізнесу і навукі: поспехі, праблемы, перспектывы» пройдзе 14 лістапада ў Палацы культуры вобласці. Пра гэта карэспандэнту сайта паведамілі ў камітэце эканомікі аблвыканкама.  

09.11.2018 - 10:58 | У Францыі адкрыты яшчэ адзін квартал шклоўскіх дамоў

У французскім горадзе Вільру (правінцыя Латарынгія) адбылася афіцыйная цырымонія адкрыцця жылога квартала імя Жана Эмануэля Жылібера, збудаванага з драўляных дамоў, вырабленых філіялам «Домабудаванне» Шклоўскага завода газетнай паперы.

09.11.2018 - 07:59 | Магілёўская вобласць і правінцыя Цзянсу маюць намер вывесці гандлёвае супрацоўніцтва на новы ўзровень

Магілёўская вобласць і кітайская правінцыя Цзянсу дамовіліся вывесці гандлёва-інвестыцыйнае супрацоўніцтва на новы ўзровень. Пра гэта паведаміў генеральны консул Беларусі ў Шанхаі Валерый Мацэль.

08.11.2018 - 15:11 | Магілёўскае абласное кадэцкае вучылішча адсвяткавала наваселле

Магілёўскае абласное кадэцкае вучылішча сёння афіцыйна адсвяткавала наваселле, перадае карэспандэнт сайта. Новую базу навучальная ўстанова атрымала на вуліцы Касманаўтаў. Комплекс былога прафесійнага ліцэя №5 адрамантавалі. Зараз у распараджэнні выкладчыкаў і навучэнцаў 4-павярховы корпус, дзе створаны сучасныя ўмовы для навучальнага і выхаваўчага працэсу.

06.11.2018 - 11:14 | Работнікі і арганізацыі Магілёўскай вобласці атрымалі ўзнагароды за падрыхтоўку і правядзенне на высокім арганізацыйным узроўні V Форуму рэгіёнаў Беларусі і Расіі

Работнікі і арганізацыі Магілёўскай вобласці атрымалі ўзнагароды Нацыянальнага сходу Беларусі і Савета Рэспублікі за падрыхтоўку і правядзенне на высокім арганізацыйным узроўні V Форуму рэгіёнаў Беларусі і Расіі, які праходзіў у Магілёве 10-12 кастрычніка. Ушанаванне адбылося сёння ў аблвыканкаме, перадае карэспандэнт сайта.